پێشگوتن ســەرهـاتیــێـن پـێــغــە مـبـەران و مـلـلـەتێـن بـــوری
سه‌رهاتىێن پێغه‌مبه‌ر و ملڵه‌تێن بوری
پێشگوتن
إنَّ الحمد لله، نحمده ونستعينه ونستغفره ، ونعوذ بالله مـن شرور أنفسنا ، وسيئات أعمالنا ، من يهده الله فلا مضل له ، ومن يضلل فلا هادي له، وأشهد أن لا إله إلا الله وحده لا شريك له ، وأشهد أنَّ محمداً عبده ورسوله .
(يا أيها الذين آمنوا اتقوا الله حق تقاته ولا تموتن إلا وأنتم مسلمون)سورة آل عمران, الآية 102
(يا أيها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء واتقوا الله الذي تساءلون به والأرحام إن الله كان عليكم رقيبا)سورة النساء, الآية 1
(يا أيها الذين آمنوا اتقوا الله وقولوا قولا سديدا (70)يصلح لكم أعمالكم ويغفر لكم ذنوبكم ومن يطع الله ورسوله فقد فاز فوزا عظيما(71))سورة الأحزاب, الآية 70.71
خوانده‌ڤانێن هێژا : ئه‌ڤ بابه‌تێن د ڤێ كتێبێ دا هاتینه كـۆمكرن چـه‌ند سه‌رهاتىیه‌كن ژ وان سه‌رهاتىیان یێن خودایێ مه‌زن د قورئانا پیـرۆز دا ، وپێغه‌مبه‌رێ وى ـ سلاڤ لـێ بن ـ د حه‌دیسێن خۆ دا بۆ مه ڤه‌گێڕاین ، ئارمانج ژێ ئه‌وه ئه‌م خوانده‌ڤانێن كورد پێ ئاگه‌هدار بكه‌ین ؛ دا ئه‌و بزانن كانێ ڕه‌هێن پـیـرۆزه دارا پـێـغـه‌مـبـه‌رینىیێ د ئاخا دیـرۆكـێ ڕا چه‌ند كویر دداهێلاینه ، و د ڤه‌گێڕانا خۆ دا بۆ ڤان سه‌رهاتىیان مه نه ل به‌ره بابه‌ته‌كێ خوڕى دیرۆكى ڤه‌گێڕین ، هه‌ر چـه‌نــده دبـت گه‌له‌ك جاران ئه‌م سیناهىیێ بده‌ینه سه‌ر لایێ دیرۆكێ ژى دا وێنه ل به‌ر چاڤێن مه پتـر یێ ئاشكه‌را بت ، تشتێ پتـر مه دڤێت ل ڤێرێ ئه‌م به‌ر چاڤ بكه‌ین ئه‌وه خوانده‌ڤانێ ڤان سه‌رهاتىیان ب ( مه‌نهه‌جێ ) پێغه‌مبه‌ران د بلاڤكرنا دینى دا ئاگـه‌هـدار ببن وبـزانن كانێ پێغه‌مبه‌ران ودویكه‌فتىیێن وان یێن سه‌رڕاست چاوا ب ئـیـسـلامـێ خـودێ بـه‌رگـرىیا جاهـلـیـیـه‌تـا مـرۆڤـان كـرىیه ، وچاوا شیاینه د هـه‌ڤڕكىیا خـۆ دا د گه‌ل نـه‌حه‌قىیێ ب سه‌ركه‌ڤن بـێـى هندى موىیه‌كێ ب تنێ ژى حه‌قىیێ ژ ده‌ست بده‌ن یان د چاڤێن خه‌لكى دا شێلى بكه‌ن ..
مـه دڤێت ڤان سه‌رهاتىیان ب ڕه‌نگه‌گێ وه‌سا ڤه‌گێرین د ژینا مه یا ئـه‌ڤـرۆ دا بـبـنـه ( واقـعـه‌كـێ ) به‌ر چاڤ دا خوانده‌ڤان وه هه‌ست بكه‌ت ئه‌و یێ سه‌ره‌ده‌رىیێ د گه‌ل تشته‌كێ زێندى دكه‌ت وتامێ ژێ وه‌ربگرت و د ژینا خۆ دا مفاى بۆ خۆ ژێ ببینت .
وپێخه‌مه‌ت ئاماده‌كرنا ڤان سه‌رهاتىیان مه مفا ژ گه‌له‌ك كتێبێن كه‌ڤن ونوى وه‌رگرتىیه ، یێن ته‌فسیـرێ وحه‌دیسێ ودیرۆكێ ، ومه به‌رگه‌ڕیان ژى كرىیه كو هندى ژ مه بێت و د توخویبێن زانینا مه دا بت ئه‌م خۆ ب ڕیوایه‌تێن دورست ڤه بگرین وڤه‌گێڕین وئه‌گه‌ر هات وهنده‌ك جاران مه هنده‌ك ریوایه‌تێن به‌رگومان یان یێن لاواز ڤـه‌گـوهاسـت بـن ژى مـه ئـیـشاره‌ت پـێ دایه ، و ل هنده‌ك جهان هه‌ر بۆ ( ئستئناس ) ـ وه‌كـى زانا دبێژن ـ مه ریوایه‌تێن ته‌وراتێ ژى ڤه‌گوهاستینه وجهێ وان د تـه‌وراتێ دا ده‌سنیشان كرینه ؛ دا خوانده‌ڤان بشێت لـێ بزڤڕت ئه‌گه‌ر هات ووى ئه‌ڤ چه‌نده ڤیا .
ودویماهىیێ هیڤىیا مه ژ خودایێ مه‌زن ئه‌وه هه‌مى كارێ مه ڕاست بینت وته‌رازىیا خێرێن مه پێ تژى بكه‌ت .
دهـۆك
18 / 6 / 1422 هــ
9 / 8 / 2001 م
کومــێتــدان لسـه‌ر بابــه تـی