پێتڤی ب سە برەکا جوانین
پێتڤی ب سە برەکا جوانین
ئەڤ ئاخڤتنە نە یا غەریبە: ده‌مێ عه‌یشا برایێن یووسفى هاتنه نك بابێ خـۆ ، و ژ دره‌و كرنه گرى و مـخابنى ڕاهێلان ، وگـۆتن : ئه‌ى بابێ مه ! هندى ئه‌م بووین ئه‌م چووین دا غاردانێ وئارمانـجانێ بكه‌ین ، و مه یووسف هێلا نك جلك وخوارنا خـۆ ، ومه ته‌خسیـرى د پاراستنا وى دا نـه‌كـربـوو ، به‌لكى مه ئه‌و هێلابوو ل جهه‌كێ ئه‌مین ، و ده‌لیڤه‌یه‌كا كێم ئه‌م ژ وى بێ ئاگەهـ بـووین ، ئینا مه ئاگه‌هــ ژێ هه‌بوو گورگه‌ك هات وبرایێ مه یووسف خوار ، وئه‌گه‌ر خـۆ ئه‌م دڕاستگـۆ ژى بـیـن تو باوه‌ر ژ مه ناكه‌ى ؛ چونكى تو گه‌له‌ك حه‌ز ژ یووسفى دكه‌ى ، به‌لـێ پا ئه‌ڤه كراسێ وى ژى دا تو باوه‌ر ژ مه بكه‌ى .
ووان كراسێ یووسفى ـ ئه‌وێ ژ به‌ر كرى ـ ئینا ، وخوینه‌كا ژ دره‌و ـ نه یا یووسفى ـ تێدا ؛ دا ئه‌و وى بۆ خـۆ ل نك بابێ خۆ بكه‌نه شاهد ل سه‌ر ڕاستىیا گـۆتنا خـۆ ، به‌لـێ ئه‌و كراس بوو ده‌لیلێ دره‌وا وان ؛ چونكى ئه‌و كراس یێ ساخله‌م بوو ونه‌هاتبوو دڕاندن .
یه‌عقووبى ژ سه‌ر وسیمایێ وان زانى كو ئه‌و دره‌وینن ، ژ لایه‌كێ دى ڤه یه‌عقووبى گـۆته خۆ : باشه ئه‌و چ گورگه یێ هۆسا له‌شێ یووسفى ئه‌وێ نه‌هــ ده‌هــ سالـى هـه‌مـى خــوار وكراسێ وى ساخله‌م هێلا ، یان تو بێژى گورگى كراسێ وى ژ به‌ر كربت پاشى ئه‌و خوار بت ؟ نیشانێن دره‌وێ زێده دئاشكه‌را بوون ، له‌و بابێ وان گـۆت : مه‌سه‌له یا وه‌سا نینه وه‌كى هوین دبێژن ، به‌لكى نه‌فسێن هه‌وه یێن خـراب كاره‌كـێ كـرێت د ده‌ر حه‌قا یووسفى دا ب هه‌وه یێ دایه كرن ، وئه‌و كار ل به‌ر هه‌وه یێ شرینكرى ویا ژ هه‌وه ڤه كاره‌كێ باشه ، ڤێجا صه‌بركێشانا من دێ صه‌بره‌كا جوان بت ، وئه‌ز گازندا خـۆ بۆ چو مرۆڤان ناكه‌م ، ودێ داخـوازا هاریكارىیێ ژ خودێ كه‌م ل سه‌ر وى تشتێ هوین ژ دره‌و سالـۆخ دده‌ن . دلـێ یه‌عقووبى باوه‌ر نه‌دكر گورگى یووسف خوار بت ، ووى دزانى ئه‌ڤه بێ بـه‌خـتـییـه‌كـه كـوڕێن وى ل گـورگـى دكـه‌ن ، ئه‌و گــورگـێ ژ گــه‌لـه‌ك مرۆڤان ب وژدانـتـر ! پا تو بێژى وان یووسف كوشت بت ؟ نه نه .. ئه‌گه‌ر یووسف مر بت پا مه‌عنا خه‌ونا وى دێ چ بت ؟ نه دڤێت یووسف نه‌مربت ؛ چونكى دلـێ یه‌عقووبى نه‌ڤێت باوه‌ر بكه‌ت .
ــــــــــــــــــــــــــــــــــــــــــــــــــــــــــــــ
یە عقوبی گوت
ڤێجا صه‌بركێشانا من دێ صه‌بره‌كا جوان بت ،بەلێ ئەگەر ئیمانا وی پەرداغێ صەبرێ نە ڤەخاربی و یەعقوبی ب شەڤ وڕوژ دوعا دکڕن بەلێ یەعقوب پێغەمبەر سلاف لسەربن هەتا نەساخبی ژخەم و خەریبیا یوسڤی دا بەلێ خودێ ڤیا دیاریا ڤێ صەبرکێشانێ بدەتە یەعقوبی ڕوژەکێ یه عقوب یێ بێژت بێهنا یوسڤی یاهێت برایێن یووسفى گـۆتنا وى ب جهــ ئینا ، وكراسێ وى د گه‌ل خۆ بر وزڤڕینه وه‌لاتێ كه‌نعانییان ، وده‌مێ كاروان ژ عه‌ردێ مصرێ ده‌ركه‌ڤیت ، یـه‌عـقـووبـى گـۆته وان مرۆڤـێـن ل نك وى : هندى ئه‌زم ئه‌ز یێ بێنا یووسفى هەلدکێشم ، ئه‌گه‌ر هوین من كێم عه‌قل نه‌هژمێرن ویاریان بۆ خۆ ب من نه‌كه‌ن ، ونه‌بێژن: تو یێ ژ به‌ر دئاخڤى !
وان گـۆت : ب خودێ هێشتا تو یێ ل سه‌ر خه‌له‌تىیا خـۆ یا به‌رێ ، وتـو ڤیانا یووسفى قه‌ت ژ بیـر ناكه‌ى .
به‌لـێ ئه‌و چێبوو یا یه‌عقووبى گـۆتى ، وده‌ركه‌فت ئه‌و یێ دورست وئه‌و خه‌لكێ دى یێ خه‌له‌ت ، وده‌مێ ئه‌و مرۆڤ هاتى یێ كو مزگینىیا یووسفى بۆ یه‌عقووبى ئیناى ، وكراسێ یووسڤى هاڤێتىیه سه‌ر دێمێ وى وئه‌و ب چاڤ كه‌فتى ، و دلـێ وى تژى كه‌یف بووى وى گـۆته وان مرۆڤێن ل نك خـۆ : ئه‌رێ ما من نه‌گـۆتبوو هـه‌وه هـنـدى ئه‌زم ئه‌ز وێ ژ قه‌نـجـى وكه‌ره‌م ودلـۆڤانىیا خودێ دزانم یا هوین نه‌زانن ؟
كوڕێن وى گـۆت : ئه‌ى بابێ مه تو داخوازا ژێبرنا گونه‌هان بۆ مه ژ خودایێ خـۆ بكه دا ئـه‌و مـه عـه‌فـى بكه‌ت وگـــونه‌هێن مه ڤه‌شێرت ، هندى ئه‌م بووین ئه‌م ـ د وى كارى دا یێ مه د گه‌ل یووسفى وبرایێ وى كرى ـ دخه‌له‌ت بووین . یه‌عقووبى گـۆته وان : پاشى ئه‌ز دێ داخوازا ژێبرنا گونه‌هان بۆ هه‌وه ژ خودایێ خـۆ كه‌م ، هـنـدى ئـه‌وه ئـه‌و باش گونه‌هــ ژێبرێ عه‌بدێن خـۆ یێن تۆبه‌كه‌ره ، ویێ دلـۆڤانكاره ب وان .
ئەرێ ما خودێ دیاریا وی نەدایێ چونکی وی گوت دێ سەبرەکا جوان کێشم بەلێ وی سەبرەکاجوان کێشا وخودێ ژی خەلاتێ سەبرکێشاناوی دایێ . بەلێ وەکی مە گوتی خودێ نەخوشیان د دەتە خوشتڤێن خوو.
داڕا سەبرێ ئەگەر هاتە چاندن ناڤ دلێت ئیمانداڕاندا دێ ئەڤ داڕە هەمی رهوریژالێێت خو گەهیینتە وێ ئاڤێ ئەوا ئەڤ دارە بێ هاتە ئاڤدان ئەوژی دلوڤانیاخودێ یە.
کومــێتــدان لسـه‌ر بابــه تـی