ل سه‌ر ڕێکا گرانبهاییێ...
ل سه‌ر ڕێکا گرانبهاییێ...
خوانده‌ڤانێن هێژا:
ئه‌م خۆ بۆ پێغه‌مبه‌ره‌كى پال دده‌ین، وى قه‌ت سستییه‌ك د ژیانا خۆ دا نه‌زانیبوو.. وهه‌ر كه‌سه‌كێ ئه‌و نیاسى، یێ گه‌هشتییه وێ باوه‌رێ كو ئه‌و مرۆڤه‌كێ (عه‌مه‌لى) بوو، یه‌عنى: ئه‌و ژ وان مرۆڤان بوو یێن كریارا وان ژ گۆتنا وان پتر، له‌و د هممه‌ت وعه‌زما خۆ دا سه‌نگ وبهایێ وى ژ یێ ئوممه‌ته‌كا تمام پتر بوو، ئـه‌بــوو ذه‌ر دبـێـژت: مه پسیار ژ پێغه‌مبه‌رى -سلاڤ لێ بن- كر: ئه‌رێ چاوا ته زانى كو تو پێغه‌مبه‌رى؟ وى گۆت: جاره‌كێ ئه‌ز ل به‌ر و به‌ته‌نێن مه‌كه‌هێ بووم، دو ملیاكه‌ت هاتنه نك من، ئێك هاته عه‌ردى ویێ دى ما د ناڤبه‌را عه‌رد وعه‌سمانى دا، وئێكى گۆته هه‌ڤالێ خۆ: ئه‌ڤه ئه‌وه؟ یێ دى گۆت: به‌لێ، وى گۆت: كانێ وى به‌رانبه‌ر زه‌لامه‌كى بكێشه، وى ئه‌ز كێشام من ئه‌و هلكێشا، پاشى گۆتێ: كانێ وى ب ده‌هان بكێشه، وى ئه‌ز ب وان كێشام، من ئه‌و هلكێشان، پاشى گۆتێ: وى ب هزاران بكێشه، وى ئه‌ز ب وان كێشام، من ئه‌و هلكێشان، ومن ئه‌و ددیتن هه‌ر وه‌كى ئه‌و به‌رانبه‌رى من دوه‌ریان، ژ به‌ر سڤكییا ته‌رازییێ، گۆت: ڤێجا ئێك ژ وان گۆته هه‌ڤالێ خۆ: ئه‌گه‌ر تو وى به‌رانبه‌ر ئوممه‌ته‌كێ بكیشى، ئه‌و دێ وان هلكێشتئه‌ڤه پێغه‌مبه‌رێ ئوممه‌تێ بوو، وسه‌نگا ئوممه‌تێ ژى ژ سه‌نگا پێغه‌مبه‌رییه.. وئه‌وێن ل سه‌ر ده‌ستێ وى هاتینه په‌روه‌رده‌كرن، ئێك ژ وان ژى ب ده‌هان بوو:
(يَا أَيُّهَا النَّبِيُّ حَرِّضِ الْمُؤْمِنِينَ عَلَى الْقِتَالِ ۚ إِن يَكُن مِّنكُمْ عِشْرُونَ صَابِرُونَ يَغْلِبُوا مِائَتَيْنِ ۚ وَإِن يَكُن مِّنكُم مِّائَةٌ يَغْلِبُوا أَلْفًا مِّنَ الَّذِينَ كَفَرُوا بِأَنَّهُمْ قَوْمٌ لَّا يَفْقَهُونَ ﴿٦٥﴾)
(الأنفال: 65).. وئه‌وێن ل سه‌ر ڕێكا وان دئێن ژى، دڤێت ئێك ژ وان هــه‌رده‌م كــارى بــۆ هــنــدێ بكه‌ت بـبـتــه خـودانێ بهایه‌كێ مه‌زن وسه‌نگه‌كا گران، و ب كێمییێ رازى نه‌بت، ئێك ژ وان دوعایان یێن خودێ نیشا مه داین كو ئه‌و بۆ خۆ ژ وى بكه‌ین ئه‌ڤه‌یه:
(وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا ﴿٧٤﴾)
(الفرقان: 74) مه‌عنا: هممه‌تا مه دڤێت نه ب تنێ ل نك هندێ ڕاوه‌ستت كو ئه‌م ژ ته‌قواداران بین، به‌لكى دڤێت ئه‌م ل ڕێزا پێشییێ بین ژ وان.
ئه‌ڤ ڕه‌نگێ هۆسایه ژ مرۆڤان، ژ به‌ر بلندییا باوه‌را خۆ، وموكمییا په‌روه‌رده‌ییا خۆ، وگه‌له‌كییا ره‌صیدێ خۆ، پایه وپێكا وان بلند دبت، وبهایێ وان ل نك خودێ زێده دبت.. وئه‌ڤرۆ مه هه‌وجه‌ییه‌كا زێده ب هندێ هه‌یه ئه‌م كارى بۆ چاره‌سه‌رییا وان ده‌ردان بكه‌ین یێن دنیا به‌ردده‌ته دلێن مه، دا ڕێكێ د ناڤبه‌را دلێن خۆ وگه‌هشتنا ئارمانجا پیرۆز دا ڤه‌كه‌ین، ئارمانجا كو ئه‌م ل سه‌ر ڕێكا گرانبهاییێ بچین، حه‌تا ب سه‌رفه‌رازى بگه‌هینه به‌حه‌شتا خودایێ خۆ، ونه‌بینه ژ وان یێن رۆژا قیامه‌تێ خودێ چو سه‌نگێ نه‌ده‌تێ.
وحه‌تا ڕێك ل به‌ر مه یا ئاشكه‌را بت، ودا مه بهایێ خۆ ل نك خودێ هه‌بت.. ئه‌ڤه ڕێك بۆ وى یێ بڤێت قه‌ست بكه‌تێ.
کومــێتــدان لسـه‌ر بابــه تـی