خودانێ دو رهزان
خودانێ دو رهزان
د تــهرازیـا مــرۆڤــێـن دنیایێ دا كێشانا خهلكى ودهسنیشانكرنا بهایێ ههر ئێك ژ وان ب مال ومهنصبێ وییه، لهو دئێته گۆتن:
ته چهند ههیه، تو هندێ دئینى..
ئهڤه ل نك وان كهسان یێن دنیایێ ب تنێ دبینن، وباوهریێ ب هندێ دئینن هندى چاڤێن وان قهتره دكهن، ئـــهگــهر نه..
دنیا ژ هندێ كێمتره مرۆڤ خهلكى پێ ههلسهنگینت كـانـێ كـێ بـارێ خـۆ پـتـر ژ پـهرتالێ وێ تژى كربت ئهو یێ باشتر و ب بهاتر بت.
ودهمـێ پـێـغـهمـبـهرى -سلاڤ لێ بن- دهســت ب بهلاڤكرنا گازیا خۆ كرى، ل سهرى پتریا وان كهسان یێن باوهرى پێ ئیناى ژ وان مرۆڤان بوون یێن بارا وان ژ مال ومهنصبێن دنیایێ یا كێم، وهكى عهممارى وبیلالى وصوههیبى وخهببابى، لهو هندهك جاران مهزنێن قورهیشیان دگۆته پێغهمبهرى -سلاڤ لێ بن-: هندى ئهڤ ڕهنگێ مرۆڤان د گهل ته بن، و ل دیوانا ته دڕوینشتى بن، ل وێ هیڤیێ نهبه ئهم باوهریێ ب ته بینین، وخۆ بدهینه د گهل ته..
مهعنا: كێشانا وان بۆ ههر گازیهكێ یا ئاڤاكرى بوو ل سهر بناخهیێ ههیى ومال مهزنییا دویكهفتییێن وێ گازیێ بوو، وئهڤه تهرازیا جاهلیهتێیه ل ههمى دهم و ل ههمى جهانه..
ودهمێ جاهلیخوازێن مهكههێ داخواز ژ پێغهمبهرى -سلاڤ لێ بن- كرى ئهو ههژاران ژ دیوانا خۆ دهربێخت، خودێ ئهو ژ ڤێ چهندێ دا پاش وگۆتێ:(وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا 28)(الكهف: 28). و ب ڤێ چهندێ وى حهقى زڤڕانده جهێ وێ یێ دورست، وئاشكهرا كر كو بهایێ ههر ئێكى ب هندێ نینه كانێ وى چهند ژ دنیایێ ههیه، بهلكێ ب هندێیه كانێ ئهو چهندێ ددهته دنیایێ.
بۆچى ئهڤ سهرهاتییه؟
مه گۆت: دهمێ كافرێن مهكههێ دهرێخستنا موسلمانێن ههژار كرییه شهرتهك ژ شهرتێن باوهرى ئینانا خۆ ب دینێ ئیسلامێ، وبۆ پێغهمبهرى -سلاڤ لێ بن- ئاشكهرا كرى كو ئهو دبهرههڤ نینن ل دیوانهكێ ڕویننه خوارێ هندهك مرۆڤێن ههژار وعهبد وبێ عهسل -وهكى وان هزر دكر- ونه ژ مالێن مهزن لێ دڕوینشتى بن، خودایێ مهزن د هندهك ئایهتێن قورئانێ دا ئیشارهت دا ڤێ داخوازا وان، وسهرهكانییا خرابا ڤێ هزرا وان ژى دهسنیشان كر؛ دا بهرێ وان وهرگێڕته ڕێكا ڕاست..
ل ڤى دهمى ئایهتان ئهڤ سهرهاتییه ڤهگێڕا، وفهرمان ل پێغهمبهرى -سلاڤ لێ بن- كر كـــو ئـــهو وێ بـــۆ مهزنێن قورهیشیان، وههر ئێكێ وهكى وان د دنیایێ بگههت، بێژت..
و ب وان بدهته زانین كو مالێ دنیایێ ومهنصب، ئهگهر باوهرى وخێرخوازى د گهل دا نهبت، چو بهایــى نــادهتــه خودانى، وئهڤه ڕۆژا خودێ دنیا داى وى وهسا حهزكرییه بارا هندهك مرۆڤان ژ دنیایێ گهلهك بت، ویا هندهكان پیچهك بت، بهلێ نه ئهوێن بارا وان گهلهك ژ بهر گهلهكیا خۆ د چاڤێن خۆ دا بلند دبن، ونه ئهوێن بارا وان یا كێم ژ بهر كێمیێ د چاڤێن خودێ دا نزم دبن.. گهلهكى وكێمى ژ بلى كو قسمهتا خودێیه ونه ب دهستێ مرۆڤیه، ئهو دو تشتێن (عارضن) دئێن ودچن، ونه ب هاتنا خۆ ئهو چویێ ل نهفسا مرۆڤى زێده دكهن، ونه ب چوونا خۆ چویێ ژێ كێم دكهن، لهو مرۆڤێ دیتنهكا دورست وعهقلهكێ تمام ههبت كێشان وپیڤانا خۆ بۆ مرۆڤان ل سهر بناخهیهكێ نه یێ موكم ئاڤا ناكهت.
سهرهاتى وهكى د قورئانێ دا هاتى:
د چهند ئایهتهكێن سوورهتا (الكهف) دا خودێ مهزن فهرمان ل پێغهمبهرێ خۆ كر كو ئهو سهرهاتییهكێ بۆ كافرێن مللهتێ خۆ ڤهگێڕت، یا دبته نموونه ل سهر وى كافرى یێ ب مال وزهنگینا خۆ مهغروور دبت، ووى خودان باوهرێ قهناعهت ب وێ ههى یا خودێ دایێ ئهگهر چهند یا كێم ژى بت، خودایێ مهزن گۆت:(وَاضْرِبْ لَهُمْ مَثَلًا رَجُلَيْنِ جَعَلْنَا لِأَحَدِهِمَا جَنَّتَيْنِ مِنْ أَعْنَابٍ وَحَفَفْنَاهُمَا بِنَخْلٍ وَجَعَلْنَا بَيْنَهُمَا زَرْعًا 32 كِلْتَا الْجَنَّتَيْنِ آتَتْ أُكُلَهَا وَلَمْ تَظْلِمْ مِنْهُ شَيْئًا ۚ وَفَجَّرْنَا خِلَالَهُمَا نَهَرًا 33 وَكَانَ لَهُ ثَمَرٌ فَقَالَ لِصَاحِبِهِ وَهُوَ يُحَاوِرُهُ أَنَا أَكْثَرُ مِنْكَ مَالًا وَأَعَزُّ نَفَرًا 34 وَدَخَلَ جَنَّتَهُ وَهُوَ ظَالِمٌ لِنَفْسِهِ قَالَ مَا أَظُنُّ أَنْ تَبِيدَ هَٰذِهِ أَبَدًا 35 وَمَا أَظُنُّ السَّاعَةَ قَائِمَةً وَلَئِنْ رُدِدْتُ إِلَىٰ رَبِّي لَأَجِدَنَّ خَيْرًا مِنْهَا مُنْقَلَبًا 36 قَالَ لَهُ صَاحِبُهُ وَهُوَ يُحَاوِرُهُ أَكَفَرْتَ بِالَّذِي خَلَقَكَ مِنْ تُرَابٍ ثُمَّ مِنْ نُطْفَةٍ ثُمَّ سَوَّاكَ رَجُلًا 37 لَٰكِنَّا هُوَ اللَّهُ رَبِّي وَلَا أُشْرِكُ بِرَبِّي أَحَدًا 38 وَلَوْلَا إِذْ دَخَلْتَ جَنَّتَكَ قُلْتَ مَا شَاءَ اللَّهُ لَا قُوَّةَ إِلَّا بِاللَّهِ ۚ إِنْ تَرَنِ أَنَا أَقَلَّ مِنْكَ مَالًا وَوَلَدًا 39 فَعَسَىٰ رَبِّي أَنْ يُؤْتِيَنِ خَيْرًا مِنْ جَنَّتِكَ وَيُرْسِلَ عَلَيْهَا حُسْبَانًا مِنَ السَّمَاءِ فَتُصْبِحَ صَعِيدًا زَلَقًا 40 أَوْ يُصْبِحَ مَاؤُهَا غَوْرًا فَلَنْ تَسْتَطِيعَ لَهُ طَلَبًا 41 وَأُحِيطَ بِثَمَرِهِ فَأَصْبَحَ يُقَلِّبُ كَفَّيْهِ عَلَىٰ مَا أَنْفَقَ فِيهَا وَهِيَ خَاوِيَةٌ عَلَىٰ عُرُوشِهَا وَيَقُولُ يَا لَيْتَنِي لَمْ أُشْرِكْ بِرَبِّي أَحَدًا 42 وَلَمْ تَكُنْ لَهُ فِئَةٌ يَنْصُرُونَهُ مِنْ دُونِ اللَّهِ وَمَا كَانَ مُنْتَصِرًا 43 هُنَالِكَ الْوَلَايَةُ لِلَّهِ الْحَقِّ ۚ هُوَ خَيْرٌ ثَوَابًا وَخَيْرٌ عُقْبًا 44) ومهعنایا ڤان ئایهتان ب كورتى ئهڤهیه، خودێ دبێژت: تو -ئهى موحهممهد- بۆ كافرێن مللهتێ خۆ مهتهلا وان ههردو زهلامان بينه ئهوێن ژ مللهتهكێ بۆرى: ئێك ژ وان يێ خودان باوهر بوو، ويێ دى يێ كافر بوو، ومه دو رهزێن ترى دابــوونـه وى يـێ كـافــر، و ل دۆرێـن هــهر دووان مــه كــربـوونه دارقهسپێن مشه، و ل نيڤا وان مه گهلهك شينكاتییێ جودا جودا و ب مفا دابوو. ههردو رهزان بهر ژ خۆ دابوو وچو يێ ژێ كێم نهبوو، ومه د ناڤ ههر دووان ڕا ڕويبارهك بربوو دا ب ساناهى ئهو بێنه ئاڤدان.
وخــودانــێ وان هــهدو رهزان یــێ كـافــر هندهك بهرههم ومالێ دى ژى ههبوو، ژ بلى وان ههر دو رهزان، ئينا وى ب دفن بلندى ڤه گۆته ههڤالێ خۆ يێ خودان باوهر دهمێ وى دان وستاندن د گهل دكر: مالێ من ژ يێ ته پتره وئهز ژ ته پتر يێ ب خودانم، وئهز يێ پشت گهرمترم. وئـــهو چـــوو ناڤ رهزێ خــــۆ، ل وى دهمــــێ ئــهو يێ زۆردار بۆ خۆ، كو وى كوفر ب ڕابوونا پشتى مرنێ كرى، و ژ هاتنا قيامهتێ يێ ب گومان، ڤێجا كهيفا وى ب فێقییێ وى هات، لهو وى گۆت: ئهز باوهر ناكهم ئهڤ رهزه جارهكێ دێ پويچ ببت، وئهز باوهر ناكهم قيامهت ژى دێ ڕابت، وئهگهر خۆ -من گرتى- قيامهت ڕابوو ژى وهكى تو دبێژى ئهى خودان باوهرۆ، وئهز بۆ نك خودايێ خۆ هاتمه زڤڕاندن ژى تشتهكێ ژ ڤى رهزى باشتر وچێتر ئهز دێ ل نك خودێ بينم؛ چونكى من قهدر وبهايێ خۆ ل نك وى ژى ههيه.
هــهڤــالێ وى يێ خودان باوهر دهمێ دان وستاندن د گهل وى كرى گۆتێ: چاوا تو كوفرێ ب وى خودايى دكهى يێ تو ژ ئاخێ ئافراندى، پاشى ژ چپكهكا ئاڤێ، پاشى تو كرییه مرۆڤهكێ دورست وكامل؟ و دهمێ تو چوويه ناڤ رهزێ خۆ وكهيفا ته پێ هاتى بلا ته حهمدا خودێ كربا وته گۆتبا: ئهڤه ئهوه يێ خودێ بۆ من حهزكرى، ئهگهر نه خودێ با ئهز نهدشيام وى ب دهست خۆ بێخم. ئهگهر تو ببينى مالێ من وعهيالێ من ژ يێن ته دكێمترن، بهلكى خودايێ من تشتهكێ ژ رهزێ ته چێتر بدهته من، و ژ بهر كوفرا ته ئهو وێ قهنجیێ ژ ته بستينت يا وى دايه ته، وعهزابهكێ ژ عهسمانى ب سهر رهزێ ته دا بهنێرت، ڤێجا ئهو ببته عهردهكێ خرش وحلی يێ مرۆڤ لێ بتهحست، وچو شينكاتى لێ شين نهبت، يان ژى ئاڤا وى يا ئهو پێ دئێته ئاڤدان د عهردى دا بچت، ڤێجا تو نهشێى وێ ئاڤێ بينيه دهرێ.
وئـهو چـێـبـوو يـا خــودان بـاوهرى گۆتى، ڕۆژهكێ خودێ وهسا حهزكر ئاتافهك ب سهر رهزێ وى دا هات وئهو پويچ كر، وتشتهك لێ نهما، ڤێجا ئهو كافر ما لهپێن خۆ لێكدان ژ خهم وكۆڤانان دا ل سهر وى مالێ وى لێ خهرج كرى، وئهو رهز ب سهرێك دا هات بوو ويێ ڤالا بـوو، ووى دگۆت: خــوزى من بهايێ قهنجیێن خودێ زانيبا ومن چو شريك بۆ خودێ نهدانابان.
وئـــهڤ پهشێمانییا وى ل وى دهمـــى بوو كو پهشێمانى مفايێ وى نهدهت. وچو دهستهك ژ وان يێن وى مهدحه بۆ خۆ پێ دكرن نهبوون عهزابا خودێ ژ وى پاشڤه ببهن، وئهو ب خۆ ژى ب هــێـــز وشــيــانـا خۆ نهدشيا وێ ژ خۆ دوير بكهت. وان دهمێن ئهڤ ڕهنگه تهنگاڤیه ب سهر مرۆڤان دا دئێن پشتهڤانى وسهركارى يا خودايێ حهق ب تنێیه، جزايێ وى چێتره، وئهو دويماهیا ئهو ددهته بهنیێن خۆ يێن خودان باوهر باشتره.
ئهڤ زهلامه كى بوو؟
ئهڤ سهرهاتییه یا خودێ بۆ مه كرییه مهتهل، دویماهیا دهولهمهندێ كافر، وههژارێ خودان باوهر بۆ مه ئاشكهرا دكهت، ودهمێ مرۆڤ ڤێ سهرهاتییێ دخوینت وهكى ههر سهرهاتییهكا دى ڤێ پسیارێ ژ خۆ دكهت:
- ئهرێ ئهڤ زهلامی خودانێ دو رهزان كهسهكێ دهسنیشانكرى بوو د دیرۆكێ دا هاتى، یان ژى ئهو مهتهلهكه خودێ بۆ ههر كهسهكێ ب وى ڕهنگى بت ئیناى؟
ئهگهر ئهم ل گۆتنێن زانایێن تهفسیرێ بزڤڕین، ئهڤ ههردو بۆچوونه دێ ب بهر چاڤێن مه كـــهڤـــن، وخـودانێن گۆتنا ئێكێ (كو ئهڤ زهلامه كهسهكێ دهسنیشانكرییه) د ناڤبهرا خۆ دا ل سهر دو بۆچوونان ژێك جودا بووینه، هندهك ژ وان دبێژن: ئهو زهلامهكێ ئسرائیلى یێ دهولــهمــهنـد بوو، جــارهكـــێ مالهك بۆش (ههشت هزار دینار) گههشتنه وى وههڤالهكێ وى چ ژ شریكاتیهكێ بت، یان ژ میراتهكى، ههڤالێ وى چونكى مرۆڤهكێ خودان باوهر وخێرخواز بوو، بارا خۆ ژ وى مالى ههمى كره خێر، وكارێ خێرخوازیێ پێ كر، بهلێ وى وه نهكر، مالێ خۆ ههمى دا ب ملك وحهیوانهت ورهز وبیستان پێ دانان، وهندهك ژى د بازرگانیێ دا ئێخسته كارى، حهتا بوویه مرۆڤهكێ زێده دهولهمهند..
دهمهك پێڤه چوو ههڤالێ وى ههوجهى هندهك مالى بوو، گۆت: ئهز دێ چمه نك ههڤالێ خۆ، نوكه ئهو زێده یێ دهولهمهند بووى، بهلكى ئهو دهستێ من بگرت، حهتا ئهز ژ ڤێ تهنگاڤیێ دهرباس دبم.. وگاڤا ئهو هاتییه نك دیت زهنگینیێ ئهو زێده یێ گوهاڕتى، وبهطران كرى، گاڤا وى داخوازا خۆ گۆتییێ، ههڤالێ وى گۆتێ: ما ته چ ل بارا خۆ كر ئهوا گههشتیه ته؟ وى گۆتێ: من ئهو ههمى كره خێر وهاریكاریا ههژاران پێ كر؛ دا بهلكى خودێ ل ڕۆژا قــیـــامـــهتــــێ خــێـــرێ بــدهتــه مــن. هـهڤالێ وى گۆتێ: مادهم ته باوهرى ب خودێ و ب قیامهتێ ههیه، ههڕه بلا خودێ بدهته ته؟
ههڤالێ وى ڤیا وى شیرهت بكهت، لهو گۆتێ: برایێ من! دنیا ژ هندێ كێمتره كو خودێ وێ بكهته جزا بوو قهنجیا خودان باوهرى، یان عقووبه بوو خرابییا بێ باوهرى..
وپشتى زهمانهكێ دى پێڤه چووى، جارهكێ ئهڤ زهلامێ دهولهمهند، ب غوروور ودفن بلندیا خۆ ڤه چوو ناڤ ملكێ خۆ، وگاڤا بهرێ وى ب رهز وملك ومالێ وى كهفتى، وى گۆت: ئهڤ ههمى مال وملكه چاوا دێ خراب بت وپویچ بت، وقیامهت ب سهر دا ئێت؟! نه.. وهنینه وهكى ههڤالێ من دبێژت، چو قیامهت ڕانابن، ودویماهى بۆ ملك ومالێ من نابت، وئهگهر قیامهتهك ههبت ژى -وهكى ههڤالێ من دبێژت- ل وێرێ ژى حالێ من دێ یێ خۆشتر بت، ئهز مرۆڤهكێ دهولهمهندم، دێ ملیاكهتان بهرتیل كهم دا ئهو من ببهنه وى جهى یێ من دڤێت، پشتى هنگى ئهگهر خودێ حهز ژ من نهكربا وى د دنیایێ دا ئهڤ ههمى ماله نهددا من، مهعنا خۆ ل ئاخرهتێ ژى ئهو دێ جههكێ خۆشتر دێ دهته من!
پاشـــى ئایـــهت مـهشههدهكێ دى (یێ دویماهیێ) ژ سهرهاتییێ بۆ مه ڤهگوهاست دهمێ ژ نشكهكێ ڤه ئاتافهك ژ لایێ خودێ ڤه ب سهر ملكێ وى دا هات، وگۆت: ژ لایێ خودێ ڤه، دا مه ل هندێ ئاگههدار بكهت كو قهت د شیانا وى ویا چو كهسێن دى ژى دا نهبوو وێ ئاتافێ ڤهگێڕن، وڕۆژهكێ ئهو چوو ناڤ رهز وبیستانێ خۆ وى دیت ئهو ههمى یێ پویچ بووى وچو ژێ نهمایه، وهنگى ژ نوى ئهو پهشێمان بوو ل دهمهكێ پهشێمانیێ چو مفا نهگههاندیێ.
وهندهك زانایێن دى یێن تهفسیرێ دبێژن: ئهڤ ههردو زهلامه یێن ئایهت سهرهاتییا وان بۆ مه ڤهدگێڕت، دو زهلامێن مهخزوومى بوون ژ خهلكێ مهكههێ، ل سهر دهمێ پێغهمبهرى -سلاڤ لێ بن- دژیان.
عیبرهتا مهزن یا ڤێ سهرهاتییێ:
میحوهرێ سهرهكى یێ ڤێ سهرهاتییێ ڕاستكرنا بیر وباوهرێن مرۆڤینه، ئهو بیر وباوهرێن دبنه بناخهیێ دیتنا مرۆڤى یا دورست بۆ دنیایێ وبۆ مرۆڤێن دنیایێ ژى..
سهرهاتییا ڤى زهلامێ دهولهمهند، خودانێ دو رهزێن ب خهمل، وملك ومالهكێ مهزن، دئێت دا ببته مهتهل بۆ بها و(قیهمێن) زهوال ژێ دگرت، ووان بها و(قیهمێن) ههر وههر دمینن، وسهرهاتییهكا ب ڤى ڕهنگى ژ ههر تشتهكێ دى پتر د ژیانا مه ههمیان دا، ل ههمى جهـ و ل ههمى دهمان، ڕوى ددهت.
ئهڤ سهرهاتییه دو نموونهیێن ئاشكهرا یێن نهفسا مرۆڤى بۆ مه بهرچاڤ دكهت، نـمـوونهیێ وێ نهفسا ب خۆشیێن دنیایێ وزهنگینیێ د سهر دا دچت، ونهفسا سهرفهرازیا خۆ د باوهریێ دا دبینت، خودانێ دو رهزان نموونهیێ وى زهلامێ دهولهمهنده یێ مالێ دنیایێ چاڤان لێ تارى دكهت، ونعمهت وى بهطران دكهت، حهتا وه لێ دئێت ئهو هێزا مهزن كو هــێـــزا خـــودێیه، ژ بیرا خۆ دبهت، وهزر دكهت چى تشتێ وى بڤێت ل دنیایێ وئاخرهتێ ژى -ئهگهر ئاخرهت ههبت!- ئهو دشێت ب مالێ خۆ ب دهست خۆ بێخت.. چهند مرۆڤ ژ ڤى ڕهنگى ههوه د ژیانا خۆ یا كێمدا دیتینه هزر دكهن مال ومهنصبێن وان، ملك وكارگههـ وقهسرێن وان یێن بلند چو جاران خراب نابن؟ چهند (طاغیه) یێن مهزن وبچویك ههوه دیتیه هزر دكر فهنا ژ وان ناگرت، و ب ههمى ڕوى قائیمیا خۆ ڤه دگۆت:
ئهم یێن هاتین دا بـمـیـنـین!! پاشى مال وملكێ وان، قهسر وبورجێن وان، هـهمـى ل بــهر چـاڤـان كـاڤـل بوون، و د كلۆڤانكا رهزیلیا وان دا ژ نوى بیرا وان ل هێزا مهزن هاته ڤه، ژ نوى وانزانى كو خودایهكێ ب حهقێ ههى، گاڤا گۆته تشتهكى ببه، كهس نهشێت ڕێكێ لێ بگرت؟!
وزهلامــێ دى.. هـــهڤــالێ وى یێ خودان باوهر، نموونهیێ مرۆڤێ خودان باوهره، یێ خۆ ب باوهریا خۆ سهرفهراز دبینت، ل ههمى دهمێن خۆ خودایێ خۆ ژ بیر ناكهت، نه زهنگینى وى بهطران دكهت، ونه فهقیرى وى د سهر دا دبهت؛ چونكى ئهو زهنگینى بیرا وى ل خودانێ نعمهتێ دئینته ڤه، ڤێجا ئهو شوكرا وى دكهت، وفهقیرى بیرا وى ل جهڕباندێ دئینه ڤه، ڤێجا ئهو صهبرێ دكێشت.
ل وى دهمێ زهلامێ ئێكێ (یێ دهولهمهند) ب ههمى دفن بلندى وڕوى قائمیا خۆ ڤه قهستا سهنتهرێ زهنگینى ودهسههلاتا خۆ دكر، یێ زالم بۆ نهفسا خۆ، ویێ زالم دهور وبهرێ خۆ ژى، هزر دكر مالێ وى دێ (خولوودێ) د دنیایێ دا دهته، ڤێجا مادهم هۆیه بۆچى ئهو عهبدینییا مالێ خۆ نهكهت، وههمى ڕهنگێن رهزیلیێ ل سهر خۆ قهبویل نهكهت دا ئهڤ ماله بۆ وى بمینت و ژ دهستان دهرنهكهڤت؟!
هــنــگـى ههڤالێ وى یێ خودان باوهر، یێ دهستێن وى ژ مالێ دنیایێ دڤالا، ودلێ وى ژ باوهریا ب خودێ تژى، نهفسهكا سهرفهراز ب ئیمانا خۆ ههبوو، لهو خهما وى مال ومهنصب نهبوو، ویێ خهما وى د دنیایێ دا مال ومهنصب نهبت، ئهو دڕێكا حهقییێ دا هلنگفتنێ نزانت، و(موجامهلێ) وحلیسكاتییێ ژى بـــۆ داخــــوازكــــهرێن نهحهقییێ ناكهت، د ڕویـــێ وان دا حهقیـیــێ دبـێـژت، وئینكارا بــهطرانــى وخۆمهزنكرنا وان دكهت، وبیرا وان ل ڕاستییا وان دئینته ڤه (أَكَفَرْتَ بِالَّذِي خَلَقَكَ مِنْ تُرَابٍ ثُمَّ مِنْ نُطْفَةٍ ثُمَّ سَوَّاكَ رَجُلًا 37)؟
خۆ مهزنكرنا ب مالى، ب مهنصبى، ب بنهمالێ.. ئهڤه ب دیتنا ئیسلامێ ژ (قیهمێن زائفه) چونكى زهوال ژێ دگـرت، مـا نـه ژ بـێ عهقلیێیه مرۆڤ خۆ ب وى تشتى مهزن بكهت یێ زهوال ژێ دگرت؟ ئهگهر ته بڤێت خۆ ب تشتهكى سهرفهراز بكهى، خۆ ب وى تشتى سهرفراز بكه یێ زهوال ژێ نهگرت (لَٰكِنَّا هُوَ اللَّهُ رَبِّي وَلَا أُشْرِكُ بِرَبِّي أَحَدًا 38)
کومــێتــدان لسـهر بابــه تـی