15 سه‌رهاتییا ژنكا فیرعه‌ونى
سه‌رهاتییا ژنكا فیرعه‌ونى
ئه‌بوو یه‌علا ژ ئه‌بوو هوره‌یره‌ى ڤه‌دگوهێزت، دبێژت: ( إن فرعون أوتد لامرأته أربعة أوتاد في يديها ورجليها، فكان إذا تفرقوا عنها ظللتها الملائكة، فقالت: (ابْنِ لِي عِنْدَكَ بَيْتًا فِي الْجَنَّةِ وَنَجِّنِي مِنْ فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ 11)، فكشف لها عن بيتها في الجنة) فیرعه‌ونى چار ستوین بۆ ژنكا خۆ د عه‌ردى قوتان، ده‌ست وپیێن وێ پێڤه گرێدان، وده‌مێ ئه‌و ل نك وێ نه‌دمان، ملیاكه‌تان سیبه‌ر ل وێ دكر، ڤێجا وێ دوعایه‌ك ژ خودێ كر وگۆت: یا ره‌ببى، تو بۆ من ل نك خۆ خانیه‌كى د به‌حه‌شتێ دا ئاڤاكه، ومن ژ فیرعه‌ونى وكارێ وى ڕزگار بكه، وتو من ژ ملله‌تێ زۆردار ڕزگار بكه.
ئه‌ڤه لایه‌كه ژ سه‌رهاتییا ژنه‌كا خودان باوه‌ر، كو ئاسیا بوو ژنا فیرعه‌نێ مصرێ، ئاسیا ژنه‌كا زه‌نگین وده‌وله‌مه‌ند وخودان جوانى بوو، وهزر بكه‌ن ئه‌و ژنكا فیرعه‌ونێ مصرێ پێ رازى بت دڤێت یا چاوا بت؟ د مه‌زنترین قه‌سرێ دا ل مصرێ مه‌زن بووبوو، وهه‌ر تشته‌كێ وێ دڤیا بۆ دهاته ئاماده‌كرن، ومرۆڤه‌كێ ب ڤى ڕه‌نگى بت، ب تایبه‌تى ئه‌گه‌ر ژن بت، دێ وه‌سا ئێته هزركرن كو ئه‌و دێ یا سست وخاڤ بت، ونه‌شێت خۆ ل به‌ر چو نه‌خۆشیان بگرت، به‌لێ ڤێ سه‌رهاتییێ به‌رچاڤ كر كو ئه‌ڤ هزر یا د جهێ خۆ دا نینه، گاڤا مووسا بۆ فیرعه‌ونى هاتییه هنارتن، ووى ژێ خواستى ئه‌و باوه‌ریێ ب دینێ خودێ بینت، فیرعه‌ونى خۆ دفن بلند كر وباوه‌رى پێ نه‌ئینا، و ب دژوارى دژى وى وگازیا وى ودویكه‌فتییێن وى ڕاوه‌ستییا، وده‌مێ وى زانى كـــو ژنكا وى ب خۆ ئێك ژ وان كه‌سانه یێن باوه‌رى ب دینى مووساى ئیناى، بڕیار دا ئه‌وى ژى وه‌كى هه‌ر خودان باوه‌ره‌كێ دى، به‌لكى پتر ژ هه‌ر ئێكێ دى بێته عه‌زابدان، وڕه‌نگێ عه‌زابدانا وێ ئه‌و بوو وان ئه‌و ل سه‌ر عه‌رده‌كێ شاریاى ڕازاند، ل به‌ر حه‌تاڤا شاریاى، وچار ستوین د عه‌ردى قوتان ده‌ست وپیێن وێ پێڤه گرێدان، وئه‌و عه‌زابدا حه‌تا ب ڤى ڕه‌نگى مرى.. وخودێ ئه‌و بۆ خودان باوه‌ران كره مه‌ته‌ل ل سه‌ر صه‌بركێشانا ل سه‌ر نه‌خۆشیا عه‌زابا د ڕێكا خودێ دا، وه‌كى گۆتى: (وَضَرَبَ اللَّهُ مَثَلًا لِلَّذِينَ آمَنُوا امْرَأَتَ فِرْعَوْنَ إِذْ قَالَتْ رَبِّ ابْنِ لِي عِنْدَكَ بَيْتًا فِي الْجَنَّةِ وَنَجِّنِي مِنْ فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ 11)(التحریم: 11).
وئه‌ڤ سه‌رهاتییه چه‌ند ده‌رس وعیبره‌تان بۆ مه به‌رچاڤ دكه‌ت، ژ وان:
🔘 ئیمانێ كارتێكرنه‌كا مه‌زن ل سه‌ر خودانى هه‌یه، وئه‌و هێزه‌كا زێده ژى دده‌ته وى، وئێكا هند ژێ چێ دكه‌ت كو ئه‌و خۆ ل به‌ر هه‌مى نه‌خۆشیان بگرت، وته‌حه‌ممولا هه‌مى ته‌نگاڤیان بكه‌ت، ئه‌گه‌ر خۆ كوشتن ژى بت، ونموونه‌یێن وه‌كى ئاسیایێ ژ ژن ومێران د دیرۆكێ دا گه‌له‌كن.
🔘 هه‌ر وه‌سا ئه‌ڤ سه‌رهاتییه وێ كه‌رب وكینا مه‌زن به‌رچاڤ دكه‌ت یا د دلێ كافر وطوغاتان دا هه‌ى به‌رانبه‌ر خودان باوه‌ران، ئه‌گه‌ر خۆ ئه‌و خودان باوه‌ر هنده‌ك مرۆڤێن لاواز ژى بن، یێن كو چو زیانێ نه‌گه‌هیننه عه‌رش وكورسیكێن وان، چونكى ئه‌و ته‌حه‌ممولێ ناكه‌ت ره‌ئیه‌كا جودا ژ یا خۆ گوهـ لێ ببن، ئه‌گه‌ر چه‌ند ژ دره‌و ب ناڤێ ئازادى ودیموقراتیه‌تێ باخڤن ژى.
🔘 خودێ چاڤدێریێ ل خودان باوه‌ران دكه‌ت، ووێ بۆ وان هل دبژێرت یا فایدێ وان تێدا، وسیبه‌ركرنا ملیاكه‌تان ل ڤێ ژنێ بهایێ وێ یێ مه‌زن ل نك خودێ به‌رچاڤ دكه‌ت، ووێ كه‌رامه‌تێ دیار دكه‌ت یا خودێ دایێ.
🔘 وئه‌ڤ سه‌رهاتییه هندێ دگه‌هینت كو د ناڤ مرۆڤان هنده‌ك هه‌نه خودێ وباوه‌ریێ هل دبژێرن، ئه‌گه‌ر خۆ ئه‌ڤ هلبژارتنه ل سه‌ر حسێبا هێلانا دنیایێ ب هه‌مى خۆشیێن وێ ڤه بت.
🔘 وسه‌رهاتی هندێ دگه‌هینت كو خودێ گه‌له‌كێ حه‌لیم و ب صه‌بره وئه‌و گه‌له‌ك بێهنا خۆ ل سه‌ر طوغیانا كافران فره‌هـ دكه‌ت، حه‌تا وان دگرت، وگاڤا وى ئه‌و گرتن، ئه‌و ژ وى خلاس نابن.
••━═══✿═══━••
ئه‌بوو یه‌علا ژ ئه‌بوو هوره‌یره‌ى ڤه‌دگوهێزت، دبێژت: ( لمَّا كانت اللَّيْلَةُ التي أُسْرِىَ بي فيها، أَتَتْ علي رَائِحَةٌ طَيِّبَةٌ، فقلت: يا جِبْرِيلُ، ما هذه الرَّائِحَةُ الطَّيِّبَةُ؟ فقال: هذه رَائِحَةُ مَاشِطَةِ ابْنَةِ فِرْعَوْنَ وَأَوْلاَدِهَا، قال: قلت: وما شَأْنُهَا؟ قال: بَيْنَا هي تَمْشُطُ ابْنَةَ فِرْعَوْنَ ذَاتَ يَوْمٍ إِذْ سَقَطَتِ المدري من يَدَيْهَا، فقالت: بِسْمِ الله، فقالت: لها ابْنَةُ فِرْعَوْنَ: أبي؟ قالت: لاَ، وَلَكِنْ ربي وَرَبُّ أَبِيكِ الله، قالت: أُخْبِرُهُ بِذَلِكَ؟ قالت: نعم، فَأَخْبَرَتْهُ، فَدَعَاهَا، فقال: يا فُلاَنَةُ، وان لك رَبًّا غيري؟! قالت: نعم، ربي وَرَبُّكَ الله! فَأَمَرَ بِبَقَرَةٍ من نُحَاسٍ، فَأُحْمِيَتْ، ثُمَّ أَمَرَ بها ان تُلْقَى هي وَأَوْلاَدُهَا فيها، قالت له: إن لي إِلَيْكَ حَاجَةً، قال: وما حَاجَتُكِ؟ قالت: أُحِبُّ ان تَجْمَعَ عظامي، وَعِظَامَ ولدي في ثَوْبٍ وَاحِدٍ، وَتَدْفِنَنَا، قال: ذلك لَكِ عَلَيْنَا مِنَ الحَقِّ، قال: فَأَمَرَ بِأَوْلاَدِهَا، فَأُلْقُوا بين يَدَيْهَا وَاحِداً وَاحِداً، إلى ان انْتَهَى ذلك إلى صبي لها مُرْضَعٍ، وَكَأَنَّهَا تَقَاعَسَتْ من أَجْلِهِ، قال: يا أُمَّهْ، اقتحمي، فإن عَذَابَ الدُّنْيَا أَهْوَنُ من عَذَابِ الآخِرَةِ، فَاقْتَحَمَتْ ).
یه‌عنى: ل وێ شه‌ڤا ئه‌ز تێدا هاتیمه برن بۆ عه‌سمانان، بێهنه‌كا خۆش هاته من، من گۆته جبریلى: ئه‌ڤه چ بێهنا خۆشه؟ وى گۆت: ئه‌ڤه بێهنا وێ ژنكێ‌یه یا سه‌رێ كا فیرعه‌ونى شه دكر ویا عه‌یالێ وێ، من گۆتێ: مه‌سه‌لا وێ چیه؟ گۆت: ڕۆژه‌كێ وێ سه‌رێ كچا فیرعه‌ونى شه‌دكر شه ژ ده‌ستان كه‌ت، وێ گۆت: ب ناڤێ خودێ، كچا فیرعه‌ونى گۆتێ: بابێ منه خودێ؟ وێ گۆت: نه، ئه‌للاهـ خودایێ من وخودایێ بابێ ته‌یه، كچكێ گۆتێ: بێژمه بابێ خۆ؟ وێ گۆت: بێژێ، ئینا وێ گۆته بابێ خۆ، فیرعه‌ونى هنارته ب دویڤ وێ ڕا وگۆتێ: فلان كه‌س، ما ته ژبلى من خودایه‌كێ دى هه‌یه؟ وێ گۆت: به‌لێ.. ئه‌للاهـ خودایێ من وخودایێ ته‌یه، ئینا فیرعه‌ونى بڕیار دا چێله‌كا ژ سفرى هاتییه چێكرن بینن وبشارینن (ئاگرى ل بن هلكه‌نێ) پاشى ئه‌و ژنك وعه‌یالێ وێ بێنه هاڤێتن تێدا، ژنكێ گۆته فیرعه‌ونى: من داخوازه‌ك ژ ته هه‌یه، وى گۆت: داخوازا ته چیه؟ ژنكێ گــۆتــێ: ئــه‌ز حـه‌ز دكه‌م تو هه‌ستیكێن من ویێن عه‌یالێ من بكه‌یه د ناڤ پاته‌یه‌كى دا، و ل جهه‌كى ڤه‌شێرى، فیرعه‌ونى گۆتێ: باشه، ئه‌م دێ وێ بۆ ته كه‌ین! گۆت: فیرعه‌ونى بڕیار دا عه‌یالێ وێ ئێك ئێكه ل به‌ر چاڤان بكه‌نه تێدا، وگاڤا بوویه دۆرا زارۆكه‌كێ وێ یێ ساڤا، هه‌ر وه‌كى ئه‌و پیچه‌كێ سست بوو، ئینا وى گۆتێ: دادێ، پێشڤه هه‌ڕه، عه‌زابا دنیایێ سڤكتره ژ عه‌زابا ئاخره‌تێ.. ئینا وێ خۆ هاڤێته تێدا.
ئه‌ڤ سه‌رهاتییه ژى وه‌كى یا بۆرى طوغیان وسه‌رداچوونا فیرعه‌ونى بۆ مه ئاشكه‌را دكه‌ت، وكانێ وى چه‌ند ڕێكێن دوڕنـده د عـه‌زابـدانا هه‌ڤڕكێن خۆ دا ب كاردئینا، ئه‌گه‌ر خۆ ئه‌و هه‌ڤڕك ژنه‌كا لاواز وبێ زه‌ره‌ر ژى بت.
وئه‌ڤ حه‌دیسه ڤان ده‌رس وعیبره‌تان بۆ مه به‌رچاڤ دكه‌ت:
🔘 ئه‌ڤ سه‌رهاتییه هندێ دگه‌هینت كو ئیمان مرۆڤى دگوهۆڕت، ووى ب هێز دئێخت كو خۆ ل به‌ر هه‌مى ڕه‌نگێن نه‌خۆشیان بگرت.
🔘 وئه‌ڤ سه‌رهاتییه هنده‌كێ ژ وان تشته‌كێ عه‌جێب بۆ مه دیار دكه‌ت یێن پێغه‌مبه‌رى -سلاڤ لێ بن- ل شه‌ڤا معراجێ ل عه‌سمانان دیتین، و ژ ڤێ سه‌رهاتییێ دئێته زانین كو خودێ قه‌در وبهایه‌كێ مه‌زن دده‌ته وه‌لیێن خۆ، وناڤ وده‌نگێن وان د ناڤ خه‌لكێ عه‌ردى وعه‌سمانان ژى دا به‌لاڤ دكه‌ت.
🔘 وئه‌ڤ سه‌رهاتییه وه‌كى یا بۆرى ده‌ره‌جا وێ كه‌رب وكینێ بۆ دیار دكه‌ت یا كافر وطاغیان د ده‌ر حه‌قا خودان باوه‌ران دا، وكو وان چو ڕه‌حم د دلى دا نینه ده‌مێ دبته مه‌سه‌لا به‌رسنگگرتنا خودان باوه‌ران یێن باوه‌ریێ ب كوفر وطوغیانا وان نائینن.
🔘 ڤێ ژنێ عه‌زیمه ب كارئینا، وكوشتن وسۆتن هلبژارت، هه‌ر چه‌نده ئه‌و دشیا روخصه‌تێ ب كار بینت، و ب سه‌رڤه وه‌كى فیرعه‌ونى بێژت، دا خۆ وعه‌یالێ خۆ ژ مرنێ ڕزگار بكه‌ت، و ب ڤێ چه‌ندێ كارێ وێ نابته خۆكوشتن (ئنتحار)، به‌لكى ئه‌و خۆگۆریكرنه، له‌و ئه‌ڤ ژنه وعه‌یالێ وێ هاتنه حسێبكرن شه‌هید.
🔘 وئه‌ڤ سه‌رهاتییه كه‌رامه‌تێن وه‌لیان بنه‌جهـ دكه‌ت، ده‌مێ خودێ بچویكێ ساڤا بۆ ڤێ ژنێ ب ئه‌زمان ئێخستى، دا فه‌رمانێ ب خۆڕاگرتنێ ل وێ بكه‌ت، ل وى ده‌مێ ته‌نگاڤى لێ دژوار بووى.
🔘 دورسته بۆ مرۆڤێ موسلمان تشته‌كى ژ كافره‌كێ زۆردار بخوازت، ئه‌گه‌ر دیت باشى یا تێدا، وه‌كى ڤێ ژێ ده‌مێ ژ فیرعه‌ونى خواستى هه‌ستیكێن وێ وعه‌یالێ وێ پێكڤه ڤه‌شێرت.
کومــێتــدان لسـه‌ر بابــه تـی