16 جبریل و خندقاندنا فیرعه‌ونى

 




جبریل و خندقاندنا فیرعه‌ونى 


تــرمــذى ژ عــه‌بـدللاهێ كوڕێ عه‌بباسى ڤه‌دگوهێزت، دبێژت: پێغه‌مبه‌رى -سلاڤ لێ بن- گۆت: ( لَمَّا أَغْرَقَ الله فِرْعَوْنَ قال: آمَنْتُ أَنَّهُ لَا إِلَهَ إلا الذي آمَنَتْ بِهِ بَنُو إِسْرَائِيلَ، فقال جِبْرِيلُ: يا محمد، فَلَوْ رَأَيْتَنِي وأنا آخُذُ من حَالِ الْبَحْرِ فَأَدُسُّهُ في فيه مَخَافَةَ أَنْ تُدْرِكَهُ الرَّحْمَةُ ) یه‌عنى: ده‌مێ خودێ فیرعه‌ون خندقاندى وى گۆت: من باوه‌رى ئینا كو ژ وى خودایێ پێڤه‌تر یێ ئسرائیلییان باوه‌رى پێ ئیناى چو خودایێن دى یێ ب حه‌ق نینن، جبریلى گۆت: ئه‌ى موحه‌ممه‌د، ڤێجا ئه‌گه‌ر ته‌ ئه‌ز دیتبام ده‌مێ من ژ ته‌قنا ڕه‌شا بـنێ بـه‌حرێ ڕادكر ودكره‌ د ده‌ڤێ وى ڕا، ژ ترسێن هندێ دا كو ره‌حم ژێ بگرت. 


ئه‌ڤ سه‌رهاتییه‌ ئێك ژ وان سه‌رهاتییانه‌ یێن هیڤیا مرۆڤى ب ره‌حم ودلۆڤانییا خودێ مه‌زن دكه‌ت، فیرعه‌ون ئه‌و زالمێ عه‌رد ژ به‌ر زولم وزۆرداریا وى دنالى، ده‌مێ كه‌فتییه‌ به‌ر مرنێ، وزانى كو هنده‌ ئێدى مرنا وى مسۆگه‌ر بوو، ژ نوى شاهده‌ دا، ئه‌و شاهده‌دانا به‌رى هنگى ل نك وى مه‌زنترین تاوانا خودانێ خۆ هێژاى كوشتنێ وسۆتنێ دكه‌ت، نوكه‌ ئه‌و ب خۆ یێ شاهده‌ دده‌ت، وئه‌گه‌ر هات وئه‌و وێ جارێ ژ مرنێ خلاس ببا دا زڤڕته‌ سه‌ر ئێك ودووا خۆ یا به‌رێ، وه‌كى د ئایه‌ته‌كا پیرۆز دا هاتى: (بَلْ بَدَا لَهُمْ مَا كَانُوا يُخْفُونَ مِنْ قَبْلُ ۖ وَلَوْ رُدُّوا لَعَادُوا لِمَا نُهُوا عَنْهُ وَإِنَّهُمْ لَكَاذِبُونَ 28)(الأنعام: 28).


 چونكى به‌رى هنگى گه‌له‌ك جاران وى ویێن وه‌كى وى دگۆت: به‌س ڤێ جارێ ئه‌م خلاس ببین، دێ باش بین وخۆ گوهۆڕین، وگاڤا ئه‌و خلاس بووین، ئه‌و ژ به‌رێ خرابتر لێ هاتن. 


ژ ڤێ سه‌رهاتییێ بۆ مه‌ ئاشكه‌را دبت: 


🔘 كو دویر نینه‌ كافره‌كێ طاغیه‌ ل به‌ر مرنێ، وده‌مێ ئه‌و دزانت كو مسۆگه‌ر دێ مـرت، شاهده‌ بده‌ت، و ژ دره‌و بێژت: من باوه‌رى ب خودێ ئینا ئینا.. یا ژ وى ڤه‌ ئه‌و ب ڤێ چه‌ندێ به‌رده‌وامیێ دێ ده‌ته‌ زنجیرا خاپاندنا خۆ بۆ مرۆڤێن ساده‌ وعه‌قل سڤك، وئه‌و ب خۆ خودێ تۆبێ ژ هه‌مى كه‌سان قه‌بویل دكه‌ت هندى رحا وى نه‌گه‌هشتبته‌ حه‌فكێ. 


🔘 جبریل ملیاكه‌تێ ژ هه‌میان نێزیكتر بۆ خودێ وزاناتر ب ره‌حم ودلۆڤانى وسالۆخه‌تێن وى، ده‌مێ گوهـ ل فیرعه‌ونى بووى ل به‌ر مرنێ شاهده‌ دده‌ت، زوى ده‌ست دا هنده‌ك ته‌قنا ڕه‌شا بنێ به‌حرێ وڕاحه‌شانده‌ د ده‌ڤێ وى دا، دا زوى ئه‌و ل سه‌ر كوفرێ بمرت، وبه‌رى ره‌حما خودێ ژێ بگرت، چونكى ئێكێ وه‌كى فیرعه‌ونى ب هزاران تاوان كرین، وخوینا گه‌له‌ك هه‌ژار وبێ گونه‌هێن خودان باوه‌ر د ستوى دا دڤێت ل سه‌ر كوفرێ بچت، دا ره‌حما خودێ ژێ نه‌گرت.. به‌لێ ئه‌ڤ كارێ جبریلى هندێ دگه‌هینت كو ره‌حما خودێ هند یا به‌رفره‌هه‌ جبریل دترسیا ئه‌و خۆ ژ فیرعه‌ونى ژى بگرت، ڤێجا گونه‌هكار دڤێت چو جاران خۆ ژ ره‌حما خودێ بێ هیڤى نه‌كه‌ت. 


🔘 و ژ لایــه‌كــێ دى ڤــه‌ ئـه‌ڤ حه‌دیسه‌ هندێ دگه‌هینت كو ملیاكه‌ت ژى گه‌له‌ك حه‌ز ژ كــافــرێـن تاوانبار وزۆردار ناكه‌ن، وئه‌و ژى حه‌ز دكه‌ن ئه‌و كه‌سێن گه‌له‌ك طوغیان كرى ل سه‌ر كوفرێ بمرن، دا ره‌حما خودێ ژێ نه‌گرت. 


🔘 وئه‌ڤ حه‌دیسه‌ قه‌در وبهایێ مه‌زنێ په‌یڤا شاهده‌دانێ بۆ مه‌ ئاشكه‌را دكه‌ت، وكو ئه‌و خودانێ خۆ ژ غه‌زه‌با خودێ دپارێزت، ئه‌گه‌ر هات ووى ب دورستى باوه‌رى پێ هه‌بت. 



کومــێتــدان لسـه‌ر بابــه تـی

کومــێتــدان لسـه‌ر بابــه تـی