17 ئه‌وێ ژ به‌ر خۆشكرنا ڕیكا خه‌لكى چوویه‌ به‌حه‌شتێ

 




ئه‌وێ ژ به‌ر خۆشكرنا ڕیكا خه‌لكى 

چوویه‌ به‌حه‌شتێ 



بوخاری وموسلم ژ ئه‌بوو هوره‌یره‌ى ڤه‌دگوهێزن، دبێژت: پێغه‌مبه‌رى -سلاڤ لێ بن- گۆت: ( بَيْنَمَا رَجُلٌ يَمْشِي بِطَرِيقٍ وَجَدَ غُصْنَ شَوْكٍ على الطَّرِيقِ فَأَخَّرَهُ فَشَكَرَ الله له فَغَفَرَ له ) و د ریوایه‌ته‌كا دى دا هاتییه‌: ( لقد رأيت رَجُلًا يَتَقَلَّبُ في الجَنَّةِ في شَجَرَةٍ قَطَعَهَا من ظَهْرِ الطَّرِيقِ كانَتْ تؤذي الناسَ ) و د ریوایه‌ته‌كا دى دا زێده‌هیه‌كا دى ژى هه‌یه‌، ئه‌و ژى ئه‌ڤه‌یه‌: ( مَرَّ رَجُلٌ بِغُصْنِ شَجَرَةٍ على ظَهْرِ طَرِيقٍ، فقال: والله لَأُنَحِّيَنَّ هذا عن المُسْلِمِينَ لَا يُؤْذِيهِمْ، فَأُدْخِلَ الجَنَّةَ


یــه‌عــنــى: جــاره‌كێ زه‌لامه‌ك د ڕێكه‌كێ ڕا دچوو، چه‌قێ ستریه‌كێ ل سه‌ر ڕێكێ دبت، ئه‌و ژ سه‌ر ڕێكێ لادا، ئینا خودێ كارێ وى ژێ قه‌بویل كر، وگــونـــه‌هــێـن وى بۆ ژێبرن، د ریــوایـــه‌تـــا دى دا، دبێژت: من زه‌لامه‌ك د به‌حه‌شتێ دا دیت، كه‌یف دكر، ژ به‌ر كو وى داره‌ك ژ سه‌ر ڕێكه‌كێ بڕى بوو نه‌خۆشى دگه‌هانده‌ خه‌لكى. 


ئه‌ڤه‌ سه‌رهاتییا زه‌لامه‌كێ خودان باوه‌ره‌ ژ دلپێڤه‌بوون هه‌رده‌م به‌رێ وى لێ بوو وان كاران بكه‌ت یێن نه‌خۆشیێ ژ ڕێكا خودان باوه‌ران لاده‌ت، حه‌تا ده‌مێ جـاره‌كــى وى چــه‌قـه‌كێ دارێ دیتى شۆڕ بووبوو سه‌ر ڕێكێ وى ئه‌و چه‌ق لادا ب وێ ئنیه‌تێ دا ئه‌و نه‌خۆشیێ نه‌گه‌هینته‌ چو موسلمانان، ئینا خودێ كارێ وى ژێ قه‌بویل كر، وجزایه‌كێ مه‌زن پێشڤه‌ دایێ.



 و ژ وان ده‌رسێن كو ژ ڤێ سه‌رهاتییێ دئێنه‌ وه‌رگرتن: 


🔘 ئــه‌ڤ حــه‌دیسه‌ هندێ دگه‌هینت كو لادانا هه‌ر تشته‌كێ نه‌خۆشیێ بگه‌هینته‌ خه‌لكى ژ سه‌ر ڕێكێ خێر وبهایه‌كێ مه‌زن تێدا هه‌یه‌، ئه‌گه‌ر مرۆڤ ب ئنیه‌تا خــێــرێ وێ چــه‌نــدێ بـكـه‌ت، چونكى ئه‌و كه‌سێ -بۆ خودێ- د دنیایێ دا ل سه‌ر خه‌لكى بكه‌ته‌ به‌رفره‌هى، ووان ژ ته‌نگاڤیێن ڕێكێ خلاس بكه‌ت، خودێ ژى ل ئاخره‌تێ دێ ل سه‌ر وى كه‌ته‌ به‌رفره‌هى، وى ژ ته‌نگاڤیێ خلاس كه‌ت. 


🔘 ژ ڤێ حه‌دیـسێ بـها وگرنگیا كارێ وان كه‌سان بۆ مه‌ دیار دبت ئه‌وێن ب كارێ پاقژكرنا ڕێكان ڕادبن، ئــه‌گــه‌ر هــات وئنیه‌تـا وان یا خێرێ بت، و ژ لایه‌كێ دى ڤه‌ گرنگی وبهایێ پاراستنا پاقژیا ژینگه‌هێ ژى بۆ مه‌ ئاشكه‌را دبت، وكو ئه‌و كاره‌كێ فه‌ره‌ ویێ شه‌رعیه‌. 


🔘 د چه‌ند حه‌دیسه‌كێن دى دا به‌حس ژ كرێتییا كارێ وى كه‌سى هاتییه‌كرن یێ ڕێكێن خه‌لكى پیس بكه‌ت، ونه‌خۆشیێ بێختێ، طه‌بـه‌رانى ژ پێغه‌مبه‌رى -سلاڤ لێ بن- ڤه‌دگوهێزت، دبێژت:  من آذى المسلمین فی طرقهم، وجبت علیه لعنتهم  هه‌چیێ نه‌خۆشیێ بگه‌هینته‌ موسلمانان د ڕێكێن وان دا، له‌عنه‌تێن وان ل وى واجب دبن، وئه‌ڤه‌ هندێ دگه‌هینت كو پاقژكرنا ڕێكان وپاراستنا وان ژ هه‌ر تشته‌كێ وان پیس بكه‌ت، وه‌كى هاڤێتنا گلێشى، ئێك ژ وان ئه‌خلاقێن باشه‌ یێن ئیسلامێ به‌رێ مه‌ دایێ. 


🔘 بــڕیــنـا دار وبارى بێ ئه‌گه‌ر ئێك ژ وان كارانه‌ یێن ئیسلامێ ئه‌م ژێ داینه‌ پاش، د حه‌دیسه‌كا خۆ دا پێغه‌مبه‌ر -سلاڤ لێ بن- گه‌فان ب چوونا ئاگرى ل وى كه‌سى دكه‌ت یێ دره‌كێ ببڕت، ودبێژت: ( قاطع السدر يصوب الله رأسه في النار ) به‌لێ ئه‌گه‌ر هات وداره‌ك بوو ئه‌گه‌را گه‌هاندنا نه‌خۆشیێ بۆ ڕێباران دورسته‌ ئه‌و دار بێته‌ بڕین، به‌لكى مرۆڤ ب بڕینا وێ هنگى دێ خودان خێر بت. 



کومــێتــدان لسـه‌ر بابــه تـی

کومــێتــدان لسـه‌ر بابــه تـی