2 ئه‌و زه‌لامێ سه‌د مرۆڤ كوشتین
ئه‌و زه‌لامێ سه‌د مرۆڤ كوشتین
ئه‌ڤ سه‌رهاتییه ره‌حما خودێ یا به‌رفره‌هـ بۆ مه به‌رچاڤ دكه‌ت، وكو دڤێت چو جاران ئه‌م ژ ره‌حما خودێ بێ هیڤى نه‌بین، و ژ تۆبێ سست نه‌بین.
ئه‌بوو سه‌عیدێ خودرى دبێژت: پێغه‌مبه‌رى -سلاڤ لێ بن- گۆت: كَانَ فِيمَنْ كَانَ قَبْلَكُمْ رَجُلٌ قَتَلَ تِسْعَةً وَتِسْعِينَ نَفْسًا، فَسَأَلَ عَنْ أَعْلَمِ أَهْلِ الْأَرْضِ، فَدُلَّ عَلَى رَاهِبٍ، فَأَتَاهُ فَقَالَ: إِنَّهُ قَتَلَ تِسْعَةً وَتِسْعِينَ نَفْسًا فَهَلْ لَهُ مِنْ تَوْبَةٍ؟ فَقَالَ: لَا. فَقَتَلَهُ فَكَمَّلَ بِهِ مِائَةً. ثُمَّ سَأَلَ عَنْ أَعْلَمِ أَهْلِ الْأَرْضِ، فَدُلَّ عَلَى رَجُلٍ عَالِمٍ فَقَالَ: إِنَّهُ قَتَلَ مِائَةَ نَفْسٍ فَهَلْ لَهُ مِنْ تَوْبَةٍ؟ فَقَالَ: نَعَمْ، وَمَنْ يَحُولُ بَيْنَهُ وَبَيْنَ التَّوْبَةِ؟ انْطَلِقْ إِلَى أَرْضِ كَذَا وَكَذَا؛ فَإِنَّ بِهَا أُنَاسًا يَعْبُدُونَ الله فَاعْبُدْ الله مَعَهُمْ، وَلَا تَرْجِعْ إِلَى أَرْضِكَ؛ فَإِنَّهَا أَرْضُ سَوْءٍ. فَانْطَلَقَ حَتَّى إِذَا نَصَفَ الطَّرِيقَ أَتَاهُ الْموْتُ، فَاخْتَصَمَتْ فِيهِ مَلَائِكَةُ الرَّحْمَةِ وَمَلَائِكَةُ الْعَذَابِ، فَقَالَتْ مَلَائِكَةُ الرَّحْمَةِ: جَاءَ تَائِبًا، مُقْبِلًا بِقَلْبِهِ إِلَى الله. وَقَالَتْ مَلَائِكَةُ الْعَذَابِ: إِنَّهُ لَمْ يَعْمَلْ خَيْرًا قَطُّ. فَأَتَاهُمْ مَلَكٌ فِي صُورَةِ آدَمِيٍّ فَجَعَلُوهُ بَيْنَهُمْ، فَقَالَ: قِيسُوا مَا بَيْنَ الْأَرْضَيْنِ، فَإِلَى أَيَّتِهِمَا كَانَ أَدْنَى فَهُوَ لَهُ. فَقَاسُوهُ، فَوَجَدُوهُ أَدْنَى إِلَى الْأَرْضِ الَّتِي أَرَادَ، فَقَبَضَتْهُ مَلَائِكَةُ الرَّحْمَةِ.
یه‌عنى: د ناڤ ملله‌ته‌كێ به‌رى هه‌وه دا زه‌لامه‌ك هه‌بوو نۆت ونه‌هـ كه‌س كوشتبوون، ئینا وى بۆ خۆ پسیارا زاناترینێ خه‌لكێ عه‌ردى كر (دا بچت پسیارا تۆبێ بۆ خۆ ژێ بكه‌ت) هنده‌كان به‌رێ وى دا عیباده‌تكه‌ره‌كى، ئه‌و هاته نك وگۆتێ كو وى نۆت ونه‌هـ كه‌س كوشتینه، ڤێجا كانێ تۆبه‌یه‌ك بۆ وى هه‌یه یان نه؟ وى گۆتێ: نه! ئینا وى ئه‌و ژى كوشت و ب وى كوشتى بوونه سه‌د، پاشى وى جاره‌كا دى پسیارا زاناترین خه‌لكێ عه‌ردى كر (دا پسیارا تۆبێ بۆ خۆ ژێ بكه‌ت) هنده‌كان زه‌لامه‌كێ زانا نیشا وى دا، ئه‌و هاته نك وگۆتێ كو وى سه‌د كه‌س كوشتینه، ڤێجا كانێ تۆبه بۆ وى هه‌یه یان نه؟ وى گۆتێ: به‌لێ، مــا كـــى هـــه‌یــه رێكێ د ناڤبه‌را وى وتۆبێ دا بگرت؟ هه‌ڕه فلان عه‌ردى، هنده‌ك مرۆڤ ل وێرێ هه‌نه عیباده‌تێ خودێ دكه‌ن، تو ژى د گه‌ل وان عیباده‌تى بكه، ونه‌زڤڕه عه‌ردێ خۆ، چونكى ئه‌و عه‌رده‌كێ خرابه. وئه‌و چوو..
حه‌تا ده‌مێ ڕێ ب نیڤى كرى، مرن ڤێڕا گه‌هشت، ئینا ملیاكه‌تێن ره‌حمێ ویێن عه‌زابێ د وى دا ب هه‌ڤڕكى چوون، ملیاكه‌تێن ره‌حمێ گۆت: ئه‌و یێ هاتى تۆبه‌كرى، و ب دلێ خۆ قه‌ستا خودێ كریه، وملیاكه‌تێن عه‌زابێ گۆت: وى چو خێر نه‌كرینه، ئینا ملیاكه‌ته‌ك ل سه‌ر ڕه‌نگێ مرۆڤه‌كى هاته نك وان، وان ئه‌و كره حه‌كه‌م د ناڤبه‌را خۆ دا، وى گۆت: د ناڤبه‌را وى وهه‌ردو عه‌ردان دا بپیڤن، ئه‌و پتر نێزیكى كیژ هه‌ردوان بت ئه‌و بۆ وییه، وان ئه‌و پیڤا، دیت ئه‌و پتر نێزیكى وى عه‌ردییه یێ دا قه‌ست كه‌تێ، ئینا ملیاكه‌تێن ره‌حمێ رحا وى ستاند.
ڤێ سه‌رهاتییێ هژماره‌كا مفا وعیبره‌تان تێدا هه‌نه:
🔘 ڤى زه‌لامێ نۆت ونه‌هـ كوشتین ل ده‌مه‌كى ژ ده‌مان ئیمانێ د دلى دا سه‌ر هـلـدا، ونـه‌فــســا وى بــه‌رێ وى دا تــۆبـێ، مه‌عنا دڤێت مرۆڤ چو جاران ژ كه‌سێ بێ هیڤى نه‌بت كو به‌رێ وى بكه‌فته باوه‌ریێ وكارێ چاك، ده‌مێ (ئه‌بوو سه‌له‌مه‌ى) قه‌ستا حه‌به‌شه كرى دا مشه‌خت ببت، عومه‌رێ كوڕێ خه‌طابى كه‌فته ڕێكا وى، وعومه‌ر هنگى یێ كافر بوو، عومه‌ر پیچه‌كێ نه‌رم د گه‌ل ئاخفت، ئینا ئێكى پشتى هنگى گۆته ئه‌بوو سه‌له‌مه‌ى: تو بێژى عومه‌ر موسلمان ببت؟ وى گۆت: كه‌ڕێ خه‌طابى دێ موسلمان بت وعومه‌ر موسلمان نابت! به‌لێ عومه‌ر موسلمان بوو، وبێژنه من: چه‌ند هه‌نه عومه‌رى دنیاسن وه‌ك به‌طه‌لێ ئیسلامێ، وچه‌ند هه‌نه ئه‌بوو سه‌له‌مه‌ى دنیاسن؟
🔘 چو جاران هزر نه‌كه فلان كه‌س -هندى یێ ساخ بت- یێ دویره ژ ره‌حما خودێ، وموسته‌حیله به‌رێ وى بكه‌فته ڕێكا خودێ، گه‌له‌ك كه‌س هه‌بوون مه دنیاسن دویرترین كه‌س بوون ژ ڕێكا خودێ، پاشى ڕۆژه‌ك ب سه‌ر دا هات بوونه ژ به‌رچاڤترین ته‌قواداران، ومه‌زنترین گازیكه‌ران بۆ ڕێكا ئیسلامێ.
🔘 ئه‌ڤى زه‌لامى ده‌مێ ڤیاى تۆبه بكه‌ت وقه‌ستا ڕێكا خودێ بكه‌ت، هنده‌كان بــه‌رێ وى دا راهبه‌كێ عیباده‌تكه‌ر، ئه‌ڤى راهبێ هه یێ چو علمێ شه‌رعى ل نك نه‌هه‌ى، بێى زانین فه‌توا دا، وئه‌ڤ فه‌توا هه بوو ئه‌گه‌را تێچوونا وى وبه‌رزه‌كرنا ڕێكێ ل به‌ر خه‌لكى.. ئه‌گه‌ر ته ڤیا ڕێكا خودێ بزانى پسیارا خۆ ب زانایى بكه ئه‌گه‌ر خۆ -ل به‌ر چاڤ- عیباده‌ت وته‌قوایا وى یا كێم ژى بت، نه‌كو مرۆڤێ ته‌قوایا وى یا زێده ئه‌گه‌ر علمێ وى یێ شه‌رعى یێ كێم بت.. ته‌قوایا وى فایده‌یه بۆ وى، به‌لێ زانینا زانایى فایده‌یه بۆ خه‌لكى هه‌میێ.
🔘 چو گونه‌هـ نینن ده‌رگه‌هێ ته‌وبێ ل به‌ر مرۆڤى بگرن، له‌و كه‌س بلا نه‌بێژت: من فلان گونه‌هـ یا كرى، چاوا ئه‌ز دێ تۆبه كه‌م؟ ئه‌گه‌ر گونه‌هـ چه‌ند یا مه‌زن بت ژى، ره‌حما خودێ مه‌زنتره.. به‌لێ ئه‌و كه‌سێ بڤێت تۆبه بكه‌ت، دڤێت ئه‌گه‌رێن تۆبه‌كرنا دورست ل نك خۆ په‌یدا بكه‌ت، وئێك ژ مه‌زنترین ئه‌گه‌رێن مانا ل سه‌ر تۆبێ ئه‌وه مرۆڤ تێكه‌لیا خرابان نه‌كه‌ت، وخۆ ژ وان جهان ژى دویر بێخت یێن خرابى لێ به‌لاڤ.
🔘 وده‌رسا ژ هه‌میێ مه‌زنتر یا كو ژ ڤێ سه‌رهاتییێ دئێته زانین ئه‌وه ره‌حما خودێ گه‌له‌ك یا به‌رفره‌هه، وهه‌ر جاره‌كا مرۆڤ پیچه‌كه ب نك خودێ ڤه بــچـــت، خـــودێ گه‌له‌ك دێ ب نك وى ڤه دئێت، خودایێ مه‌زن دبێژت:(قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ 53)
🔘 و ل دویماهیێ دبت كه‌سه‌ك بێژت: پا چاوا دێ چێ بت ڤى مرۆڤى سه‌د كه‌س كوشتین، وهه‌ما هۆسا ب ساناهى بچته به‌حه‌شتێ، پا كانێ حه‌قێ وان كه‌سێن هاتینه كوشتن؟ بۆ به‌رسڤ دێ بێژین: تۆبه گونه‌هێ ژێ دبه‌ت، وڕۆژا قیامه‌تێ خودێ حه‌قێ كه‌سێ به‌رزه ناكه‌ت، وئه‌و خودایێ به‌رێ ڤی قاتلى دایه تۆبێ، ل به‌ر وى یا ب زه‌حمه‌ت نابت ڕۆژا قیامه‌تێ وان مه‌قتوولان ژى رازى بكه‌ت، ئه‌گه‌ر ل سه‌ر ئیمانێ چووبن.
🔘 ئه‌و زانایێ قاضى نه‌بت حـه‌قـێ وى نـیـنـه حوكمى ل سه‌ر خه‌لكى بده‌ت، یان حه‌ددێ شه‌رعى ل سه‌ر تاوانباران ب جـهـ بینت، به‌لكى یا ل سه‌ر و ئه‌وه ئه‌و ڕیكا باش نیشا وى كه‌سى بده‌ت یێ پسیارا خۆ پێ دكه‌ت، ومه دیت چاوا ڤى زانایى -د ڤێ سه‌رهاتییێ دا- نه‌گۆته ڤى قاتلى: تو مرۆڤه‌كێ تاوانبارى وحه‌قێ ته كوشتنه، هه‌ڕه چو پسیاران ژ من نه‌كه.
کومــێتــدان لسـه‌ر بابــه تـی