8 ئه‌و كارتا خودانێ خۆ رزگاركرى
ئه‌و كارتا خودانێ خۆ رزگاركرى
سه‌رهاتییا ڤێ جارێ د گه‌ل زه‌لامه‌كى ژ ئوممه‌تا مه دێ چێ بت، ڕۆژا قیامه‌تێ، ده‌مێ خودێ عه‌بدان ل مه‌حشه‌رێ كۆم دكه‌ت، وخێر وگونه‌هێن وان دكێشت.
یه‌عنى: ئه‌ڤ سه‌رهاتییه تشته‌كێ غه‌یبیه یێ كو دێ ژ نوى چێ بت، پێغه‌مبه‌ر -سلاڤ لێ بن- بۆ مه ڤه‌دگوهێزت، وه‌كى ترمذى ژ عه‌بدللاهێ كوڕێ عه‌مرى ریوایه‌ت دكه‌ت، دبێژت پێغه‌مبه‌رى -سلاڤ لێ بن- گۆت: إِنَّ اللهَ سَيُخَلِّصُ رَجُلًا مِنْ أُمَّتِي عَلَى رُءُوسِ الْخَلَائِقِ يَوْمَ الْقِيَامَةِ، فَيَنْشُرُ عَلَيْهِ تِسْعَةً وَتِسْعِينَ سِجِلًّا، كُلُّ سِجِلٍّ مِثْلُ مَدِّ الْبَصَرِ، ثُمَّ يَقُولُ: أَتُنْكِرُ مِنْ هَذَا شَيْئًا؟ أَظَلَمَكَ كَتَبَتِي الْحَافِظُونَ؟ فَيَقُولُ: لَا يَا رَبِّ. فَيَقُولُ: أَفَلَكَ عُذْرٌ؟ فَيَقُولُ: لَا يَا رَبِّ. فَيَقُولُ: بَلَى، إِنَّ لَكَ عِنْدَنَا حَسَنَةً؛ فَإِنَّهُ لَا ظُلْمَ عَلَيْكَ الْيَوْمَ. فَتَخْرُجُ بِطَاقَةٌ فِيهَا أَشْهَدُ أَنْ لَا إِلَهَ إِلَّا اللهَ وَأَشْهَدُ أَنَّ مُحَمَّدًا عَبْدُهُ وَرَسُولُهُ، فَيَقُولُ: احْضُرْ وَزْنَكَ. فَيَقُولُ: يَا رَبِّ، مَا هَذِهِ الْبِطَاقَةُ مَعَ هَذِهِ السِّجِلَّاتِ؟! فَقَالَ: إِنَّكَ لَا تُظْلَمُ. فَتُوضَعُ السِّجِلَّاتُ فِي كَفَّةٍ، وَالْبِطَاقَةُ فِي كَفَّةٍ، فَطَاشَتْ السِّجِلَّاتُ وَثَقُلَتْ الْبِطَاقَةُ. فَلَا يَثْقُلُ مَعَ اسْمِ اللهِ شَيْءٌ.
یه‌عنى: ڕۆژا قیامه‌تێ خودێ زه‌لامه‌كى ژ ئوممه‌تا من ل پێش چاڤێن خه‌لكى دێ ئینت، نۆت ونه‌هـ ده‌فته‌ران ژ كارێ وى دێ به‌لاڤ كه‌ت، هه‌ر ده‌فته‌ره‌ك هندى چاڤ قه‌تره دكه‌ت یا درێژه، پاشى دێ بێژتێ: تو حاشاتییێ ل تشته‌كى ژ ڤان دكه‌ى؟ ئه‌رێ نڤیسه‌رێن من یێن پارێزڤان زۆردارییه‌ك ل ته كرییه؟ ئه‌و دێ بێژت: نه‌خێر خودایێ من، خودێ دێ بێژتێ: ڤێجا ته عوزره‌ك هه‌یه؟ ئه‌و دێ بێژت: نه‌خێر، خودێ دێ بێژتێ: به‌لێ، ته قه‌نجییه‌ك ل نك مه هه‌یه، وئه‌ڤرۆ چو زولم ل ته نائێته‌كرن، وكارته‌كێ دێ ئیننه ده‌ر په‌یڤا شاهدێ ل سه‌ره، دێ بیژنێ: ته‌رازییا خۆ بینه، ئه‌و دێ بێژت: یا ره‌ببى ما ئه‌ڤ كارته به‌رانبه‌ر ڤان ده‌فته‌ران چیه؟ ئه‌و دێ بێژتێ: زولم ل ته نائێته‌كرن، وده‌فته‌ر د لایه‌كێ ته‌رازییێ دا دێ ئێنه‌دانان، وكارت د لایێ دى دا، ڤێجا ده‌فته‌ر دێ بلند بن، وكارت دێ گران بت، چونكى چو تشت به‌رانبه‌ر ناڤێ خودێ یێ گران نابت.
ئه‌ڤ زه‌لامه ئێك ژ گونه‌هكارێن ئوممه‌تا موحه‌ممه‌دیه -سلاڤ لێ بن-، یێ مرى گونه‌هكار، به‌لێ ل سه‌ر باوه‌ریێ وته‌وحیدێ مربوو، گونه‌هێن وى گه‌له‌كن، نۆت ونه‌هـ ده‌فته‌ر یێن تژى كرین، به‌لێ باوه‌ریا وى ب ئه‌صلێ ته‌وحیدێ هه‌بوو، ئه‌و ته‌وحیدا وێ ڕۆژێ مفایێ وى كرى وه‌كى مه دیتى..
وئه‌م دشێین ڤێ سه‌رهاتییێ ژى هژماره‌كا ده‌رسان ژێ وه‌رگرین:
🔘 بهايێ په‌یڤا (شه‌هده‌دانێ) ئه‌وا ژ دو پارچه‌یان پێك دئێت: (لا إله إلا الله، محمد رسول الله)، بـۆ مـه ئاشـكـه‌را دبـت، ئیمامێ بوخارى ژ ئه‌بوو ذه‌ررى ڤه‌دگوهێزت، دبێژت: پێغه‌مبه‌رى -سلاڤ لێ بن- گۆت: مَا مِنْ عَبْدٍ قَالَ: لَا إِلَهَ إِلَّا اللهَ، ثُمَّ مَاتَ عَلَى ذَلِكَ إِلَّا دَخَلَ الْجَنَّةَ هه‌ر عه‌بده‌كێ بێژت: (لا إله إلا الله) و ل سه‌ر ڤێ چه‌ندێ بمرت، دێ چته به‌حه‌شتێ، گۆت: سێ جاران من گۆتێ: ئه‌گه‌ر فاحیشه كربت ودزى كربت ژى؟ گۆت: جارا سیێ وى گۆت: وَإِنْ زَنَى وَإِنْ سَرَقَ عَلَى رَغْمِ أَنْفِ أَبِي ذَرٍّ ئه‌گه‌ر خۆ فاحیشه كربت، ودزى كربت، د سه‌ر دفنا ئه‌بوو ذه‌ررى ڕا!
🔘 و وه‌كى ئه‌م دبینین پێغه‌مبه‌رى -سلاڤ لێ بن- شـه‌رتــه‌ك بــۆ باوه‌رى ئینانا ب ڤێ په‌یڤێ دانا ئه‌و ژى ئه‌ڤه‌یه مرنا خودانى ل سه‌ر بت، ودبت كه‌سه‌ك هه‌بت بێژت: ما ده‌م مه‌سه‌له ب ڤى ڕه‌نگیه پا هه‌ما ئه‌م هه‌مى دبێژین: (لا إله إلا الله) مه‌عنا ئه‌م هه‌مى به‌حه‌شتینه، چه‌ند گونه‌هـ مه هه‌بن ژى! وئه‌و ب خۆ مه‌سه‌له نه ب ڤێ به‌ساطه‌تێ‌یه یا ئه‌و هزر دكه‌ت، حه‌تا مرۆڤ مفایى ژ ڤێ په‌یڤێ بكه‌ت، حه‌فت تشت هه‌نه دڤێت ئه‌و یێ لێ هشیار بت:
1- (لا إله إلا الله) یه‌عنى: ژبلى خودێ كه‌سه‌ك نینه هه‌ژى عیباده‌تى بــت، عـیباده‌ت ب ڕامانــا وێ یا به‌رفره‌هـ ڤه، وئه‌و كه‌سێ ڤێ په‌یڤێ ب ده‌ڤى بێژت و ب كریار عیباده‌تى بۆ (ئیلاهه‌كێ) دى یێ (موزه‌ییه‌ف) پێشكێش بكه‌ت، گۆتنا ڤێ په‌یڤێ چو فایده‌ى ناگه‌هینتێ.
2- ئه‌ڤ په‌یڤه (عبوودییه‌تێ) هه‌میێ بۆ خودێ ده‌سنیشان دكه‌ت، وئه‌و كه‌سێ د ڤێ ڕاستییێ دا بكه‌فته شكێ، یان شریكه‌كى بۆ خودێ د ڤێ چه‌ندێ دا بدانت، گۆتنا ڤێ په‌یڤێ فایده‌ى ناگه‌هینته وى.
3- گۆتنا ڤێ په‌یڤێ دڤێت یا ژ دل بت، وئیخلاص تێدا بت، نه‌كو به‌س گۆتنه‌كا سه‌رده‌ڤ بت.
4- ژ بــلـى ئیخلاصێ دڤێت ڕاستگۆیى ژى تێدا هه‌بت، وڕاستگۆیى ئه‌وه ئه‌و كارى ب وان مه‌عنایان بكه‌ت یێن ژ ڤێ پیڤێ دئێنه وه‌رگرتن، نه‌كو كریارا وى دژى گۆتنا وى بـــت، ب ده‌ڤـــى بــێـژت: (لا إله إلا الله) و ب كریار باوه‌ریێ ب سه‌د ئیلاهێن دى یێن ژ قه‌ستا بینت.
5، 6- دڤێت ڤیانا ڤێ په‌یڤێ ویا (مه‌دلوولێ) وێ ژى ل نك هه‌بت، وڤیان هندێ دخوازت مرۆڤ وێ قه‌بویل بكه‌ت، وكارى پێ بكه‌ت.
7- وكانێ چاوا ڤێ په‌یڤێ (ئقرارا) ته‌وحیدێ بۆ خودێ تێدا هه‌یه، وه‌سا به‌لكى به‌رى هنگى ژى، (سه‌لبا) خودینیێ ژ هه‌ر ئێكێ دى ژبلى وى تێدا هه‌یه، یه‌عنى: ئه‌ڤ په‌یڤه هندێ دخوازت مرۆڤ كوفرێ ب وان هه‌مى (ئیلاهێن موزه‌ییه‌ف) بكه‌ت یێن خه‌لك باوه‌ریێ پێ دئنن.
🔘 وهژماره‌كا مه‌سه‌لێن غه‌یبى یێن كو ل ئاخره‌تێ دێ چێ بن، ژ ڤێ سه‌رهاتییێ دئێنه وه‌رگرتن، وه‌كى: ئاخفتنا خودێ د گه‌ل عه‌بدان، كێشانا خێر وشه‌ڕان، وهه‌بوونا ته‌رازیێ بۆ ڤێ چه‌ندێ، وكو خودێ زولمێ ل كه‌سێ ناكه‌ت.
🔘 هه‌ر وه‌سا ره‌حما خودێ یا به‌رفره‌هـ ژ ڤێ حه‌دیسێ بۆ مه ئاشكه‌را دبت، وكو دڤێت مرۆڤ ژ به‌ر كرنا گونه‌هان -ئه‌گه‌ر خۆ گه‌له‌ك ژى بن- بێ هیڤى نه‌بت، به‌لێ ب شه‌رته‌كى هــنــد خــۆ پـشـت ڕاست نه‌كه‌ت ڤێجا د كرنا باشیان دا سست ببت، وترسا خودێ نه‌مینته د دلى دا، چونكى شه‌رت نینه هه‌ر كه‌سه‌كێ ئه‌ڤ كارته هه‌بت فایده‌ى ژێ بكه‌ت.
کومــێتــدان لسـه‌ر بابــه تـی