9 جورهیجێ عابد ودهیكا وى
جورهیجێ عابد ودهیكا وى
ســهرهــاتـیـیــا جــورهیجێ عابد ودهیكا وى ئێك ژ وان سهرهاتییانه یێن پێغهمبهرى -سلاڤ لێ بن- بۆ مه ڤهگوهاستین، بوخارى ریوایهت دكهت، دبێژت: پێغهمبهرى -سلاڤ لێ بن- گۆت:
( كَانَ جُرَيْجٌ رَجُلًا عَابِدًا، فَاتَّخَذَ صَوْمَعَةً، فَكَانَ فِيهَا، فَأَتَتْهُ أُمُّهُ وَهُوَ يُصَلِّي فَقَالَتْ: يَا جُرَيْجُ. فَقَالَ: يَا رَبِّ أُمِّي وَصَلَاتِي؟ فَأَقْبَلَ عَلَى صَلَاتِهِ، فَانْصَرَفَتْ. فَلَمَّا كَانَ مِنْ الْغَدِ أَتَتْهُ وَهُوَ يُصَلِّي فَقَالَتْ: يَا جُرَيْجُ. فَقَالَ: يَا رَبِّ، أُمِّي وَصَلَاتِي؟ فَأَقْبَلَ عَلَى صَلَاتِهِ، فَانْصَرَفَتْ. فَلَمَّا كَانَ مِنْ الْغَدِ أَتَتْهُ وَهُوَ يُصَلِّي فَقَالَتْ: يَا جُرَيْجُ. فَقَالَ: أَيْ رَبِّ، أُمِّي وَصَلَاتِي؟ فَأَقْبَلَ عَلَى صَلَاتِهِ، فَقَالَتْ: اللَّهُمَّ لَا تُمِتْهُ حَتَّى يَنْظُرَ إِلَى وُجُوهِ الْمُومِسَاتِ. فَتَذَاكَرَ بَنُو إِسْرَائِيلَ جُرَيْجًا وَعِبَادَتَهُ، وَكَانَتْ امْرَأَةٌ بَغِيٌّ يُتَمَثَّلُ بِحُسْنِهَا فَقَالَتْ: إِنْ شِئْتُمْ لَأَفْتِنَنَّهُ لَكُمْ؟ قَالَ: فَتَعَرَّضَتْ لَهُ فَلَمْ يَلْتَفِتْ إِلَيْهَا، فَأَتَتْ رَاعِيًا كَانَ يَأْوِي إِلَى صَوْمَعَتِهِ فَأَمْكَنَتْهُ مِنْ نَفْسِهَا، فَوَقَعَ عَلَيْهَا، فَحَمَلَتْ، فَلَمَّا وَلَدَتْ قَالَتْ: هُوَ مِنْ جُرَيْجٍ. فَأَتَوْهُ، فَاسْتَنْزَلُوهُ، وَهَدَمُوا صَوْمَعَتَهُ، وَجَعَلُوا يَضْرِبُونَهُ، فَقَالَ مَا شَأْنُكُمْ؟ قَالُوا: زَنَيْتَ بِهَذِهِ الْبَغِيِّ، فَوَلَدَتْ مِنْكَ. فَقَالَ: أَيْنَ الصَّبِيُّ؟ فَجَاءُوا بِهِ. فَقَالَ: دَعُونِي حَتَّى أُصَلِّيَ، فَصَلَّى، فَلَمَّا انْصَرَفَ أَتَى الصَّبِيَّ فَطَعَنَ فِي بَطْنِهِ وَقَالَ: يَا غُلَامُ مَنْ أَبُوكَ؟ قَالَ: فُلَانٌ الرَّاعِي. قَالَ: فَأَقْبَلُوا عَلَى جُرَيْجٍ يُقَبِّلُونَهُ، وَيَتَمَسَّحُونَ بِهِ، وَقَالُوا: نَبْنِي لَكَ صَوْمَعَتَكَ مِنْ ذَهَبٍ؟ قَالَ: لَا، أَعِيدُوهَا مِنْ طِينٍ كَمَا كَانَتْ. فَفَعَلُوا ).
جورهیج مرۆڤهكێ عیبادهتكهر بوو، وى جههك بۆ عیبادهتى بۆ خۆ چێكربوو، دهمهكى ئهو ل وێرێ بوو، دهیكا وى هاته نك ووى نڤێژ دكر، دهیكا وى گازى كرێ، وى گۆت: یا رهببى دهیكا من ونڤێژا من، ووى نڤێژا خۆ تمام كر، دهیكا وى چوو، ڕۆژا دى دهیكا وى هاتهڤه، وى نڤێژ دكر، وێ گازى كرێ، وى گۆت: یا رهببى دهیكا من ونڤێژا من، ووى نڤێژا خۆ تمام كر، دهیكا وى چوو، وڕۆژا دى دهیكا وى هاتهڤه، وى نڤێژ دكر، وێ گازى كرێ، وى گۆت: یا رهببى دهیكا من ونڤێژا من، ووى نڤێژا خۆ تمام كر، ئینا دهیكا وى نفرینهك كر وگۆت: یا رهببى تو وى نهمرینه حهتا ئهو بهرێ خۆ بدهته ڕوویێ ژنكێن پویچ! جارهكێ ئسرائیلییان بهحسێ جورهیجى وعیبادهتێ وى كر، وژنهكا خراب ههبوو، خهلكى مهتهل ب جوانییا وێ دئینان، وێ گۆت: ئهگهر ههوه بڤێت ئهز دێ وى بۆ ههوه د سهردا بهم، وئهو هاته نك وى دا وى د سهردا ببهت، وى پویته پێ نهكر، ئینا هاته نك شڤانهكى دچوو نك پهرستگهها جورهیجى وخۆ ب دهست ڤه بهردا، وئهو ژێ ب حهمله كــهڤـت، وگاڤا وێ بچویك بووى، وێ گۆت: ئهڤه یێ جورهیجییه، ئینا خهلك هاتن ئهو ژ پهرستگهها وى ئینادهر وپهرستگهها وى ههڕفاند، ودانانێ، وى گۆت: ههوه خێره؟ وان گۆتێ: ته زنا د گهل ڤێ چنكا پویچ یا كرى، وئهڤ كوڕه یێ تهیه، وى گۆت: كانێ بچویك؟ وان ئهو ئینا، وى گۆت: كانێ من بهێلن حهتا ئهز نڤێژێ بكهم، وى نڤێژ كر، گاڤا نڤێژا خۆ خلاس كرى، هاته نك بچویكى ودهستێ خۆ ل زكێ وى دا وگۆتێ: كوچووچ، كى بتابێ تهیه؟ وى گۆت: فلان كهسێ شڤان، گۆت: هنگى ئهو ب نك جورهیجى ڤه هاتن، ماچى كر وخۆ تێ هوسى، وگۆتنێ: پهرستگهههكێ ژ زێڕى دێ بۆ ته چێكهین، وى گۆت: نه.. وهكى بهرێ وێ ژ ئاخێ بۆ من دورست بكهن.. وان وه كر.
ژ ڤێ حهدیسێ بۆ مه ئاشكهرا دبت كو:
🔘 دههمهن پاقژى ژ باوهریێیه، وچهند باوهریا خودانى پتر بت، ئهو ژ لایێ دههمهن پاقژیێ ڤه دێ یێ ب هێزتر بت. وئهو كهسێ ژ ڕاست ودورستى باوهرى ئینا بت خودێ بــهڕهڤانیێ دێ ژێ كهت دهمێ نهخۆشیهك ب سهر دا دئێت، وهكى د ئایهتهكێ دا هاتى:( إِنَّ اللهَ يُدَافِعُ عَنِ الَّذِينَ آمَنُوا ).
🔘 دبـت نـفـریـنـا دهیـبابان د دهر حهقا عهیالى دا ب جهـ بێت، ڤێجا بلا ئهو د هشیار بـن، عێجزى وكهرب ڤهبوونا بهروهخت بلا ئێكا هند ژ وان چێ نهكهت ئهو نفرینهكا وهسا ل عهیالێ خۆ بكهن، پشتى هنگى عهمرێ خۆ ههمیێ بكهڤنه پهشێمانیێ.
🔘 كهرب ڤهبوونێ چو خێر تێدا نینه، وهندى ژ مرۆڤى بێت دڤێت ئهعصابێن خۆ بگرت، دهیكا جورهیجى ل دهمهكێ عهصهبیاتییێ ئهڤ نفرینه ل كوڕێ خۆ كر، بێى هند خۆ بگرت حهتا بزانت كانێ بۆچى ئهو بهرسڤا وێ نادهت، و ژ ئهنجامێ كهرب ڤهبوونێ وێ ئهڤ نفرینه كر وپشتى هنگى ل گۆتنا خۆ پهشێمان بوو.
🔘 ئهگهر مرۆڤ د نڤێژێ دا بوو، وئهو نڤێژ سوننهت بت، ودهیكا مرۆڤى یان بابێ مرۆڤى گازى مرۆڤى بكهت، دڤێت مرۆڤ نڤێژا خۆ بهطال كهت وجهوابا وان بدهت، ئهگهر هات وى زانى چى گاڤا وى بهرسڤا وان نهدا ئهو دێ ژ وى عێجز بن، چونكى گوهداریا دهیبابان واجبه، وچێ نابت مرۆڤ واجبهكى بهێلت دا سوننهتهكێ بكهت.
🔘 و ژ ڤێ سهرهاتییێ ژى ئاشكهرا دبت كو كهرامهتێن وهلیان ههنه، خودێ وهسا حهزكر ئهڤ زارۆكێ د پێچكێ دا باخڤت، دا دههمهن پاقژیا ڤى مرۆڤێ عابد بۆ خهلكى ئاشكهرا كهت.
🔘 وپێتڤیه ل سهر مرۆڤى دهمێ گۆتنهكێ گوهـ لێ دبت، ئێكسهر باوهر نهكهت، ب تایبهتى ئهگهر (تهشویها سومعهتا) مرۆڤهكێ چاك وخودێناس د وێ گۆتنێ دا ههبت، چونكى گهلهك كهسێن حهسوید ودلڕهش ههنه حهز دكهن سومعهتا مرۆڤێن چاك ل نك خهلكى كرێت بكهن.
🔘 و ژ ڤێ سهرهاتییێ دئێته وهرگرتن كو یا باش ئهوه ههر جاهكا نهخۆشیهك گههشته مرۆڤى، وبێ بهختى لێ هاتهكرن ئهو ژ دلهكێ صافى دهست بدهته كرنا نڤێژێ، وههوارێن خۆ بگههینته خودێ كو ئهو د ههوارا وى بێت ووى ژ وێ تهنگاڤیێ خلاس بكهت.. هنگى خودێ دێ د ههوارا وى ئێت، ئهگهر خۆ ب ڕێكا ب جهئینانا كهرامهتهكێ ژى بت.
کومــێتــدان لسـهر بابــه تـی