پێشەکی

پێشەکی

الحمدللە رب العالمین والصلاة و السلام علی نبینا محمد وعلی آلە وصحبە أجمعین ، أما بعد:

یا ئاشکەرایە گەلەك جارا مروڤی دڤێت ژین و سەربورا مروڤێت مەزن بزانیت ، دا مروڤ پێ شارەزایی قوناغێت ژیانێ ببت ، و دا مروڤ ل ئەوان کورەرێیان نە هلنگڤت یێن ئەوان ئاماژە پێ دایی کو بەرێ مروڤی ددەنە تاریێ و بەرزەبوونێ.

راستی محمد(ﷺ)  دبیروباوەرێت مەدا مەزنترین کەسە ددیروکێ دا پەیدابووی ، چونکی ئەو تمامکەرێ پەیاما پێغەمبەرینیێ بوو ، ئەو بو یێ خودێ ددەرحەقا وی دا گوتی :(وَمَا أَرْسَلْنَاكَ إِلَّا رَحْمَةً لِلْعَالَمِينَ) سورة الأنبیاء ایة 107

ئانکو: وهه‌ما مه‌ تو -ئه‌ى موحه‌ممه‌د- يێ هنارتى دلۆڤانییه‌ك بۆ هه‌مى مرۆڤان، ڤێجا هه‌چییێ باوه‌رییێ ب ته‌ بينت ئه‌و دێ كه‌يفخۆش وڕزگار بت، ويێ باوه‌رییێ نه‌ئينت دێ خوساره‌ت وشه‌رمزار بت.

ڤێجا ئەڤ دلوڤانیا خودێ ژێ گوتی نەبتنێ بو جیهانا وی سەردەمی بوو بەلکو جیهانا مە ئەڤرو ژهەمی جیهانا تێهنیترە بو دلوڤانیێ لەوا ئەگەر مە بڤێت ئەو دلوڤانییە ب نك مەڤە بهێت دڤێت ئەم خوە دژیانا خودانێ ڤێ دلوڤانیێ دا شارەزا بکەین .

ئەڤ ناسنامەیا مە وەرگێرایی ناسنامەیەکا بچویك و تێر پێزانینە لدور ژیانا پێغەمبەری(ﷺ)  و خێزانا وی ، لەوا مەژی یا هەولدایی ب زمانەکێ ساناهی و نێزیکی پەیڤێن روژانە دان و ستاندن پێ دئێتەکرن وەرگێرن دا پتر مفا ژێ بهێتە وەرگرتن و هەروەسا مە ئاماژە ب چەند فەرمودێن لاواز کریە دا ژ فەرمودێن دروست بهێنە جوداکرن ئەوژی ئەڤەنە:

(قل لا أسئلکم علیە أجرا إلا المودة في قربي) الشوري 23

 ژ ئەبی ذرێ غەفاری خودێ ژێ رازی بیت هاتیە ڤەگوهاستن دبێژیت پێغەمبەری(ﷺ) گوت:( ئەرێ ما هوین نزانن هندی مەتەلا خەلکێ مالا منە دناڤ هەوە دا وەکی مەتەلا گەمیا نوح پێغەمبەری یە ، ڤێجا ئەوێ لێ سوار بیت دێ ئێتە قورتالکرن و ئەوێ لێ سوار نەبیت دێ خەندقیت) . ئیمام احمد و حاکم ڤەدگوهێزن و حاکم دبێت فەرمودە یا دروستە لسەر مەرجێن موسلمی و ئەوی دەرنەئێخستیە، ئیمامێ ئەلبانی دبێژیت ئەڤ حەدیثە یا لاوازە بەرێ خو بدە ضعیف الجامع الصغیر ژماتە  5247. 1974

علی کورێ ئەبو طالب خودێ ژێ رازی بیت دبێژیت پێغەمبەری(ﷺ) گوت:( هندی ستێرن ئیمناهینە بو ئاسمانی و هندی خەلکێ مالا منن ئیمناهینە بو خەلکێ ئەردی  ڤێجا هەر گاڤا خەلکێ مالا من لسەر ئەردی نەمان ، هینگێ خەلکێ ئەردی ژی نامینیت). ئیمام احمد د مەسنەدا خودا ڤەدگوهێزت ، ئەلبانی دبێژت ئەڤ فەرمودە یا لاوازە بەرێ خو بدە السلسلة الضعیفة 4699

ژ ئبن عەبباسی خودێ ژێ رازی بیت دبێژیت پێغەمبەر(ﷺ) دبێژیت:( حەژ من بکەن ژبەر حەژێکرنا خودێ بو من و حەژ خەلکێ مالا من بکەن ژبەر حەژێکرنا هەوە بو من). تورمزی و حاکم و بەیهەقی ڤەدگوهێزن ، ئیمامێ ئەلبانی دبێژت ئەڤ حەدیثە یا لاوازە بەرێ خو بدە ضعیف الجامع الصغیر 176

ژ ئەبو بەکری خودێ ژێ رازی بیت دبێژیتە ئیمام عەلی خودێ ژێ رازی بیت ئەز ب وی کەم یێ نەفسا من ددەستی دا مروڤانەتییا پێغەمبەری(ﷺ) لبەر من شرینترە  ژ هندێ ئەز مروڤانەتیا خو بگەهینم. بوخاری و مسلم و احمد ڤەدگوهێزن

ژئەبو بەکری خودێ ژێ رازی بیت دبێژیت: چاڤدێرییا (أرقبوا) موحەممەدی بکن دخەلکێ مالا وی دا  ئانکو قەدرێ خەلکێ مالا وی بگرن . بوخاری ڤەدگوهێزت

 و ئەگەر زاراڤەك پێتڤی شلوڤەکرنێ بت مە یێ شلوڤەکری.