بنـەمــالا پێغەمبەری ﷺ

 




بنـەمــالا پێغەمبەری ﷺ


1 - 5 - 25 - 313 - 120000  

هەژمارا جیهانی یا پێغەمبەرێ خودێ(ﷺ)


1. باشترینێ چێکریێن خودێ و سەروەرێ دویندەها ئادەمییە. (هەروەکو ئیمام مسلم ڤەدگوهێزت)


5. یێ پێنجێ یە ژ پێغەمبەرێن دبێژنێ ( اولوا العزم ) ئەوژی ئەڤەنە ( نوح ، ابراهیم ، موسا ، عیسا ، محمد ) سلاڤ لسەر هەمی پێغەمبەران بن.


25. یێ بیست و پێنجێ یە ژ پێغەمبەر و هنارتیێن خودێ ئەوێن ناڤێت وان دقورئانا پیرۆز دا هاتین. (هەروەکو دقورئانا پیرۆز دا هاتی )


313. یێ سێ سەد و سێزدێ یە ژ هنارتیان ( الرسل ) ئەوێن خودێ بو خەلکێ ئەردی هنارتین. (هەروەکو ئبن حەببان دمەسنەدا خودا ڤەدگوهێزت )


120000. ژمارا پێغەمبەرێن خودێ یە و ئەو دویماهیکا هەمی پٸغەمبەرانە. ( هەروەکو ئبن حەببان دمەسنەدا خودا ڤەدگوهێزیت .


## ــــــــــــــ  پێغەمبەری_ﷺ_بنـیاســە  ــــــــــــــ ##



🔵 ناڤێ پێغەمبەری(ﷺ)



🔴 نــــــــاڤ: 

      مـــحـــمـــد (ﷺ)


🔴 ناڤێ بــــابــــێ: 

      عبدالله کورێ عبدالمطلب کورێ هاشم کورێ عبدالمناف کورێ قصي کورێ كلاب کورێ مرة کورێ كعب کورێ لؤي کورێ غالب کورێ فهر کورێ مالك کورێ نضر کورێ كنانة کورێ خزيمة کورێ مدركة کورێ إلياس کورێ مضر کورێ نزار کورێ معد کورێ عدنان)ه. 


🔴 ناڤــێ دەیــــکێ : 

      ئامینا کچا وەهەبێ کورێ عبدالمنافێ کورێ زەهرەیێ کورێ کیلابێ کورێ مورەی.


🔴 داپیرا وی یا بـــابێ: 

      فاطمة کچا عومەرێ مەخزوومی یە.


🔴 داپیرا وی یا دەیـــکێ: 

       بورەیا کچا عەبدولعوزایێ کورێ عثمانێ کورێ عبدولدارێ کورێ قوصەیێ کورێ کیلابێ کورێ مورەی.


🔴 جهــ و روژا ژدایکبـــــــوونێ: 

      مەککەها پیرۆز نێزیکی صەفایێ مالا ئەبو طالبی ، و ئەڤ جهە هەتا ئەڤروژی یێ مایی و نوکە پەرتوکخانەیا مەککەهێ یا لێ هاتیە ئاڤاکرن ، ل روژا دووشەمبێ 12 ربیع الاول 53 بەری مشەختبوونێ بەرامبەر 20ی نیسانێ 570 زاینی.


🔴 جهــ و روژا هنارتنێ: 

      مەککەها پیرۆز ، شکەفتا حەرائێ ، 27ی رەمەزانێ 13 بەری مشەختبوونێ بەرامبەر 17ی تەباخێ  609ی زاینی.


🔴 رەگـــــــەز:

     سەروەرێ مروڤان


🔴 ئاییــــن:

      سەروەرێ موسلمانان


🔴 ناڤونیشانێن هەلبژارتی:

      مەککەها پیرۆز و پاشێ مەدینا منەوەر ، مزگەفتا پێغەمبەری(ﷺ)


🔴 پیشە (المهنة ) :

      شڤانێ پەزی و پاشی بازرگانی هەتا چل سالیێ و پاشی باشترینێ موسلمانان و تەمامکەرێ پەیاما پێغەمبەرینیێ .


🔴 شێوازێ کاری:

      دلوڤانی بو هەمی خەلکێ جیهانێ.


🔴 نیشانێن جوداکەر:

      مورا پێغەمبەرینیێ ل ناڤ ملێن وی بوو ، و عەورەکێ سیبەر لێ دکر هەر جهەکێ ئەو چوبایێ.


🔴 سالوخەت(الوصف):

      رەنگێ سەروچاڤان: سپییەکێ پاڤسور بوو ، رەنگێ چاڤان: رەش بوو ، رەنگێ پویرتێ سەری: رەش بوو ، درێژاهییا بەژنێ: ناڤەند بوو (مربوع الجسم ) .


🔴 ناڤــێ داپیـــــرکێ (المولدة):

      شیفائا کچا عەوفی (دەیکا عبدولرەحمانی)


🔴 ناڤێ دایینێ (الحاضنة):

       دەیکــــــا ئەیمەنــــی


🔴 ناڤێ دایینێ ( المرضعة): 

      ثویبة یا ئەسلەمی (خداما ئەبو لەهەبی ) پاشی حەلیما کچا (ابو ذؤیب )ی یا سعدی ئەوا زەلامێ وێ الحارث کورێ عبدولعوزای.


🔴 برایێن شیری:

    🔸1. ژ (ثویبة)ایێ : عبداللە کورێ جەحشی ، حمزەیێ کورێ عبدالمطلب ، ئەبو سەلەمەیێ کورێ عەبدولئەسەدی ، مەسروحێ کورێ (ثویبة)ایێ.

    🔸2. ژ حەلیما ئەلسەعدی: عبداللە ، ئەنیسا ، (حذافة) ئەلشەیماء عەیالێ (الحارث)ی



## ــــــــــــــ  پێغەمبەری_ﷺ_بنـیاســە  ــــــــــــــ ##




خشــتەیــێ خێـــزانی




## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا ئێکێ



🔴ناڤ:  خەدیجا


🔴 ناڤێ بابێ: 

      خوەیلدێ کورێ ئەسەدێ کورێ عەبدولعوزایێ کورێ قوصەیێ کورێ کیلابێ کورێ مورەی


🔴 ناڤێ دەیکێ: 

      فاطمة کچا زائیدەی


🔴 روژا ژدایکبوونێ: 

    سالا 68 بەری مشەختبوونێ


🔴 جهــ و روژا شویکرنێ:

       مەکەها پیرۆز /سالا 28 بەری مشەختبوونێ


🔴 مەهرا وێ:

       20 حێشترێن نەخری


🔴 دەمێ هەڤژینیێ:

       25 سال بوون


🔴 جهــ و روژا لێ مری:

      مەکەها پیرۆز / سالا 3 بەری مشەختبوونێ ل  10 پشتی هنارتنا پێغەمبەری(ﷺ) دگوتنێ (سالا خەمێ).


🔴 زاروکێن وێ ژ پێغەمبەری(ﷺ):

      زەینەب ، القاسم ، روقەییا ، ام کلثوم ، فاطمة ، عبداللە


🔴 زەلامێ وێ یێ بەری پێغەمبەری(ﷺ): 

      1. ئەبو هالە (ئەلنەباشێ کورێ زەرارەیێ تەمیمی ، خودێ دوو زاروك ژێ دابونێ : (هند ، هالە) ، و هەردوو ژی موسلمان ببون.


2. عەتیقێ کورێ عابدێ مەخزومی ، خودێ کچەك ژێ دابویێ و ناڤێ وێ (هند) بوو و موسلمان ببوو.


🔴 نیشانێن جوداکەر:

      1. ئێکەم کەس بوو ژ ژنان هاتیە دئیسلامێ دا و پشتەڤانیا ئیسلامێ کر ب گیان و مالێ خوە.


2. پێغەمبەر(ﷺ) ددەرحەقا وێ دا دبێژیت: ژ زەلامان گەلەك کەس هەنە یێن تمام بوین بەلێ ژ ژنان بتنێ چار کەس تمام بوینە مەریەما کچا عیمرانی و ئاسیا ژنا فیرعەونی و خەدیجا کچا خوەیلدی و فاطمة کچا موحەمەدی (ﷺ).


3. پێغەمبەری(ﷺ) ژ هەمی ژنکێت خوە قیمەتەکێ زێدەتر ددا خەدیجایێ و هەتا چویە بەر دلوڤانیا خودێ ژی پێغەمبەری(ﷺ) چ ژن ل سەر وێ نەئینابوون.



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا دووێ


🔴ناڤ:  سەودە (ئەلعامریە)


🔴 ناڤێ بابێ:  زەمعەیێ کورێ قەیسێ کورێ عەبدشەمسی


🔴 ناڤێ دەیکێ:  ئەلشەمووسا کچا قەیسێ کورێ زەیدی


🔴 جهــ و روژا ژدایکبوونێ:  مەکەها پیرۆز / سالا 68 بەری مشەختبوونێ


🔴 جهــ و روژا شویکرنێ:

     مەکەها پیرۆز /  سالا 3 بەری مشەختبوونێ


🔴مەهرا وێ : +++


🔴 دەمێ هەڤژینیێ:

      14 سال بوون


🔴ئەگەرێ ئینانا وێ:    

      پێغەمبەری(ﷺ) ئەو پشتی مرنا خەدیجایێ مارەکر دا چاڤێ خوە بدەتە زاروکێن وی ، ئەو یا دانعەمر بوو چ جوانی ل دەڤ نەبوو وەکو ژنێن جوان.

 

🔴 جهــ و روژا لێ مری:

       ل مەدینا منەوەر د هەیڤا شەوالێ دا ل دویماهیا خیلافەتا عومەری


🔴 زاروکێن وێ ژ پێغەمبەری(ﷺ):

      چ زاروك ژێ نەبوون


🔴زەلامێ وێ یێ بەری پێغەمبەری(ﷺ):

    ئەلسەکرانێ کورێ عەمری ، و ئەڤە دگەل سەودەیێ مشەخت ببوو  حەبەشە و هەر ل وێرێ چوو بەر دلوڤانیا خودێ و پێنچ زاروك ژێ هەبوون. 


🔴 نیشانێن جوداکەر: 

      ئێکەم ژن بوو پێغەمبەری(ﷺ) مارەکری پشتی مرنا خەدیجایێ ، و روژەکێ گوتە پێغەمبەری(ﷺ) من چ ڤیانا دونیایێ ددل دا نینە و ب تنێ ژبوو هندێ دا ئەز ژی بێمە هژمارتن ژ کابانیێن تە ل روژا قیامەتێ ، ڤێجا دا ئەو خێر بگەهتە من ئەوا دگەهتە وان.

گەلەك جارا کەنیا پێغەمبەری(ﷺ) دئینا ، جارەکێ گوتێ من شڤێدی ل پشت تە نڤێژ دکر و ئەز دگەل تە چوومە روکوعێ ، ڤێجا تو هند ماییە ل روکوعێ هەتا من دەستێ خوە ب دفنا خوڤە نایی چونکی ئەز دترسیام خوین ژێ بهێت ، ڤێجا پێغەمبەری(ﷺ) کرە کەنی.



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا سیێ


🔴ناڤ:   عائیشا


🔴 ناڤێ بابێ:   ئەبو بەکر ئەلصەدیق


🔴 ناڤێ دەیکێ:

     زەینەبا کچا عەبد دەهمانی ( دەیکا ڕومانی )


🔴 جهــ و روژا ژدایکبوونێ:

       سالا 9 بەری مشەختبوونێ


🔴 جهــ و روژا شویکرنێ:

      مەدینا منەوەر / سالا 1 مشەختی


🔴مەهرا وێ :

    400 دەرهەم


🔴 دەمێ هەڤژینیێ:

      11 سال بوون



🔴ئەگەرێ ئینانا وێ:

     ئەڤە بتنێ ژناڤ کابانیێن پێغەمبەری(ﷺ) یا جحێل (کچ) بوو ل دەمێ ڤەگوهاستنێ، پێغەمبەری(ﷺ) ئەو مارەکر، دا پتر مروڤاینی دناڤبەرا وی و ئەبو بەکری دا بهێزتر لێ بهێت ، ڤێجا عائیشایێ ب شویکرنا خوە بارێ ژنکێن موسلمانا سڤك کر و دهەمان دەمدا بارێ پێغەمبەری(ﷺ) سڤك کر ژبەرکو هەر تشتەکێ پەیوەندی ب ژنکا ڤە هەبت دێ ل دەڤ عائیشایێ هەبت چونکی ئەو هەڤژینا پێغەمبەری یە(ﷺ) و هەر ژ جحێلینیا خوە ئەو یا نێزیکی وی بوو و ئەڤ چەند ژێ هاتە دیتن ژلایێ هەڤالێن پێغەمبەری ڤە (ﷺ)  ل دەمێ گوتین نینە فەرمودەیەك لبەر مە بەرزە ببت ڤێجا ئەم پرسیارا عائیشایێ بکەن ئیللا دێ زانینەك ل دەڤ وێ هەبت ل دور وێ فەرمودەیا ئەم لێ بگەرن.

 


🔴 جهــ و روژا لێ مری:

      مەدینا منەوەر ل هەیڤا رەمەزانێ سالا 58 مشەختی


🔴 زاروکێن وێ ژ پێغەمبەری(ﷺ): 

      چ ژێ نەبوون


🔴زەلامێ وێ یێ بەری پێغەمبەری(ﷺ):

      کەس نەبوو


🔴 نیشانێن جوداکەر:

      1. پێغەمبەر (ﷺ) دبێژیت بهایێ عائیشایێ لسەر ژنان وەکی بهایێ تەشریبا ئاڤگوشتی یە (الثرید) لسەر هەمی خوارنان.


2 . پاقژکرنا (براءة) وێ ژ ئاسمانی هات ل دەمێ هندەکان بێ بەختی بدویڤە هێلاتین. 


3. پێغەمبەری (ﷺ) ناسناڤێ وێ کربوو (دەیکا عەبدوللاهی) ژبەر خوارزایێ وێ (عەبدوللاهێ کورێ زوبەیری).



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا چارێ


🔴ناڤ:  حەفصا


🔴 ناڤێ بابێ:  عومەرێ کورێ خەطابی


🔴 ناڤێ دەیکێ:

      زەینەبا کچا (مظعون)ی


🔴 جهــ و روژا ژدایکبوونێ:

      مەکەها پیرۆز  سالا 18 بەری مشەختبوونێ


🔴 جهــ و روژا شویکرنێ:

      مەدینا منەوەر سالا 3 مشەختی


🔴مەهرا وێ : ++++++


🔴 دەمێ هەڤژینیێ:

       8 سال بوون


🔴ئەگەرێ ئینانا وێ:

     پێغەمبەری (ﷺ) خواست و مارەکر داکو مروڤاینی دناڤبەرا وی و عومەری دا بهێزتر لێ بهێت و هەروەسا وەکو قەدرگرتن ژی بو زەلامێ وێ یێ ئەنصاری خونەیسێ کورێ ( حذافة)ی ئەوێ ل روژا ئوحودێ شەهید بووی. 

 

🔴 جهــ و روژا لێ مری:

     مەدینا منەوەر سالا 41 مشەختی


🔴 زاروکێن وێ ژ پێغەمبەری(ﷺ): چ نەببون


🔴زەلامێ وێ یێ بەری پێغەمبەری(ﷺ): 

     خونەیسێ کورێ (حذافة) یێ سەهمی بوو ئەوێ ل روژا ئوحودێ شەهید بووی. 


🔴 نیشانێن جوداکەر:

      حەفصا ژنکەکا ئەدیب و نڤیسەر بوو ، پێغەمبەری (ﷺ) ئەو بەردا (طلاق) بەلێ جوبرائیل ژ ئاسمانی هاتە خوار و گوتە پٸغەمبەری (ﷺ):( حەفصایێ بزڤرینەڤە ئەو ژنکەکا روژیگر و نڤێژکەرە و ئەو دێ بتە ژنکا تە ل بەهەشتێ )، و هەر حەفصا بوو یا مصحەفا ئێکێ پاراستی دمالا خوڤە ، ئەو مصحەفا ل سەردەمێ ئەبووبەکری هاتیە کومکرن.



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا پێنجێ


🔴ناڤ:   زەینەب (دەیکا بەلەنگازان)


🔴 ناڤێ بابێ:

     خوزەیمەیێ کورێ ( الحارث)ێ کورێ عەبدوللاهی


🔴 ناڤێ دەیکێ:

     هندا کچا عەوفی


🔴 جهــ و روژا ژدایکبوونێ:

     مەکەها پیرۆز سالا 26 بەری مشەختبوونێ


🔴 جهــ و روژا شویکرنێ:

     مەدینا منەوەر ، مەها رەمەزانێ سالا 3 مشەختی


🔴مەهرا وێ :

     400 دەرهەم


🔴 دەمێ هەڤژینیێ:

     8 هەیڤ بوون


🔴ئەگەرێ ئینانا وێ:

      پێغەمبەری (ﷺ) ئەڤ ژنە مارەکر پشتی زەلامێ وێ چویە بەر دلوڤانیا خودێ (کو دبو برایێ پێغەمبەری(ﷺ) یێ شیری) و شەهید بووی ل روژا ئوحودێ ، داکو پێغەمبەر (ﷺ) چاڤێ خو بدەتێ و خودان بکەت. 

 

🔴 جهــ و روژا لێ مری:

      مەدینا منەوەر ( ربیع الأخر) سالا 4 مشەختی


🔴 زاروکێن وێ ژ پێغەمبەری(ﷺ): چ نەبوون


🔴زەلامێ وێ یێ بەری پێغەمبەری(ﷺ):

      عەبدوللاهێ کورێ جەحشی برایێ پێغەمبەری (ﷺ) یێ شیری ئەوێ ل روژا ئوحودێ شەهید بووی.


🔴 نیشانێن جوداکەر:

      گەلەك یا خێرخواز بوو و حەژ سەدەقێ دکر و چاڤێ خوە ددا هەژاران ژبەر هندێ دگوتنێ دەیکا بەلەنگازان ، و ئەو خوشکا دەیکا موسلمانان مەیموونا کچا (الحارث) ییە ژلایێ دەیکێ ڤە.


## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا شەشێ



🔴ناڤ: هند (دەیکا سەلەمەیێ مەخزوومی)


🔴 ناڤێ بابێ:

ئەبی ئومەیە (حذیفة)یێ کورێ موغیرەی


🔴 ناڤێ دەیکێ:

عاتیکا کچا عامری


🔴 جهــ و روژا ژدایکبوونێ:

مەکەها پیرۆز سالا 30 بەری مشەختبوونێ


🔴 جهــ و روژا شویکرنێ:

مەدینا منەوەر سالا 4 مشەختی


🔴مەهرا وێ :

هندەك ژ کەل و پەلێن حوجرا وێ بوون


🔴 دەمێ هەڤژینیێ:

7 ســـــال بوون


🔴ئەگەرێ ئینانا وێ:

بابێ وێ ئێك ژ مەردترین زەلامێن عەرەبان بوو و ناسناڤێ وی ببوو (زاد الراکب) ئانکو خوارنا سواری ، پێغەمبەری (ﷺ) ئەو مارەکر پشتی زەلامێ وێ چویە بەر دلوڤانیا خودێ (کو دبو برایێ پێغەمبەری یێ شیری) دا پەیوەندی دناڤبەرا پێغەمبەری (ﷺ) و بنەمالا وێ یا مەزن (بني مخزوم) زێدەتر لێ بهێت (ئەڤ عەدەتە یێ بەر بەلاڤ بوو دناڤ عەرەبان دا).

 

🔴 جهــ و روژا لێ مری:

مەدینا منەوەر ل هەیڤا شەوالێ سالا 61 مشەختی و ئەڤە پشتی هەمی دەیکێن موسلمانان یا چویە بەر دلوڤانیا خودێ.


🔴 زاروکێن وێ ژ پێغەمبەری(ﷺ): 

چ نەبوون


🔴زەلامێ وێ یێ بەری پێغەمبەری(ﷺ):

ئەبو سەلەمە عەبدوللاهێ کورێ عەبدولئەسەدی (برایێ پێغەمبەری یێ شیری و کورمەتێ وی بوو) دگەل خێزانا خوە چو بوو حەبەشە و پاشی چو بو مەدینێ و چار زاروك ژێ هەبوون


🔴 نیشانێن جوداکەر:

1. ئێکەم ژن بوو چویە حەبەشە.


2. ئێکەم کەس بوو داخلی مەدینێ بووی لسەر مەعافێ (هودج ).


3. خودان جوانی و زانین بوو و مەژییەکێ ساخلەم هەبوو و شیرەتا وێ بو پێغەمبەری ل روژا حودەیبیێ و هەر ئەڤ شیرەتە بوو بو ئەگەرێ رزگارکرنا موسلمانان.


4. ل دەمێ خودایێ مەزن ئەڤ ئایەتە ئینایە خوارێ:( .... إنما یرید اللە لیذهب عنکم الرجس أهل البیت .....) هینگێ پێغەمبەر (ﷺ) ل مالا وێ بوو ، ئینا ئەوێ گوتە پێغەمبەری: ئەی پێغەمبەرێ خودێ من ژی بهەژمێرە ژ مالا خوە ، پێغەمبەری گوت (تو ژ مالا منی) و دریوایەتەکا دی دا هاتیە ئەوێ گوتە پێغەمبەری ئەز ژی ژ مالا تەمە ؟ پێغەمبەری (ﷺ) گوت (ئەرێ ئەگەر خودێ حەز بکەت) . هەر سێ ڤەدگوهێزن



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا حەفتێ 


🔴ناڤ:

    زەینەب (دەیکا بەلەنگازان)((یا دووێ)) دگوتنێ دەیکا حەکەمی)


🔴 ناڤێ بابێ:

      جەحشێ کورێ ریئابی


🔴 ناڤێ دەیکێ:

     ئومەیمەیا کچا (عبدالمطلب)ی کو دبیتە مەتا پێغەمبەری (ﷺ)


🔴 جهــ و روژا ژدایکبوونێ:

     مەکەها پیرۆز سالا 30 بەری مشەختبوونێ


🔴 جهــ و روژا شویکرنێ:

     مەدینا منەوەر سالا 5 مشەختی


🔴مەهرا وێ :

     400 دەرهەم


🔴 دەمێ هەڤژینیێ:

     6 سال بوون


🔴ئەگەرێ ئینانا وێ:

     کچا مەتا وی بوو ، پێغەمبەری (ﷺ) ئەو مارەکر ب فەرمانا خودێ وەك داکوکی لسەر نەهێلانا ( نظام التبني) یا خودانکرنا بچویکان ، و زەلامێ وێ یێ بەرێ زەیدێ کورێ (حارثة)ی ئەو بەردا ، و پاشی پێغەمبەری (ﷺ) ئەو مارەکر و زەید دبوو کورێ پێغەمبەری ل دویڤ (نظام التبني) و ب ڤێ چەندێ پێغەمبەری (ﷺ) ئەڤ عەدەتە نەهێلا دناڤ موسلمانان دا.

 

🔴 جهــ و روژا لێ مری:

     مەدینا منەوەر سالا 20 مشەختی


🔴 زاروکێن وێ ژ پێغەمبەری(ﷺ): چ نەبوون


🔴زەلامێ وێ یێ بەری پێغەمبەری(ﷺ):

     زەیدێ کورێ (حارثة)ی  بو ئەوێ پێغەمبەری خودان کری ، پاشی ئەوی زەینەب بەردا و پێغەمبەری ب فەرمانا خودێ ئەو مارەکر ، ئەڤە ژبەر هندێ هاتە ئەنجام دان دا خودانکرنا بچویکان (نظام التبني) دناڤ موسلمانان دا نەمینت.


🔴 نیشانێن جوداکەر:

      پێغەمبەری (ﷺ) گوت هندی زەینەبە یا ( أواهة) یە ، گوتن ئەی پێغەمبەرێ خودێ رامانا (أواهة) چیە ؟ گوت یا ژ خودێ ترسە و خوەشکێنە ، ( وإن إبراهیم لحلیم أواە منیب ) سورة هود 75.


پێغەمبەری (ﷺ) گوتە ژنکێت خوە:( یا ژ هەوە هەمیان زویتر بگەهتە من دێ ئەو پتر بو فەقیران دەستێ خو درێژ کەت) ڤێجا زەینەب ئێکەم ژنك بوو ژ ژنکێت وی پشتی وی مری ، و ئەوێ ژ هەمیان پتر دەستێ خوە بو خێرێ درێژ دکر و دەستێ بەلەنگازان دگرت و ئەوێ باش کارێ گەمارکرنێ ( الدبغ) و مورککرنێ ( الخرز) دزانی ڤێجا دا شول کەت و دا بەرهەمێ شولێ خوە کەتە خێر و ئەوێ گەلەك جاران شانازی ب خوە دبر دگەل هەڤالێن خوە کو شویکرنا وێ ب فەرمانا خودێ بوو.



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا هەشتێ



🔴ناڤ:   جوەیریا


🔴 ناڤێ بابێ:    (الحارث)ێ کورێ ئەبی(ضرار)ی


🔴 ناڤێ دەیکێ: +++++


🔴 جهــ و روژا ژدایکبوونێ:

     سالا 16 بەری مشەختبوونێ


🔴 جهــ و روژا شویکرنێ:

   سالا 5 مشەختی پشتی هێرشبرنا ( بنی المصطلق)


🔴مەهرا وێ :

      400 دەرهەم


🔴 دەمێ هەڤژینیێ:

      6 سال بوون


🔴ئەگەرێ ئینانا وێ:

      ئەو کچا (الحارث)ێ جوهی بوو مەزنێ (بنی المصطلق)یان ، ل هێرشبرنا (بني المصطلق)یان دا ئێك ژ ئێخسیران بوو ، ڤێجا پێغەمبەری (ﷺ) ئەو ئازادکر ژبو هەلبژارتنا ئێك ژدووان ، یان دێ تشتەکێ کەتە قوربان ژ پێش خوەڤە دابهێتە ئازادکرن یان ژی دێ شوی ب پێغەمبەری کەت ئینا ئەوێ شویکرن هەلبژارت ، ڤێجا موسلمانان ئێخسیرێن خوە ئازادکرن ژبەر خزمانییا پێغەمبەری (ﷺ) دگەل وانان.

 

🔴 جهــ و روژا لێ مری:

      مەدینا منەوەر سالال 56 مشەختی


🔴 زاروکێن وێ ژ پێغەمبەری(ﷺ): چ نەبوون


🔴زەلامێ وێ یێ بەری پێغەمبەری(ﷺ):

      موسافعێ کورێ صەفوانی بوو


🔴 نیشانێن جوداکەر:

      هاتە ئێخسیرکرن دهێرشبرنا (بني المصطلق)یاندا و ببوو پشکەك ژوی تشتێ گەهشتیە (ثابت)ێ کورێ قەیسی بتنێ، ڤێجا پێغەمبەری (ﷺ) هندەك مال دا (ثابت)ی ژبو ئازادکرنا وێ و ئەو مارەکر ڤێجا خەلکی گوت ژبەر خزمانییا پێغەمبەری ئەڤان بهێلن و ئازاد بکەن ، عائیشا دبێژیت:( مە نەدیتیە ژنکەك خێرا وێ مەزنتر بیت ژ یا ڤێ ژنێ لسەر مللەتێ وێ) گەلەك یا روژیگر و عیبادەتکەر بوو.



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا نەهێ


🔴ناڤ:   صەفییا 


🔴 ناڤێ بابێ:  حەیێ کورێ (اخطب)ی


🔴 ناڤێ دەیکێ:

      بوڕەیا کچا سەمئوالی


🔴 جهــ و روژا ژدایکبوونێ:

      خەیبەر سالا  10 بەری مشەختبوونێ


🔴 جهــ و روژا شویکرنێ:

     ل دەمێ زڤرینا ژ خەیبەرێ سالا 7 مشەختی


🔴مەهرا وێ :

      مەهرا وێ ئازادکرنا وێ بوو چونکی ئەو ل روژا خەیبەرێ هاتە ئێخسیرکرن ڤێجا پێغەمبەری (ﷺ) ئەو ئازادکر و مارەکر


🔴 دەمێ هەڤژینیێ:

      4 سال بوون


🔴ئەگەرێ ئینانا وێ:

      ئەو کچا مەزنێ (بني النضیر)بوو و ئەو هاتبو ئێخسیرکرن ل روژا خەیبەرێ ، پێغەمبەری گوتێ دێ تە ئازاد کەم و دێ تە مارەکەم ئینا ئەو ب ڤێ چەندێ رازی بوو ، ڤێجا ئازاد کر و قەدرێ وێ گرت و مارەکر و مللەتێ وێ لسەر ئەردێ وان هێلا.

 

🔴 جهــ و روژا لێ مری:

      مەدینا منەوەر سالا 50 مشەختی



🔴 زاروکێن وێ ژ پێغەمبەری(ﷺ): چ نەبوون


🔴زەلامێ وێ یێ بەری پێغەمبەری(ﷺ): 

     سەلامێ کورێ میشکەمی بوو و پاشی کەنانەیێ کورێ رەبیعی بوو  و هەردوو ژی ژ هوزانڤانێن جوهییان بوون.


🔴 نیشانێن جوداکەر:

       یا راستگو و دلوڤان بوو ، بەرەڤانی ژ ئیمام (عثمان)ی کر ل دەمێ ئەو تەنگاڤی ب سەردا هاتی و هەر ئەوێ خوارن و ڤەخوارن بو (عثمان)ی دبر ل دەمێ هاتیە دورپێچکرن دمالێ دا . 


ئەوێ دگوت جارەکێ پێغەمبەر (ﷺ) هاتە دەف من و هندەك گوتن ژ عائیشایێ و حەفصایێ گەهشتبوونە من ، ئینا من ئەو گوتن بو پێغەمبەری (ﷺ) ڤەگێران ، پێغەمبەری (ﷺ) گوت ما تە نەگوتە وان هوین دێ چەوا ژمن چێتر بن ، زەلامێ من موحەممەدە ، و بابێ من هارونە ، و مامێ من موسایە.



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا دەهێ


🔴ناڤ:

     رەملە (دەیکا حوبەیبەی)


🔴 ناڤێ بابێ:

      ئەبی سوفیان صەخرێ کورێ حەربی 


🔴 ناڤێ دەیکێ:

      صەفییا کچا ئەبی لعاصی


🔴 جهــ و روژا ژدایکبوونێ:

      سالا 30 بەری مشەختبوونێ


🔴 جهــ و روژا شویکرنێ:

      مەدینا منەوەر سالا 7 مشەختی پشتی زڤرینا ژ خەیبەرێ


🔴مەهرا وێ :

      400 دینار نەجاشی دان


🔴 دەمێ هەڤژینیێ:

     4 ســـــال بوون


🔴ئەگەرێ ئینانا وێ:

      ئەو کچا مەزنێ مەکەهێ بوو ئەبی سوفیانێ کورێ حەربی ژ دژوارترین نەیارێن پێغەمبەری بوو ، ڤێجا پێغەمبەری (ﷺ) ئەو مارەکر پشتی مرنا زەلامێ وێ ل حەبەشە ، ئەوژی ژبو هندێ دا پتر نێزیکی و ڤیان دناڤبەرا پێغەمبەری و بابێ وێ دا پەیدا ببت  ، پاشی ئەڤ چەند چێ بوو لەوا دگوتن ئەو یێ مێرە و چ جارا دفنا وی نائێتە برین و دێ پتر سەربلند بت ژبەر موحەممەدی (ﷺ). 

 

🔴 جهــ و روژا لێ مری:

     مەدینا منەوەر 44 مشەختی


🔴 زاروکێن وێ ژ پێغەمبەری(ﷺ): چ نەبوون 


🔴زەلامێ وێ یێ بەری پێغەمبەری(ﷺ):

      عوبەیدوللاهێ کورێ جەحشی 


🔴 نیشانێن جوداکەر:

       چوبو حەبەشە دگەل زەلامێ خوە ، بەلێ زەلامێ وێ ل حەبەشە ببوو فەلە و هەر ل وێرێ مر ، ڤێجا پێغەمبەری (ﷺ) ئەو ژ نەجاشی مەلکێ حەبەشە خواست ، و نەجاشی مەهرا وێ دا ، ب راستی شویکرنا وێ یا ب بەرەکەت بوو.



## ــــــــــــــ  پێغەمبەری_ﷺ_بنـیاســە  ــــــــــــــ ##


🔴 هەڤژینا یازدێ


🔴ناڤ:

      مەیموونە ( ناڤێ وێ بورە بو ئینا پێغەمبەری (ﷺ) ناڤێ وێ کرە مەیموونە )


🔴 ناڤێ بابێ:

      (الحارث)ێ کورێ حەزنێ ئەلهیلالی


🔴 ناڤێ دەیکێ:

      هندا کچا عەوفی


🔴 جهــ و روژا ژدایکبوونێ:

      مەکەها پیرۆز سالا 18 بەری مشەختبوونێ


🔴 جهــ و روژا شویکرنێ:

     سەرف (نێزیکی مەکەهێ) پشتی (عمرة القضاء) ل سالا  7 مشەختی


🔴مەهرا وێ :

     400 دەرهەم ، (ئەلعەبباس)ێ مامێ پێغەمبەری دان


🔴 دەمێ هەڤژینیێ:

      5 سال بوون


🔴ئەگەرێ ئینانا وێ:

      مارەکر و ڤەگوهاست و وەلیمە بو دانا ل نێزیکی مەکەهێ ، و گازی هەمی قورەیشیان کر بو ڤێ وەلیمێ ، ڤێجا دلێن وان دگەل پێغەمبەری (ﷺ) نەرم بوون هەتا گوتن موحەممەدی خزمانییا مەکر.

 

🔴 جهــ و روژا لێ مری:

     مەکەها  51 مشەختی


🔴 زاروکێن وێ ژ پێغەمبەری(ﷺ): چ نەبوون


🔴زەلامێ وێ یێ بەری پێغەمبەری(ﷺ):

      یێ ئێکێ مەسعودێ کورێ عەمرێ کورێ عومەیرێ (الثقفي) بوو و ئەڤی مەیموونە بەردا و ژێکڤە بوون ، و یێ دووێ ئەبو رەهەمێ کورێ عەبدولعوزایێ ئەلعامری بوو و ئەڤە مربوو.


🔴 نیشانێن جوداکەر:

       پێغەمبەری (ﷺ) گوت:( ئەڤ خوشکە خودان باوەرن ، مەیموونا ژنکا پێغەمبەری (ﷺ) ، و خوشکا وێ ( أم الفضل) کچا (الحارث)ی و خوشکا وێ سەلما کچا (الحارث)ی کابانییا حەمزەیی و و ئەسمایا کچا عومەیسی کو دبتە خویشکا وان یا دەیکێ). عائیشا ددەرحەقا وێ دا دبێژیت :( بخودێ ئەو ژمە هەمییان ب تەقواتر بوو و ژمە هەمییان پتر سەرەدانا مروڤان دکر).




* ل هەیڤا (ذو القعدة) پێغەمبەری (ﷺ) و هەڤالێت خو قەستا مەککەهێ کر ژبو عومرێ ، ڤێجا موسلمان بو دەمێ سێ روژان ل مەککەهێ مان و دوان هەرسێ روژان دا قورەیشی ژ باژێری دەرکەفتبوون و مەکەهــ بو موسلمانان هێلان و دبێژنە ڤێ عومرێ (عمرة القضاء).



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 هەڤژینا دوازدێ



🔴ناڤ:    ماریا


🔴 ناڤێ بابێ:     شەمعـــــــوون


🔴 ناڤێ دەیکێ:++++++ 


🔴 جهــ و روژا ژدایکبوونێ:

      وەلاتێ مصرێ پارێزگەها (أسیوط)


🔴 جهــ و روژا شویکرنێ:

      مەدینا منەوەر سالا 7 مشەختی ( جاریە بوو)


🔴مەهرا وێ :

     دیاری بوو ژدەف موقەوقەسی


🔴 دەمێ هەڤژینیێ:

      4 سال بوون


🔴ئەگەرێ ئینانا وێ:

      ئەو ئێکەم جاریە بو پێغەمبەری (ﷺ) مارەکری و زاروك ژێ هەبوون ، و ئەڤەژی هندێ دگەهینت کو جارییێ مافێ ژیانا خوە هەیە و یا ب سەرڤەیە ، و موقەوقەسی مەلکێ مصرێ ئەو بو پێغەمبەری (ﷺ) کربوو دیاری ، و لسەر دەستێ (حاطب)ێ کورێ ئەبی بەلتەعەیی موسلمان ببوو.

 

🔴 جهــ و روژا لێ مری:

   مەدینا منەوەر سالا 16 مشەختی


🔴 زاروکێن وێ ژ پێغەمبەری(ﷺ):  

      ابراهیم بوو


🔴زەلامێ وێ یێ بەری پێغەمبەری(ﷺ): ++    ++


🔴 نیشانێن جوداکەر:

       پێغەمبەری(ﷺ) گوت:( هوین دێ باژێرێ مصرێ ڤەکن ئەو ئەردەکە دبێژنێ (قیراط) ئانکو (القبط) ڤێجا ئەگەر ئەو ئەردە هەوە ڤەکر چاکیێ دگەل خەلکێ وی ئەردی بکەن ، چونکی ئەو یێن لسەر بەختێ مە و مروڤانی یا دگەل مە هەی یان ژی گوت ئەو یێن لسەر بەختێ مە و خزمانی مە یا دگەل کری).



## ــــــــــــــ  پێغەمبەری_ﷺ_بنـیاســە  ــــــــــــــ ##



خشــتەیێ هەڤژیــنێت پێغەمبەری (ﷺ)







## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 زاروکێ ئێکێ



🔴 ناڤ:    زەینەب


🔴ناڤێ بابێ:

      موحەمەدێ کورێ عەبدوللاهی سلاڤێن خودێ لسەر بن


🔴ناڤێ دەیکێ:

      خەدیجا کچا خوەیلدی


🔴 جهــ و روژا ژدایكبوونێ:

      مەکەها پیرۆز سالا 23 بەری مشەختبوونێ


🔴 رەگەز:

     مێ


🔴جهــ و روژا شویکرنێ:

     مەکەها پیرۆز


🔴 ناڤێ زەلامێ وێ:

     ئەبولعاص کورێ رەبیعی (ئەو کورێ خالەتا وێ بوو هالەیا کچا خوەیلدی)


🔴 زاروکێن وێ:

      عەلی: ئەڤە هێشتا یێ بچویك مربوو.

ئومامە: ئەڤەژی عەلیێ کورێ (ئەبو طالب)ی مارەکربوو پشتی مرنا (فاطمة)ێ و پاشی پشتی عەلی شوی ب موغیرەیێ کورێ نەوفەلێ کورێ ( الحارث)ی کربوو و هەژیە بێژین ئومامەیێ چ دویندەهــ ل پشت خوە نەهێلاتبوو.


🔴 جهــ و روژا لێ مری:

      مەدینا منەوەر  8 مشەختی  و پێغەمبەر (ﷺ) چو بو دناڤ قەبرێ وێ دا بەری بهێتە ڤەشارتن.


🔴 ژیێ وێ:   31 سال بوون


🔴نیشانێن جوداکەر:

     ل دەمێ ئەو مشەخت بووی و موشرکا ئەو ئەزیەت دایی ،پێغەمبەری (ﷺ) ددەرحەقا وێ دا گوت:( ئەو ژ باشترین کچێت منە و سەرا من هاتە ئازاردان) پشتی شەرێ بەدرێ مشەخت ببوو پاشی زەلامێ وێ موسلمان دبت و جارەکا دی دگەهتێ ڤە ل  8مشەختی و پێغەمبەری (ﷺ) بو زەلامێ وێ زڤراندەڤە.



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 زاروکێ دووێ


🔴 ناڤ:   ئەلقاسم


🔴ناڤێ بابێ:

      موحەممەدێ کورێ عەبدوللاهی سلاڤێن خودێ لسەر بن


🔴ناڤێ دەیکێ:

      خەدیجا کچا خوەیلدی


🔴 جهــ و روژا ژدایكبوونێ:

      مەکەها پیرۆز


🔴 رەگەز:   نێـــــــر


🔴جهــ و روژا  لێ مری: 

      مەکەهــــــا پیرۆز (ب زاروکینی)


🔴 ژیێ وی:  کێمتر ژ سالەکێ



## ــــــــــــــ  پێغەمبەری_ﷺ_بنـیاســە  ــــــــــــــ ##


🔴 زاروکێ سیێ


🔴 ناڤ:   روقەییا


🔴ناڤێ بابێ: 

      موحەممەدێ کورێ عەبدوللاهی سلاڤێن خودێ لسەر بن


🔴ناڤێ دەیکێ:

        خەدیجا کچا خوەیلدی


🔴 جهــ و روژا ژدایكبوونێ: 

      مەکەها پیرۆز سالا 22 بەری مشەختبوونێ


🔴 رەگەز:   مــــێ


🔴جهــ و روژا شویکرنێ:

      مەکەها پیرۆز (دوو جاران)


🔴 ناڤێ زەلامێ وێ:

        عوتبەیێ کورێ ئەبی لەهەبی (ل سالا ڤەکرنا مەکەهێ موسلمان ببوو) پاشی (عثمان)ێ کورێ عەففانی و دگەل مشەخت ببوو حەبەشە.


🔴 زاروکێن وێ:

       ژ (عثمان)ی خودێ عەبدوللاهــ دابویێ (هێشتا زاروك مربوو)


🔴 جهــ و روژا لێ مری:

        مەدینا منەوەر سالا 2 مشەختی


🔴 ژیێ وێ:   24 سال بوون


🔴نیشانێن جوداکەر:

     پشتی مشەخت بویە حەبەشە پێغەمبەری (ﷺ) ددەرحەقا وێ دا گوت (خودێ دگەل وان بت (عثمان) ئێکەمین کەسە دگەل مالا خو مشەخت دبت پشتی (لوط) پێغەمبەری سلاڤ لێ بن.(ئەڤ فەرمودە یا لاوازە بەرێ خو بدە (السلسلة الضعیفة) یا ئیمامێ ئەلبانی ژمارە  3181  هەروەسا بەرێ خو بدە (ضعیف الجامع الصغیر) 1878)



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 زاروکێ چارێ


🔴 ناڤ:   ام کلثوم


🔴ناڤێ بابێ: 

       موحەممەدێ کورێ عەبدوللاهی خودێ ژێ رازی بیت


🔴ناڤێ دەیکێ:

       خەدیجا کچا خوەیلدی


🔴 جهــ و روژا ژدایكبوونێ: 

        مەکەها پیرۆز سالا 19 بەری مشەختبوونێ


🔴 رەگەز:  مێ


🔴جهــ و روژا شویکرنێ:

       دوو جاران: مەکەها پیرۆز ، پاشی مەدینا منەوەر سالا 3 مشەختی


🔴 ناڤێ زەلامێ وێ:

        عوتەیبەیێ کورێ ئەبی لەهەبی (ئەڤە لسەر کوفرێ مربوو) ، پاشی (عثمان)ێ کورێ عەففانی ئەو مارەکر پشتی مرنا روقەییایێ لەوا دگوتنێ خودانێ دوو روناهیان.


🔴 زاروکێن وێ:  چ نەبوون


🔴 جهــ و روژا لێ مری:

       مەدینا منەوەر سالا 9 مشەختی


🔴 ژیێ وێ:  28 سال بوون


🔴نیشانێن جوداکەر:

      پێغەمبەری(ﷺ) گوت:( خودایێ مەزن فەرمانا من یا کری ئەز هەردوو کچێن خوە ل (عثمان)ی مارە بکەم). ئەڤ فەرمودە یا لاوازە بەرێ خو بدە ضعیف الجامع الصغیر 1572



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 زاروکێ پێنجێ



🔴 ناڤ:   (فاطمة) ئەلزەهراء


🔴ناڤێ بابێ:

     موحەممەد کورێ عەبدوللاهی خودێ ژێ رازی بیت


🔴 ناڤێ دەیکێ:

       خەدیجا کچا خویلدی


🔴 جهــ و روژا ژدایکبوونێ:

       مەکەها پیرۆز سالا 18 بەری مشەختبوونێ


🔴 رەگەز: مێ


🔴 جهــ و روژا شویکرنێ:

      مەدینا منەوەر  سالا 2 مشەختی


🔴 ناڤێ زەلامێ وێ:

      عەلیێ کورێ ئەبو طالب


🔴 زاروکێن وێ:

       ئەلحەسەن ، ئەلحوسەین (هەردوو سەروەرێن جحێلێن بەهەشتێ) ، موحسن (هێشتا زاروك مربوو)، ام کلثوم ، زەینەب


🔴 جهــ و روژا لێ مری:

       مەدینا منەوەر 3 رەمەزانێ سالا 11 مشەختی


🔴 ژیێ وێ: 29 سال بوو


🔴 نیشانێن جوداکەر:

       پێغەمبەری سلاڤ لێ بن دگوت( فاطمة پارچەیەکە ژمن ڤێجا ئەو تشتێ ئەو ئەزیەتا خو ژێ دبینت ئەز ژی ئەزیەتا خو ژێ دبینم و ئەو تشتێ ئەو پێ ب خەم دکەڤت ئەز ژی پێ ب خەم دکەڤم )، و روژا ڤەگوهاستنا وێ پێغەمبەری سلاڤێن خودێ لسەر بن داخوازا هندەك ئاڤێ کر و پاشی دەستنڤێژا خوە پێ گرت و پاشی ئەو ئاڤە ب سەرێ فاطمة و عەلی دا کر و گوت:( یا خودێ تو خێر و بەرەکەتێ بێخیە دناڤ هەردووان دا و تو خێر و بەرەکەتێ ب سەر وان دا دارێژی و تو خێر و بەرەکەتێ بێخیە دتوڤێ وان دا (ئانکو عەیالێ وان) و پێغەمبەری سلاڤ لێ بن چ کور ل پشت خوە نەهێلاینە ژبلی زاروکێن وێ ، و عائیشایێ دگوت:( من نەدیتیە دئیسلامێ دا چێتر ژ (فاطمة)ێ بابێ وێ تێ نەبت ) و پێغەمبەر سلاڤ لێ بن دبێژیت:( سەروەرا ژنکانە دبەهەشتێ دا بتنێ مریەما کچا عیمرانی تێ نەبت).



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 زاروکێ شەشێ


🔴 ناڤ:    عەبدوللاهــ (بهێنخوەشێ پاقژ)


🔴ناڤێ بابێ:  موحەممەدێ کورێ عەبدوللاهــ سلاڤێن خودێ لێ بن


🔴 ناڤێ دەیکێ:  خەدیجا کچا خوەیلدی


🔴 جهــ و روژا ژدایکبوونێ:   مەکەها پیرۆز بەری پێغەمبەرینیێ


🔴 رەگەز:   نێر


🔴 جهــ و روژا لێ مری:  مەکەها پیرۆز بەری پێغەمبەرینیێ ( ب زاروکینی)


🔴ژیێ وی:   کێمتر ژ سالەکێ



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 زاروکێ حەفتێ



🔴 ناڤ:    ئیبراهیم


🔴ناڤێ بابێ:

     موحەممەدێ کورێ عەبدوللاهــ سلاڤێن خودێ لێ بن


🔴 ناڤێ دەیکێ:

      ماریا کچا شەمعوونی


🔴 ناڤێ داینێ (المرضعة):

        دەیکا سەیفی (ژنکا قەینێ ئاسنگەر)


🔴 رەگەز:   نێر


🔴 جهــ و روژا ژدایکبوونێ:

        مەدینا منەوەر ( ذي الحجة) سالا 8 مشەختی


🔴 جهــ و روژا لێ مری:

       مەدینا منەوەر  سالا 10 مشەختی (ب زاروکینی)


🔴ژیێ وی:    سێ سال بوون


🔴 نیشانێن جوداکەر:

       پێغەمبەر سلاڤێن خودێ لسەر بن گوت:( ئەڤ شەڤە زاروکەك یێ ژدایکبووی من ئەو یێ ب ناڤێ بابێ خوە ئیبراهیمی ناڤکری).



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 نەڤیێ ئێکێ


🔴 ناڤ: 

        ئەلحەسەن بابێ موحەممەدی


🔴ناڤێ بابێ:

       عەلی کورێ ئەبو طالب


🔴 ناڤێ دەیکێ:

       (فاطمة) کچا موحەممەدێ کورێ عەبدوللاهی سلاڤێن خودێ لسەر بن


🔴 جهــ و روژا ژدایکبوونێ: 

       مەدینا منەوەر 15 رەمەزانێ سالا 30مشەختی بەرامبەر   624 زاینی.


🔴 رەگەز:   نێر


🔴ناڤێ ژنکا وی:

     گەلەك ژن ئینابوون


🔴 زاروکێن وی:

       یازدەبوون: زەید ، ئەلحەسەن ، ئەلقاسم ، ئەبووبەکر ، عەبدوللاهــ ، عەمرو ، عەبدولرەحمان ، عومەر ، و هندەکێن دی


🔴 جهــ و روژا لێ مری:

       سالا 49 مشەختی بەرامبەر 669 زاینی ل باژێرێ مەدینێ ل بەقیعێ


🔴 نیشانێن وی:

       دێمێ وی سپیەکێ سور بوو ، چاڤێن وی درەش و مەزن بوون ، و رویێ وی یێ راست بوو و ریهێن وی دبور بوون


🔴نیشانێن جوداکەر:

       پێغەمبەری(ﷺ) گوت:( ئەو روحانێن منن ددونیایێ دا ـ ئەلحەسەن و ئەلحوسەین ــ و کورێ من ئەڤە ــ ئانکو ئەلحەسەن ــ سەییدە و بەلکی خودێ دوو دەستەکێن مەزن ب وی پێکبینت). هەر پێنچ ڤەدگوهێزن و دگەل ئیمام ئەحمەدی


عەلیێ کورێ ئەبو طالبی گوت ئەو مروڤێ ژهەمیان پتر ب پێغەمبەریڤە چووی دناڤبەرا سەری و ستویی دا ئەلحەسەنە. تەبەرانی ڤەدگوهێزت


هەروەسا ئەلحەسەنی بەیعە دابو خەلیفێ پێنجێ یێ سەرراست دمەها رەمەزانێ دا ل سالا 40 مشەختی بو دەمێ شەش هەیڤ و پێنچ روژان ، و هەروەسا ئەلحەسەنی خیلافەت تەسلیمی مەعاویە کورێ ئەبی سوفیانی کر ل سالا 41 مشەختی و ناڤێ ڤێ سالێ ببوو (عام الجماعة) ژبەرکو گوتنا موسلمانان هەمی بو ئێك دڤێ سالێ دا و جوبەیرێ کورێ نوفەیری گوتە ئەلحەسەنی: خەلك دبێژت تە خیلافەت دڤێت؟ ئەلحەسەنی گوت: کلوخێن(جماجم) شەرێ وی کەسی دکر یێ من شەرێ وی کربا و دەستێن خوە دکرنە د دەستێ ویدا یێ من دەستێ خوە کربا ددەستێ وی دا ، ڤێجا من ئەڤ چەندە هێلا ژبو کنارێ خودێ و دا خوینا ئوممەتا موحەممەدی (ﷺ) بەس بێتە رێتن. حاکم ڤەدگوهێزت



## ــــــــــــــ  پێغەمبەری_ﷺ_بنـیاســە  ــــــــــــــ ##



🔴 نەڤیێ دووێ


🔴 ناڤ:    ئەلحوسەین بابێ عەبدوللاهی


🔴ناڤێ بابێ:

      عەلی کورێ ئەبو طالب


🔴 ناڤێ دەیکێ:

       (فاطمة) کچا موحەممەدێ کورێ عەبدوللاهی سلاڤێن خودێ لسەر بن


🔴 جهــ و روژا ژدایکبوونێ: 

       5 شەعبانێ سالا 40مشەختی  بەرامبەر 625 زاینی


🔴 رەگەز:   نێر


🔴ناڤێ ژنکا وی:

      ئەلرەبابا کچا ئیمرەئولقەیسی


🔴 زاروکێن وی:

       عەلیێ مەزن ، عەلی زەینولعابدین ، عەلیێ بچویك ، ئەبووبەکر ، عومەر ، عەبدوللاهــ ، موحەممەد ، جەعفەر


🔴 جهــ و روژا لێ مری:

      کەربەلا نێزیکی کوفە 10 موحەرەمێ سالا 61 مشەختی بەرامبەر 625 زاینی


🔴 نیشانێن وی:

      یێ ناڤنجی بوو و ئەنیا وی یا پەحن بوو ، و ریهێت وی دبور بوون ، سینگێ وی یێ فرەهــ بوو ، ملێن وی دمەزن بوون ، هەستیێ وی یێ گر بوو ، چاڤ ڤەکری و مەرد بوو ، سەرێ وی نە یێ خەلەك بوو و نە یێ حولی بوو ، بەلکو یێ شەکری بوو ، دەنگێ وی یێ خوش بوو


🔴نیشانێن جوداکەر:

      ئەو گەلەك ب پێغەمبەری ڤە (ﷺ) چوبوو ، پێغەمبەری (ﷺ) دگوت:(حوسەین ژ منە و ئەز ژ حوسەینیمە) (ئەوی یا حەژ خودێ کری ئەوێ حەژ حوسەینی بکەت) ( حوسەین ئوممەتەکە ژ ئوممەتان بو خێرێ) . تورمزی ڤەدگوهێزت


(هەر کەسێ بڤێت بەرێ خو بدەتە زەلامەکێ ژ خەلکێ بەهەشتێ بلا بەرێ خو بدەتە حوسەینی) ئبن حەببان ڤەدگوهێزت




کومــێتــدان لسـه‌ر بابــه تـی

کومــێتــدان لسـه‌ر بابــه تـی