کەفارەتا سویندێ

حوکمێ ڤێ کەفارەتێ

واجبە ئانکو فەرزە دڤێت تو بدەی ئەگەر تو نەدەی تو یێ گونەهکاری.

ڤێ کەفارەتێ تو دشێی هەلبژێری دناڤبەرا (خوارنێ و جلکان و ئازاکرنا عەبدەکێ) بەلێ نابیت تو ئێکسەر گرتنا سێ روژان بهەلبژێری چونکی ئەگەر تە نەشیا تو خوارنێ بدەی یان جلکا بدەی یان کەسەکێ ئازا بکەی ، شنویکا تە ماف یێ هەی تو سێ روژییان بگری ، گرتنا روژییان دێ بو دویماهیکێ بیت.

ئاموژگاری بوتە دەمێ تو سویند بخوی

1. دەمێ تو سویند بخوی دسویندا خودا خودان سوز و پەیمان بە دگەل خودێ تعالا و سویندا خو نەشکێنە.

2. ئەگەر تە سویند خوار بو کارەکێ و پاشی تە تشتەك ژوی چێتر دیت سویندا خو بشکێنە و یا خێرتر بکە ، بو نموونە تە یا سویند خواری تو دگەل کەسەکێ نەئاخڤی ، سویندا خو بشکێنە و دگەل باخڤە چونکی ئاخفتن چێترە ژ ژێك سل بوونێ هەر وەکی دحەدیثێ دا هاتی.

3. دەمێ تو سویند دخوی دگەل سویندێ بێژە(إن شاء اللـــە) ئەڤ گوتنا (إن شاء اللـــــە) ئەگەر تە سویند خوار و پاشێ تە سویند بجهــ نەئینا تو کەفارەتێ نەدەی ، چونکی تە یا گوتی (إن شاء اللــــە) هەروەکی دحەدیثێ دا هاتی.

قال رسول اللە(ﷺ) من حلف علی یمین ، فقال: إن شاء اللە فقد استثنی، فلا حنث علیە). رواە ابن ماجە 2105

4. نابیت تو ب سەرێت مروڤا و پێغەمبەرا و شێخ و قەبرا و ب تەلاق و ب ئەمانەتی و گورا شەهیدا سویند بخوی دڤێت بەس ب خودێ بیت ، ئەگەر تە سویند خوار ب ڤان تشتان بزانە تو یێ گونەهکاری و کەفارەتا ڤێ سویندێ تەوبەیە و گوتنا (لا إلە إلا اللـــە)ە ، ئانکو دەمێ تە گوت ب سەرێ فلان کەسی دێ تەوبەکی و دێ بێژی(لا إلە إلا اللــــە).

5. دەمێ تو سویند بخوی تو چەندێ راستگو بی نەبێژە ئەز لسەر دینێ فەلا بم یان دینێ جوهیا بم یان هەر دینەکێ دی هەبت چونکی یێ ڤێ سویندێ بخوت ئەگەر راستگو بیت ئەو ب سلامەتی نازڤریتە دناڤ ئیسلامێ دا و ئەگەر درەوکەر بیت وەسانە وەکی وی سویند خواری ئەڤجا هشیاربە.