ل دویفچوونا سوننەتا پێغەمبەری(ﷺ)

 

ل دویفچوونا سوننەتا پێغەمبەری(ﷺ)

1. دوعایا وەسیلێ:  کورێ عەباسی خودێ ژ وی و بابێ وی رازی بیت دبێژیت پێغەمبەری سلاڤێت خودێ لسەر بن گوت: هوین بو من دوعایا وەسیلێ بکەن چونکی چ عەبد وێ دوعایێ ل دونیایێ بۆ من ناکەن ئیلا ئەز دێ بو وی بمە شاهد  یان شەفاعەتکەر ل روژا قیامەتێ.

2. گوهدانا پێغەمبەری سلاڤێت خودێ لسەر بن: عەوفێ کورێ مالکی خودێ ژێ رازی بیت دبێژیت پێغەمبەری سلاڤێت خودێ لسەر بن گوت هوین گوهداریا من بکەن هندی ئەز دناف هەوە دا بم و هوین خۆ ب قورئانێ ڤە بگرن  و هوین حەلالیا وێ حەلال بکەن و حەرامیا وێ حەرام بکەن. 

3.ماچیکرنا بەرێ رەش : عایسێ کورێ رەبیعەی خودێ ژێ رازی بیت دبێژیت من عومەرێ کورێ خەتابی دیت وی بەرێ رەش ماچی دکر و دگوت ئەز دزانم تو بەری و چ مفا و خرابی ژتە چێنابن ئەگەر من پێغەمبەر سلاڤێت خودێ لسەر بن نەدیتبا یێ تە ماچی دکەت من ژی تو ماچی نەدکری. 

4. دەرئێخستنا تشتەکێ نوی د ئیسلامێ دا: عائیشا خودێ ژێ رازی بیت دبێژیت پێغەمبەری سلاڤێت خودێ لسەر بن گوت ئەو مروڤێ تشتەکێ نوی یێ نەدروست ل دینێ مە زێدەبکەت کار ب ئەوی تشتی نائێتەکرن و ناچێبیت مروڤ ل دویف بچیت. بو نموونە بیدعە( فالک ،خواندنا فنجانکا، بورج....هتد). 

5. ل دویفچوونا تشتێن خەلەت: معاویە خودێ ژێ رازی بیت دبێژیت پێغەمبەری سلاڤێت خودێ لسەر بن گوت ئەو جوهی و فەلە ئەوێن بەری هەوە هاتین ژیک جودا بوون و بونە ٧٢ (جوین)فرقە و ئەف ئوممەتە ژی دێ ژێک جودا بیت و دێ بیتە ٧٣ فرقە و ژوان ٧٣ فرقا ٧٢ فرقە دێ چنە جەهنەمێ وئێک بتنێ دێ چیتە بەهەشتێ ئەوژی جەماعەتە (ل دویفچوونا درودتیا بتنێ) . 

6. پەیوەندیا تەوبێ ب بیدعێ ڤە: ئەنەسێ کورێ مالکی خودێ ژێ رازی بیت گوت پێغەمبەری سلاڤێت خودێ لسەر بن گوت خودێ تەوبە یا پەرژانکری ژ هەر خودان بیدعەکێ هەتا ئەو مروڤ بیدعا خۆ دهێلیت. 

7. شیرەتا پێغەمبەری سلاڤێت خودێ لسەر بن: عرباض کورێ ساریەی خودێ ژێ رازی بیت دبێژیت پێغەمبەری سلاڤێت خودێ لسەر بن گوت هوین دهشیاربن ژ تشتێن نوی یێن نەدرودت د ئیسلامێ دا چونکی ئەو تشت هەمی بیدعەنە.

8. ل دویف نەچوونا سوننەتا پێغەمبەری سلاڤێت خودێ لسەر بن: ئەنەس خودێ ژێ رازی بیت دبێژیت پێغەمبەری سلاڤێت خودێ لسەر بن گوت ئەو مروڤێ ل دویف سوننەتا من نەچیت و ب دژی براوەستیت ئەو مروڤ ژ من نینە ، بو نموونە وەکی وان هەرسێ گەنجێن هاتینە دەف پێغەمبەری سلاڤێت خودێ لسەر بن ،ئێکێ گوت ئەز ب شەڤێ هەمیێ شەڤنڤێژا دکەم و ئەز چ جارا نانڤم و یێ دووێ گوت ئەز دێ هەر مینمە بێ ژن و ئەز چ ژنا بو خو نائینم و یێ سیێ گوت ئەز هەمی روژا یێ ب روژیمە و چ روژا ئەز روژیا خو ناخوم ،پێغەمبەری سلاڤێت خودێ لسەر بن نەهیا وان کر ژ ڤێ چەندێ. 

9. ل دویفچوونا سوننەتا پێغەمبەری سلاڤێن خودێ لسەر بن: عرباض کورێ ساریەی خودێ ژێ رازی بیت دبێژیت من گوهــ ل پێغەمبەری سلاڤێت خودێ لسەر بن بوو دگوت من هوین یێت هێلاینە لسەر رێکەکا روون ،شەڤا وێ وەکی روژا وێ یە و ئەو رێک لبەر چ مروڤا بەرزە نابیت ئیلا مروڤەکێ سەرداچووی نەبیت . مروڤێت سەرداچووی چاڤێت خۆ کورە دکەن ژ سوننەتا پێغەمبەری  سلاڤێت خودێ لسەر بن یا پیرۆز. 

10. گوننەها سوننەتەکێ: کورێ مەسعودی خودێ ژێ رازی بیت دبێژیت پێغەمبەری سلاڤێت خودێ لسەر بن گوت نینە ژ هەر نەفسەکێ کو ئەو ب زوری بهێتە کوشتن ئیلا دێ هندەک ژوێ گوننەهێ گەهیتە ئێکەم کورێ ئادەمی (قابیل)ی چونکی ئەو ئێکەم مروڤ بوو کوشتن دەرێخستی. 

11. خێرا سوننەتەکێ: حوزەیفە خودێ ژێ رازی بیت دبێژیت پێغەمبەری سلاڤێت خودێ لسەر بن گوت ئەو مروڤێ سوننەتەکا باش دەربێخیت و خەلک ل دویف وێ سوننەتێ بچن دێ خێرا وێ سوننەتێ و خێرا وی خەلکی هەمیێ گەهتە وی و چ ژ خێرا وی خەلکی ژی کێم نابیت ،و ئەو مروڤێ سوننەتەکا خراپ دەربێخیت و خەلک ل دویف وێ سوننەتێ بچن دێ گونەها وێ سوننەتێ و گونەها وی خەلکی هەمیێ گەهتە وی و چ ژ گونەها وان ژی کێم نابیت.