جهێت سلاڤکرنا سەر پێغەمبەری (ﷺ)

 

جهێت سلاڤکرنا سەر پێغەمبەری (ﷺ)

1. د تەحیاتێدا: عبداللە کورێ عەباس و جابر دبێژن پێغەمبەری (ﷺ) تەحیات نیشامەددا کا چەوا قوارئان نیشا مە ددا و هەروەسا ئەبو بەکر و عومەری ژی پشتی  پێغەمبەری (ﷺ) وەدکر و نیشا مە ددا کا چەوا سلاڤان بدەینە سەر پێغەمبەری (ﷺ) پشتی تەحیاتێ. 

2. ددوعا قنوتێ دا یا باش ئەوە مروڤ سلاڤا بدەتە سەر پێغەمبەری (ﷺ).. حەسەنێ نەڤیێ پێغەمبەری (ﷺ) دبێژیت پێغەمبەری (ﷺ)هندەک ئاخفتن دویترێدا کو دویماهیک سوننەتە ئەز ب شەڤێ دکەم نیشا من ددا و دگوت ڤێ دوعایێ بێژە (اللهم اهدني فيمن هديت و عافني فيمن عافيت و تولني فيمن توليت وبارك لي فيما اعطيت وقني شر ما قضيت فإنك تقضي ولا يقضى عليك إنه لا يذل من واليت تباركت ربنا و تعاليت ....) و ل دویماهیێ دگوت وصلى الله على النبي، هەروەسا عبداللە کورێ حارث بەحسێ معاذێ کورێ جەبەلی دکەت و دبێژیت هەر گاڤەکا نڤێژ کربا و ببا ئیمام ...ددوعا قنوتێ دا ل دویماهیا وێ گەلەک سلاڤ ددانە سەر پێغەمبەری (ﷺ). 

3. دنڤێژا سەر مری دا یا باشە مروڤ سلاڤان بدەتە سەر پێغەمبەری (ﷺ). 

4. روژا ئەینیێ.. هندەک ئیمام دبێژن خوتبە نەیا دروستە ئەگەر خوتبەخوین سلاڤا نەدەتە سەر پێغەمبەری (ﷺ)، عەونێ کورێ ئەبو جوحەیفەی دبێژیت بابێ من ئێک بو ژ زێرەڤانێت ئیمام عەلی و بابێ من دگوت دەمێ ئیمام عەلی خوتبە دخواند دا چیتە سەر مینبەرێ و ل دەستپێکێ دابێژیت (الحمدلله و الصلاة و السلام على رسول الله) و دا ژنوی خوتبێ خوینیت. 

5. پشتی بانگی و دەمێ قامەت دئێتە گرتن هەروەکی پێغەمبەر (ﷺ) دبێژیت دەمێ هەوە گوهـ لێ بو بانگ دا ئەو چ دبێژیت هوین ژی وێ بێژن و ل دویماهیکێ سلاڤان بدەنە سەر من چونکی یێ سلاڤەکێ بدەتە سەر من خودایێ مەزن دێ دەهـ سلاڤان دەتە سەر وی و پشتی هینگێ دێ دوعا وەسیلەیێ بو پێغەمبەری (ﷺ) کەی. 

6. بەری مروڤ دوعا بکەت یا باشە مروڤ سلاڤان بدەتە سەر پێغەمبەری (ﷺ) و بێژیت (الحمدلله و الصلاة و السلام على رسول الله) و پاشی دەست ب دوعا بکەت ..و هندەک زانایێن دی دبێژن دێ جارەکێ ل دەستپێکێ سلاڤان دەیە سەر پێغەمبەری (ﷺ)چونکی تو ل دەستپێکێ یێ بو خو دوعا دکەی و یا دی بو پێغەمبەری (ﷺ) و ئەو دوعایا سلاڤا پێغەمبەری (ﷺ) لسەر بیت یا ب بهایە ل دەف خودێ و هەروەسا ل نیڤەکا دوعایان ژی یا باشە مروڤ سلاڤان بدەتە سەر پێغەمبەری (ﷺ) و ل دویماهیا دوعایان ژی ..و هندەک زانایێن دی دبێژن بەس ل دەستپێکا دوعایا و دویماهیکا وان یا باشە مروڤ سلاڤا بدەتە سەر  پێغەمبەری (ﷺ). 

7. دەمێ مروڤ دچیتە مزگەفتێ و دەمێ ژ مزگەفتێ دزڤریت یاباشە مروڤ سلاڤا بدەتە سەر پێغەمبەری (ﷺ) و بێژیت (بسم اللە توکلت علی اللە الحمدلله و الصلاة على رسول الله) 

8. ل رێ و رەسمێت حەجێ ل سەفا ومەروایێ یاباشە وسوننەتە حەجی سلاڤان بدەنە سەر پێغەمبەری (ﷺ) ..عبداللە کورێ عومەری ل سەفایێ ب دەنگەکێ بلند دا تەکبیرا دەت : (الله اكبر الله اكبر لا إله إلا الله وحده لا شريك له، له الملك و له الحمد وهو على كل شيء قدير )و دا سێ جارا بێژیت و پشتی هینگێ دا سلاڤان دەرە سەر پێغەمبەری (ﷺ)و دا مینیتە راوەستیایی و دا دوعا کەت. 

9. دەمێ موسلمان کوم دبن بلا ل مالەکێ ژی بیت ب میڤانداری .. پێغەمبەر (ﷺ) دبێژیت نینە هندەک کەس ل جهەکێ کوم ببن و پشتی هینگێ ژێکڤە بن و زکرێ خودێ ل وی جهی نەئێتەکرن و سلاڤا نەدەنە سەر پێغەمبەری (ﷺ) ئیلا ئەو روژا قیامەتێ دێ پەشیمان بن ژوێ کومبونێ. 

10. دەمێ مروڤی گوهــ ل ناڤێ وی دبیت فەرزە سلاڤان بدەتە سەر هەروەکی جبرائیل سلاڤ لێ بن جارەکێ هاتیە دەف  پێغەمبەری (ﷺ) و گوتیێ ئەز دێ سێ نفرینان ل سێ کەسان کەم تو بێژە ئامین ..ئێک ژوان سێ کەسان ئەوبوو جبرائیلی گوت لەعنەت ل وی کەسی بن یێ دەمێ ناڤێ تە دئێتە گوتن و سلاڤان نەدەتە سەر تە .. پێغەمبەری (ﷺ) گوت ،ئامین. 

11. دەمێ حەجێ پشتی دبێژن (لبیک اللهم لبیک ،لبیک لا شریک لک لبیک إن الحمد و النعمة لك و الملك لا شريك لك) مروڤ سلاڤان بدەتە سەر پێغەمبەری (ﷺ). 

12. دەمێ مروڤ بەرێ حەجێ ماچ دکەت مروڤ سلاڤان بدەتە سەر پێغەمبەری (ﷺ). 

13. دەمێ مروڤ دچیتە مال و ژمال دەردکەڤیت و دەمێ دچیتە سویکێ و دزڤریت و دەمێ دچیتە سەر زیارەتان و دزڤریتەڤە و هەر تشتەکێ ب ڤی رەنگی. 

14. دەمێ مروڤ رادبیتە شەڤ نڤێژان(قیام اللیل) سلاڤان بدەتە سەر پێغەمبەری (ﷺ) هەروەکی عبداللە کورێ مسعودی دبێژیت خودایێ مەزن کەیف ب دوو لەسان دئێت ..یێ ئێکێ ئەوێ لبەر سینگێ دوژمنی و هەڤالێت وی درەڤن و ئەو نەرەڤیت و شەرێ خو بکەت و بمینیتە ساخ و خودێ کەیف بڤی کەسی دئێت ،و کەسێ دی ئەوە یێ ل نیڤا شەڤێ رادبیت و کەس پێ نەحەسیێت و دەستنڤێژا خو دشوت و دبێژیت (الحمدلله و الصلاة و السلام على رسول الله) و قورئانێ دخوینیت و نڤێژان دکەت و سلاڤان ددەتە سەر پێغەمبەری (ﷺ) ..خودێ کەیف ب ڤی کەسی ژی دئێت.

15. پشتی مروڤ ختما خو یا قورئانێ ب دویماهیک دئینیت مروڤ دوعا بکەت ..ژوان دوعایان سلاڤ بن لسەر پێغەمبەری (ﷺ).. هەروەکی بەحسێ ئەنەسێ کورێ مالکی دکەن و دبێژن هەر گاڤەکا وی قورئان بدویماهیک ئینابا دا بنەمالا خو هەمیێ کوم کەت وئایەتێن دویماهیێ دا ل دەف هەمیان خوینیت و دەمێ خلاس کربا دا بێژیت ئەم دێ دوعا کەین و دا دوعا کەت و گەلەک سلاڤ ددانە سەر پێغەمبەری (ﷺ). 

16. دیسا روژا ئەینیێ، هەروەکی پێغەمبەر (ﷺ) دبێژیت روژا ئەینیێ گەلەک سلاڤان بدەنە سەر من چونکی سلاڤێت هەوە دگەهنە من و هەر کەسەکێ پتر سلاڤان بدەتە سەر من دێ ل مەیدانا مەحشەرێ گەلەک نێزیکی من بیت و ل بەهەشتێ دێ گەلەک نێزیکی من بیت. 

17. دەمێ مروڤ ژ کومبونەکێ رادبیت مروڤ سلاڤان بدەتە سەر پێغەمبەری (ﷺ) و بێژیت (وصل اللهم على النبي الأمي وعلى آله و صحبه وسلم) و پاشی کومبون بدویماهیک بێت. 

18. دیسان دەمێ مروڤ دبەر مزگەفتان را دچیت یان ژی دەمێ مزگەفتەکێ دبینیت .. بەحسێ ئیمام عەلی دکەن و دبێژن دگوتە موسلمانان دەمێ هوین دبەر مزگەفتەکێرا چوون بێژن (سلاڤێت خودێ لسەر بن)٠ 

19. دەمێ ئاریشەک بو مروڤی چێ دبیت یان ژی ل دەمێ مروڤی گونەهەک کربیت و مروڤی بڤێت گونەهێت وی ژێ بچن دێ سلاڤان دەتە سەر پێغەمبەری (ﷺ). 

20. دەمێ روژ دهەلیێت یان ژی ل دەمێ ئاڤا دبیت مروڤ سلاڤان بدەتە سەر پێغەمبەری (ﷺ). 

21. دەمێ ناڤێ پێغەمبەری (ﷺ) دئێتە نڤێسین هەروەکی پێغەمبەر (ﷺ)دبێژیت: ئەو کەسێ ناڤێ من بنڤێسیت و پشتی هینگێ بنڤێسیت(صلى الله عليه وسلم)مەلائیکەت بەردەوام دوعا بو دکەن و داخوازا گونەهـ ژێبرنێ بو دکەن هندی ئەو نڤیسان لسەر وی پەری بیت. ئەحمەدێ کورێ حەنبەلی گەلەک فەرمودێت پێغەمبەری (ﷺ) نڤێسیبوون و ب رەخڤە چێکربوو (صلى الله عليه وسلم)و پشتی مری هندەکان دخەونێ دا دیت گوتێ تە چ دیت یا ئەحمەد ..ئەحمەدێ کورێ حەنبەلی گوت خوزی هەوە دیتبایە خێر و بێرێت وان سلاڤا ن ژیانا من هەمی یا کریە روناهی و خوشی. 

22. دەمێ مروڤ وانەیەکێ بو ئێکێ بێژیت یان ژی هەر تشتەکێ نیشا ئێکێ بدەت .چ نیشادان بیت بێژیت (الحمدلله و الصلاة و السلام على رسول الله). 

23. دەمێ فەقیری ب سەر مروڤی دا دئێت یان ترسەک یان مروڤ پێتڤی تشتەکێ ببیت بێژیت (صلى الله عليه وسلم). 

24. دەمێ مروڤ بازارەکێ دکەت یان ژنەکێ مار دکەت یان مروڤ ژ جهەکێ بچیت بێژیت (صلى الله عليه وسلم). 

25. دەمێ مروڤ دبێهنژیت بێژیت (الحمدلله و الصلاة و السلام على رسول الله)..جارەکێ ئێک لدەف عبداللە کورێ عومەری بێهنژی ،بەس گوت (الحمدللە) عبداللە گوتێ نەبەس بێژە(الحمدللە) یێ قەلس و چرویک نەبە ..بێژە (الحمدلله و الصلاة و السلام على رسول الله). 

26.  هەروەسا پشتی مروڤ دەستنڤێژێ دشوت بێژیت (صلى الله عليه وسلم). 

27. دەمێ مروڤ تشتەکێ ژبیر دکەت چ خواندنەک بیت یان هەر تشتەکێ دی بیت بێژیت (صلى الله عليه وسلم) ئەو تشت ب ئانەهیا خودێ دێ ئێتە بیرا وی. 

28. هەروەسا دەمێ مروڤ گەلەک پێتڤی تشتەکێ بیت و بڤێت ب دەستڤە بێت ،بێژیت (صلى الله عليه وسلم). 

29. زانا دبێژن دەمێ مروڤ قوربانەکێ ڤەدکوژیت پشتی(بسم اللە) مروڤ سلاڤان بدەتە سەر پێغەمبەری (ﷺ). 

30. ئەگەر مروڤی بڤێت سەدەقەکێ بدەت و چ ددەستدا نەبیت سەدەقەیە بێژیت (صلى الله عليه وسلم).