خوزیکێت... بدەڤێ پێغەمبەری (ﷺ)

 




خوزیکێت... بدەڤێ پێغەمبەری (ﷺ)


1. کرنا باشیا و نەهێلانا کرنا خرابیا: پێغەمبەر سلاڤێت خودێ لسەر بن دبێژیت ئەڤ خێرە خزینەنە و وان خزینا کلیل ییت هەین ڤێجا خوزیکێت وی کەسێ خودێ تعالا وی بکەتە کلیلکا خێرێ و قفلا خرابیێ و وەیل بو وی مروڤی بیت ئەوێ خودێ وی بکەتە کلیلکا خرابیێ و قفلا خێرێ. تێبینی: رامانا پەیڤا وەیل ئانکو خوسارەتیە یان هیلاکە یان نهالەکا جەهنەمێ یە.



2. ئیسلامەتی و کێم حال و قەناعەت: پێغەمبەر سلاڤێت خودێ لسەر بن دبێژیت خوزیکێت وی مروڤێ موسلمان ئەوێ حالێ وی یێ کێم بیت و وی قەناعەت هەبیت.



3. کرنا گەلەک استغفارا : پێغەمبەر سلاڤێت خودێ لسەر بن دبێژیت خوزیکێت وی کەسی ئەوێ دپەرتوکا خو یا قیامەتێ دا گەلەک استغفارا ببینیت (گەلەک گوتبن) . گرنگترین جورێن استغفارا: * اسغفر الله ، استغفرالله، استغفرالله. *استغفر الله الذي لا إله الا هو الحي القيوم و أتوب.  إليه. * استغفر الله الذي يغفر الذنوب جميعا. * استغفر الله العظيم من كل ذنب عظيم. * الَّلهُمَّ أَنْتَ رَبِّي لا إِلَهَ إلاَّ أَنْتَ خَلَقْتَنْي وَ أَنَا عَبْدُكَ وَ أَنَا عَلَى عَهْدِكَ وَ وَعْدِكَ مَا اسْتَطَعْتُ أَعُوذُ بِكَ مِن شَرِّ مَا صَنَعْتُ أَبُؤُ لَكَ بِنِعْمَتِكَ عَلَيَّ وَ أَبُؤُ بِذنْبِي فَاغْفِرْ لِي فَإِنَّهُ لا يَغْفِرُ الْذُّنُوبَ إِلاَّ أَنْتَ . (سيد الإستغفار) 



4. ئەزمانگرتنا ژ خەلەتیا و نەگەریانێن زێدە و گریان سەرا خەلەتیا: پێغەمبەر سلاڤێت خودێ لسەر بن دبێژیت خوزیکێت وی کەسی ئەوێ ئەزمانێ خو ژ گونەهــ و خەلەتیا بگریت و گەلەک نەگەریێت ژ قەستا و ئەو ژبەر گونەهێت خو بکەتە گری. 



5. گرێدانا ب ئاینی ڤە: پێغەمبەر سلاڤێت خودێ لسەر بن دبێژیت خوزیکێت مروڤێن غەریب صحابیان گوتێ کیش مروڤ دغەریبن ئەی پێغەمبەرێ خودێ؟ پێغەمبەری سلاڤێت خودێ لسەر بن گوت ئەو هندەک مروڤێن باشن و ئەو دکێمن و خرابی گەلەک یا ل دەف خەلکی هەی ،و ئەو کەسێن گوهێ خو نەدەنە ڤان مروڤێن باش پترن ژ وان کەسێن گوهێ خو ددەنێ.




کومــێتــدان لسـه‌ر بابــه تـی

کومــێتــدان لسـه‌ر بابــه تـی