چــل کارێــن بـاش بـو چـونـا بـەهـەشـتـێ

چــل کارێــن بـاش بـو چـونـا بـەهـەشـتـێ

پێشەکی

بسم اللە الرحمن الرحیم

الحمدللە وحدە والصلاة و السلام علی من لا نبي بعدە .. وبعد:

برایێ موسلمان مەزنترین دەلیل ژبو دلوڤانیا خودێ دگەل عەبدێن وی فەرمانا وان یا کری کو عەبدینییا وی بکەن ل دویڤ هندەك عیبادەتان کو هەمی بشێن ئەنجام بدەن و ئەڤ عیبادەتە هند ب ساناهی نە کو چ زەحمەت یان دەمەکێ درێژ پێ نەڤێت ژبو بجهئینانا وان هەروەکو خودایێ مەزن دقورئانا خو یا پیرۆز دا دبێژیت:( لا یکلف اللە نفسا إلا وسعها ــ خودێ کەسەکێ ژبارێ وی زێدەتر لێ ناکەت) ، ڤێجا هەر کەسەکێ بڤێت خێرێن مەزن ب دەست خوڤە بینت بلا ڤان عیبادەتان ژ دەستێن خو نەکەت و هەروەسا موسلمانێ لاواز ئەگەر بڤێت پلێن بلند ب دەست خوڤە بینت ل روژا قیامەتێ بلا ڤان عیبادەتان ژ دەستێن خو نەکەت .

برایێ من ئەز بو خودێ گەلەك حەش تە دکەم و ژبەر ڤێ حەژێکرنێ من بو برایێ خو چەند عیبادەتێن ب ساناهی یێن وەرگێراین دا بو برایێ من ببیتە پشتەڤان ل روژەکا وەسا کو دایك و باب بو مروڤی نابنە پشتەڤان.

ل دویماهیکێ ئەز دوعا ژ خودێ دکەم کو ئیخلاسێ ب رسقێ مە بکەت دگوتن و کریارێن مە دا و مە بکەتە دەرگەهێ خێرێ بو خەلکەکێ... آمــــــــــین

وصلی اللە وسلم وبارك علی نبینا محمد و علی آلە وصحبە أجمعین....

1. جابرێ کورێ عبداللە خودێ ژ وی و بابێ وی رازی بیت گوت: زەلامەك هاتە دەف پێغەمبەری (ﷺ) گوتێ: یا پێغەمبەرێ خودێ ئەو چ هەردوو سالوخەتن مروڤ پێ دچیتە بەهەشتێ یان ئاگری ، پێغەمبەری  (ﷺ) گوت هەر کەسەکێ بمریت و چ هەڤپشکا بو خودێ چێ نەکەت دێ چیتە بەهەشتێ و هەر کەسێ بمریت و هەڤپشکا بو خودێ چێ کەت دێ چیتە ئاگری. رواە مسلم

2. پێغەمبەر  (ﷺ) دبێژیت ئەو کەسێ بێژیت: (اشهد أن لا إلە إلا اللە وحدە لا شریك لە وأن محمدا عبدە ورسولە وأن عیسی عبد اللە وابن أمتە وکلمتە ألقاها إلی مریم وروح منە وأن الجنة حق وأن النار حق)  خودێ دێ وی بەتە بەهەشتێ ب هەر دەرگەهەکێ وی بڤێت ژهەر هەشت دەرگەهێن بەهەشتێ. متفق علیە

3. بابێ ئەیوبی خودێ ژێ رازی بیت گوت زەلامەك هاتە دەڤ پێغەمبەری  (ﷺ) گوتە پێغەمبەری  (ﷺ) بەرێ من بدە کارەکێ من نێزیکی بەهەشتێ بکەت و من ژ ئاگری دویر بکەت ، پێغەمبەری  (ﷺ) گوتێ عیبادەتێ خودێ بتنێ بکە و چ هەڤپشکا بو چێ نەکە و نڤێژا بکە و زەکاتا مالێ خو بدە ، و سەرەدانا مروڤێت خو بکە ، بابێ ئەیوبی گوت دەمێ ئەڤ زەلامە ژ دەڤ پێغەمبەری  (ﷺ) چووی پێغەمبەری  (ﷺ) گوت : ئەگەر ئەو تشتێ من فەرمانا وی پێکری بجهبینیت دێ چیتە بەهەشتێ. رواە مسلم

4. بابێ ئومامەی خودێ ژێ رازی بیت گوت پێغەمبەری  (ﷺ) گوت ئەو کەسێ ئایەتا کورسی (اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَهُ مَا فِي السَّمَاوَاتِ وَمَا فِي الْأَرْضِ ۗ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ) سورة البقرة 255  ، بخوینیت ل پشتی هەر نڤێژەکا فەرز ، نینە ئاستەنگ دناڤبەرا وی و بەهەشتێ دا ژبلی مرنێ ، ئانکو ئەگەر مرن سەردا هات ئێکسەر دێ چیتە بەهەشتێ. اخرجە النسائي وصححە الألباني في صحیح الجامع رقم 6464

5. ئەنەس خودێ ژێ رازی بیت گوت پێغەمبەری  (ﷺ) گوت ئێك ژ سورەتێن قورئانا پیرۆز ژ سیهــ ئایەتان پێك دهێت ، بەرەڤانی ژ خودانێ خو کر هەتا برە بەهەشتێ و ئەوژی سورتا تەبارەکە (الملك). رواە الطبراني وحسنە الألباني في صحیح الجامع رقم  3644

6. جابرێ کورێ عبداللە خودێ ژوی و بابێ وی رازی بیت گوت: پێغەمبەری  (ﷺ) گوت قورئان بەرەڤانەکێ بەرەڤانیا وی قەبولکرییە ، و شاهدەکێ راستگویە ، و ئەو کەسێ قورئانێ بکەتە ئیمام بو خو ئانکو ل دویف فەرمانێت قورئانێ بچیت و کاری پێ بکەت دێ وی بەتە بەهەشتێ و ئەو کەسێ قورئانێ ل پاش خو بهێلیت دێ وی بەتە ئاگری . اخرجە ابن حبان و والطبراني والبیهقي وصححە الألباني في صحیح الجامع رقم  4443

7. بابێ هورەیرە خودێ ژێ رازی بیت گوت پێغەمبەری (ﷺ) گوت: ئەگەر کورێ ئادەمی قورئان خواند و گەهشتە ئایەتا سوجدێ و چو سوجدێ ، شەیتان دێ خو ڤەدەرکەت و کەتە گری ، وبێژیت وەیل(مرن یان ژی هندەك دبێژن نهالەکە ژ نهالێت جەهنەمێ) بو من بیت ، کورێ ئادەمی فەرمانا وی هاتە کرن بو سوجدێ و چو سوجدێ بەهەشت بو وی یە و فەرمان ل من هاتە کرن بو سوجدێ و ئەز نەچوومە سوجدێ ئاگر بو منە. رواە مسلم

8. عوقبە کورێ عامری خودێ ژێ رازی بیت گوت: پێغەمبەری  (ﷺ) گوت هەر موسلمانەك ژهەوە دەستنڤێژێ بگریت ب دروست و تەمامی و پشتی هینگێ بێژیت:(أشهد أن لا إلە إلا اللە وحدە لا شریك لە ، وأن محمدا عبدە ورسولە). دێ هەر هەشت دەرگەهێن بەهەشتێ بو وی ڤەبن و دێ دوی دەرگەهێ بەهەشتێرا چیت یێ وی بڤێت. رواە مسلم

9. شەداد کورێ ئەوسی خودێ ژێ رازی بیت گوت: پێغەمبەری  (ﷺ) گوت: سالارێ هەمی استغفارا ئەوە عەبد بێژیت(اللهم انت ربي لا إلە إلا أنت خلقتني ، وأنا عبدك ، وأنا علی عهدك ووعدك ما استطعت ، أعوذ بك من شر ما صنعت ، أبوء لك بنعمتك علي، وأبوء بذنبي فاغفر لي فإنە لا یغفر الذنوب إلا أنت ) ئەو کەسێ سپێدێ بێژیت و باوەری پێ هەبیت و دوێ روژێ دا بمریت بەری شەڤ ب سەردا بهێت ئەو ژ خەلکێ بەهەشتێ یە ، و هەروەسا ئەو کەسێ ب شەڤێ بێژیت و باوەری پێ هەبیت و دوێ شەڤێ دا بمریت بەری سپێدە ب سەردا بهێت ئەو ژ خەلکێ بەهەشتێ یە. رواە البخاري

10. عبداللە کورێ عەمری خودێ ژوی و بابێ وی رازی بیت گوت پێغەمبەری  (ﷺ) گوت: دوو سالوخەت یێت هەین نینە موسلمانەك پارێزگرتنێ لسەر بکەت ئیلا دێ چیتە بەهەشتێ ، و ئەو ب ساناهینە و کارپێکرن ب وانا پیچەکە ، پشتی هەر نڤێژەکێ دێ دەهــ تەسبیحاتان دەت (سبحان اللە) و دەهــ جارا حمدێ دەت (الحمدللە) و دەهــ جاران تەکبیران دەت (اللە أکبر) کومکەرێ وان پشتی هەمی نڤێژا دبیتە( 150) جار ب ئەزمانی و (1500) جارا دتەرازیێدا ، و دێ سیهــ و چوار جاران تەکبیران  (اللە أکبر) دەت دەمێ دهێتە سەر جهێ خو یێ نڤستنێ و دگەل سیهــ و سێ تەحمیدان(الحمدللە) و سیهــ و سێ تەسبیحان(سبحان اللە) کو کومکەرێ وان دبیتە (100)جار ب ئەزمانی و (1000) جاران دتەرازیێدا ، پشتی هینگێ عبداللەی گوت من پێغەمبەر (ﷺ) دیت ئەڤ زکرە دگوت و ب دەستێن خو دهژمارتن ،هندەکا گوتە پێغەمبەری (ﷺ) چاوا ب ساناهینە و کارپێکرن ب وانا پیچەکە ،پێغەمبەری  (ﷺ) گوت ئێك ژ هەوە دهێتە سەر جهێ خو یێ نڤستنێ شەیتان دێ رابیت خەوا وی ئینیت بەس دا ئەو مروڤ ڤی زکرێ هند بخێر نەبێژیت ،یان ئێك ژهەوە نڤێژا خو کر شەیتان دێ رابیت شولەکێ ئینیتە بیرا وی دا بەس ڤی زکری ژبیرا وی ببەت و نەبێژیت. أخرجە ابو داود و النسائي و الترمذي و صححە الألباني في صحیح الجامع رقم 3230

11. پێغەمبەر (ﷺ) دبێژیت ئەو کەسێ بچیتە دناڤ بازاریدا ( سویکێ دا ) و بێژیت (لا إلهَ إلاّ اللّهُ وحْـدَهُ لا شريكَ لهُ، لهُ المُلكُ ولهُ الحَمْد، يُحيـي وَيُمـيتُ  وهو حي لا یموت بیدە الخیر  وَهُوَ عَلَى كُلُّ شَيْءِ قَدِيرِ) دێ خودێ بو وی هزار هزار خێرا نڤێسیت و دێ هزار هزار گونەهان بو وی ژێ بەت و دێ خانیەکێ بو وی ل بەهەشتێ ئاڤاکەت . (هزار هزار ئانکو ملیون) .  اخرجە الترمذي و النسائي و ابو داود و حسنە الألباني في صحیح الجامع رقم 6231

12. بابێ هورەیرە خودێ ژێ رازی بیت گوت پێغەمبەری   (ﷺ) گوت ئەو کەسێ رێکەکێ بگریت داخوازا زانینێ پێ بکەت ، خودێ ژی دێ بو وی ب وێ رێکێ ، رێکەکێ ساناهی کەت بو بەهەشتێ. أخرجە مسلم

13 .عومەرێ کورێ خەتابی خودێ ژێ رازی بیت گوت پێغەمبەری  (ﷺ) گوت هەر کەسەکێ باش دەستنڤێژێ بگریت و پشتی هینگێ بێژیت( أشهد أن لا إلە إلا اللە وحدە لا شریك لە ، وأن محمدا عبدە ورسولە ، اللهم اجعلني من التوابین واجعلني من المتطهرین) دێ هەشت دەرگەهێن بەهەشتێ بو وی ڤەبن ، و دێ دوی دەرگەهێ بەهەشتێرا چیت یێ وی بڤێت. أخرجە مسلم و الترمذي واللفظ لە

14. عبداللە کورێ عومەری خودێ ژ وی و بابێ وی رازی بیت گوت پێغەمبەری (ﷺ) گوت ئەو کەسێ دوازدە سالان بانگی بدەت بەهەشت دێ بو وی بیتە ئەرك ، و هەر روژ پێش بانگەکێڤە دێ شێست خێر بو وی هێنە نڤێسین و پێش هەر قامەتەکێ ڤە سیهــ خێر دێ بو وی هێنە نڤێسین. أخرجە ابن ماجە والبیهقي والطبراني والحاکم و صححە الألباني في صحیح الجامع رقم 6002

15.بابێ موسایێ ئەشعەری خودێ ژێ رازی بیت گوت پٸغەمبەری (ﷺ) گوت ئەو کەسێ نڤێژا سپێدێ و ئێڤاری بکەت دێ چیتە بەهەشتێ.  متفق علیە

16. عوبادەی کورێ صامتی خودێ ژێ رازی بیت گوت پێغەمبەری (ﷺ) گوت: پێنچ نڤێژن خودێ یێن لسەر عەبدان نڤێسین ئەو کەسێ هەر پێنچ نڤێژان بکەت و ج ژوان نڤێژان ژدەست نەدەت و کێماسی ب مافێ وانا نەکەت ئەوی پەیمانەك یا ل دەف خودێ هەی کو وی ببتە بەهەشتێ و ئەو کەسێ ڤان نڤێژان ژ دەست بدەت ئەوی چ پەیمان ل دەف خودێ نینن ئەگەر خودێ ڤیا دێ وی عەزاب دەت و ئەگەر ڤیا دێ بو وی غەفرینیت. أخرجە ابو داود و ابن ماجە و ابن حبان و احمد و البیهقي و صححە الألباني في صحیح الجامع رقم 3243

17. عوقبە کورێ عامری خودێ ژێ رازی بیت گوت پێغەمبەری (ﷺ) گوت هەر موسلمانەکێ باش دەستنڤێژا خو بگریت و پشتی هینگێ رابیت دوو روکاعەتان بکەت و ب دل و سەروچاڤێت خو بچیتێ ، ئیلا بەهەشت دێ بو وی بیتە ئەرك. أخرجە مسلم

18. دەیکا موسلمانا (أم حبیبة) خودێ ژێ رازی بیت گوت من گوهــ ل پێغەمبەری (ﷺ) بوو گوت: هەر کەسەکێ دروژەکێ دا دوازدە روکاعەتان بو خودێ بکەت ژبلی فەرزان ئیلا خودێ دێ بو وی خانیەکێ دبەهەشتێ دا ئاڤاکەت. رواە مسلم

19. عبداللە کورێ سلامی خودێ ژێ رازی بیت گوت پێغەمبەری (ﷺ) گوت : گەلی خەلکی سلاڤێ بەلاڤ بکەن و خوارنێ ژی بدەن و سەرەدانا مروڤێت خو ژی بکەن و رابن ب شەڤ نڤێژا بکەن دەمێ خەلك نڤستی ، هوین دێ چنە بەهەشتێ ب ئێمناهی. أخرجە الترمذي و ابن ماجە و صححە الألباني في صحیح الجامع رقم 7865 

20. سەهل خودێ ژێ رازی بیت گوت پێغەمبەری (ﷺ) گوت:  ل بەهەشتێ دەرگەهەکێ هەی دبێژنێ(الریــــان) مروڤێن روژیگر دوی دەرگەهی را دچنە بەهەشتێ ل روژا قیامەتێ ، و کەس ژبلی روژیگرا دوی دەرگەهی را ناچیت  ، دێ هێتە گازیکرن ل وێ روژێ کا مروڤێن روژیگر؟ دێ مروڤێن روژیگر رابن و دوی دەرگەهی را چنە بەهەشتێ ، و ئەگەر مروڤێت روژیگر هەمی چوونە ژور دێ دەرگەهــ هێتە گرتن و چ کەس پشتی وان ناچیتە بەهەشتێ دوی دەرگەهی را . متفق علیە

21. بابێ هورەیرە خودێ ژێ رازی بیت گوت پێغەمبەری   (ﷺ) گوت : کی ژ هەوە ئەڤرو ب روژی یە؟ ئەبو بەکری خودێ ژێ رازی بیت گوت ئەز پشتی هینگێ پێغەمبەری(ﷺ) گوت کی ژ هەوە ئەڤرو ل دویف جەنازێ مریەکێ چویە ؟ ئەبو بەکری گوتێ ئەز ، پێغەمبەری (ﷺ) گوت کی ژ هەوە ئەڤرو خوارنەک دایە مروڤەکێ مسکین؟ ئەبو بەکری گوتێ من ، پێغەمبەری (ﷺ) گوت کی ژهەوە ئەڤرو چویە سەرەدانا مروڤەکێ نەخوش ؟ ئەبو بەکری گوتێ ئەز ، پێغەمبەری (ﷺ) گوت نینە مروڤەك ئەڤ هەر چوار کارە ل دەڤ پەیدا ببن دروژەکێ دا ئیلا دێ چیتە بەهەشتێ. أخرجە مسلم

22. بابێ هورەیرە خودێ ژێ رازی بیت گوت پێغەمبەری (ﷺ) گوت : عومرە بو عومرێ گونەهێت دناڤبەرا خودا دغەفرینن ، ئانکو ئەگەر مروڤ ئەڤ سالە بچیتە عومرێ هەتا سالەکا دی پشتی هینگێ جارەکا دی بچیتە عومرێ ، ئەڤ هەردوو عومرە دێ گونەهێن دناڤبەرا خو دا غەفرینن ، و پشتی هینگێ پێغەمبەری (ﷺ) گوت: و حەججا مەبرور(ئانکو یا قەبولکری) چ جزا نینن ئیلا بەهەشت ، خودێ ب رزقێ مە هەمیان بکەت چونا حەجێ و عومرێ. متفق علیە

23. حوزەیفە کورێ یەمانی خودێ ژوی و بابێ وی رازی بیت گوت پێغەمبەری (ﷺ) گوت: زەلامەك ژ مللەتێن بەری هەوە ، (ملك الموت) چوو دا رحا وی بستینیت ، گوتێ تە هندەك کارێت خێرێ کرینە؟ گوتێ ئەز نزانم ، گوتێ بەرێ خو بدە کارێ خو کا تە چ خێر هەیە ، ئینا ئەوی زەلامی گوتە (ملك الموت)ی ئەز چ نزانم ژبلی هندێ کو دەمێ من تشت دفروتنە خەلکی من هاریکاریا وان دکر ، من تشت دفروتنە مروڤێ پێ چێبیت و من خو لێ دگرت (ئانکو من تشت فروتنێ ب دەین و من خو لێ دگرت) ، و هەروەسا من تشت دفروتنە مروڤێ پێ چێ نەبیت و ئەز دا وی ئازا کەم (ئانکو دەمێ من تشت فروتبانە مروڤەکێ فەقیر و پێ چێ نەبوبا پارا بو من بزڤرینیت ئەز دا بو وی وان پارا هێلم) ، پشتی هینگێ پێغەمبەری (ﷺ) گوت: خودێ ئەڤ مروڤە ئازا کر و برە بەهەشتێ سەرا ڤی کارێ چاك. متفق علیە

24.بابێ هورەیرە خودێ ژێ رازی بیت گوت پێغەمبەری (ﷺ) گوت : مروڤەکێ دیت صەیەك یێ ژ تێهنا دا ئاخێ دخوت ، ئینا وی زەلامی کالکا خو یا خاڤەی ژ پێ خو کر و ئاڤ ژ وێ کانیکێ (ئەوا دەڤێ صەی نەدگەهشتێ) کرە کالکا خو و پێ دا صەی هەتا صە تێر بوو ژ ئاڤێ ، و خودێ ب دلوڤانیا خو ئەڤ مروڤە ئازا کر و برە بەهەشتێ. أخرجە البخاري

25. سەهلێ کورێ سەعەدی خودێ ژێ رازی بیت گوت پێغەمبەری (ﷺ) گوت: ئەز و ئەو مروڤێ ئێتیمەکێ خودان بکەت ل بەهەشتێ هوسانێ نە ، ئیشارەت دا هەردوو تبلێن خو (یا ناڤێ و شەهادێ) و ژێکڤەکرن ، ئارمانجا پێغەمبەری (ﷺ) ئەو بوو کو خێرا خودانکرنا ئێتیمەکێ درێیا خودێ دا مروڤ دێ دگەل پێغەمبەری (ﷺ) بیت دبەهەشتێ دا . أخرجە البخاري

26. بابێ هورەیرە خودێ ژێ رازی بیت گوت من گوهــ ل پێغەمبەری (ﷺ) بوو  گوت: من مروڤەك دیت خو دقولپاند دبەهەشتێ دا ، سەرا دارەکێ کو درێکا خەلکی دا بوو و خەلك پێ دئێشا ، ئەوی رابو ئەڤ دارە بری. أخرجە مسلم

27. سەهلێ کورێ سەعەدی خودێ ژێ رازی بیت گوت پێغەمبەری (ﷺ) گوت ئەو کەسێ زەمانێ بدەتە من کو عەورەتا خو بپارێزیت ژ زنایێ و فاحیشێ ، و ئەزمانێ خو بپارێزیت ژ گونەهان ئەز دێ زەمانێ دەمە وی کو ئەو دێ چیتە بەهەشتێ. أخرجە البخاري

28. بابێ دەردائی خودێ ژێ رازی بیت گوت زەلامەکێ گوتە پێغەمبەری (ﷺ) بەرێ من بدە کارەکێ کو ئەز پێ بچمە بەهەشتێ پێغەمبەری (ﷺ) گوتێ عێجز نەبە بەهەشت بو تەیە ئانکو خو ژ عێجزیێ دویر بێخە ، تو دێ ب ڤێ دویرئێخستنێ چیە بەهەشتێ ، و ئەڤ چەندە ب دەست مروڤی ڤە ناهێت هەتا مروڤ خو تەسلیمی خودێ بکەت دهەمی دەمادا . أخرجە الطبراني و ابو یعلی وصححە الألباني في صحیح الجامع رقم 7374

29. بابێ دەردائی خودێ ژێ رازی بیت گوت من گوهــ ل پێغەمبەری (ﷺ) بوو گوت بابێ مروڤی دەرگەهێ نیڤا بەهەشتێ یە ڤێجا ئەگەر تە بڤێت ئەوی دەرگەهی ژ دەستێ خو بکە ، یان ئەوی دەرگەهی بپارێزە بو خو ، و پاراستنا ڤی دەرگەهی دێ ب کرنا باشیێ بیت دگەل بابێ مروڤی و هەروەسا مروڤ گوهدانا فەرمانێت وی بکەت دهەمی کاراندا بەلێ گونەهــ تێ نەبیت. أخرجە الترمذي و ابن حبان و الحاکم و صححە الألباني في صحیح الجامع رقم 7145

30.موعاویە کورێ جاهیمەی خودێ ژوی و بابێ وی رازی بیت گوت جاهیمە چو دەڤ پێغەمبەری (ﷺ) گوتێ: یا پێغەمبەرێ خودێ (ﷺ) من دڤێت ئەز بچمە جیهادێ بەلێ بەری ئەز بچم من دڤێت ئەز پرسیارا خو ژتە بکەم بو ڤێ چەندێ(ئانکو چونا من بو جیهادێ) ، ئینا پێغەمبەری (ﷺ) گوتێ تە دەیك هەیە؟ جاهیمەی گوت بەلێ ، پێغەمبەری (ﷺ) گوتێ ل دەڤ دەیکا خو بە چونکی بەهەشت یا ل دەڤ پێ وێ. أخرجە احمد و الحاکم وصححە ووافقە الذهبي وحسنە الألباني في صحیح الجامع 2604

31. ئەبو هورەیرە خودێ ژێ رازی بیت حەدیثەکێ ژ کیس دەڤێ پێغەمبەری(ﷺ) ڤەدگوهێزیت و دبێژیت پێغەمبەری (ﷺ) گوت: خودێ دبێژیت عەبدێ منێ موسلمان چ جزا ل دەف من نینن  ئەگەر من خوشتڤیێ وی مراند و ئەوی بو خو ب خێر حیساب کر ئیلا بەهەشت. أخرجە البخاري

32. بابێ موسایێ ئەشعەری خودێ ژێ رازی بیت حەدیثەکێ ژ کیس دەڤێ پێغەمبەری (ﷺ) ڤەدگوهێزیت و دبێژیت پێغەمبەری (ﷺ) گوت: ئەگەر کورێ عەبدەکێ مر ، خودێ دێ بێژیتە مەلائیکەتان هەوە روحا کورێ عەبدێ من ستاند؟ (خودێ ژوان چێتر دزانیت) دێ بێژنێ بەلێ ، خودێ دێ بێژیتە وان هەوە فێقیێ دلێ عەبدٸ من ستاند؟ دێ بێژنێ بەلێ ، خودێ دێ بێژیتە وان عەبدێ من چ گوت؟ دێ بێژنێ حەمدا تە کر و گوت إنا للــــە و إنا إلیە راجعــــــون ، خودێ دێ بێژیتە وان خانیەکێ ل بەهەشتێ بو عەبدێ من ئاڤاکەن و ناڤێ وی بکەنە خانیێ حەمدێ. أخرجە الترمذي و ابن حبان و حسنە الألباني في صحیح الجامع رقم 795

33. بابێ هورەیرە خودێ ژێ رازی بیت گوت پێغەمبەری (ﷺ) گوت ئەگەر ژنکێ هەر پێنچ نڤێژێت خو کرن و هەیڤا رەمەزانێ ب روژی بوو و خو ژ خرابیا(فاحیشێ) داپاش و و پێگیریێ ب فەرمانێت زەلامێ خو بکەت ، ل روژا قیامەتێ خودێ دێ بێژیتێ هەرە بەهەشتێ دوی دەرگەهی را ئەوێ تە بڤێت ژ دەرگەهێت بەهەشتێ. أخرجە ابن حبان و صححە الألباني في صحیح الجامع رقم660 

34.ثوبان خودێ ژێ رازی بیت گوت پێغەمبەری (ﷺ) گوت ئەو کەسێ بمریت و ئەو یێ گەردەن ئازا بیت ژ مەزناتیێ و غولولێ (ئەوژی دزیا غەنیمێ یە بەری بهێتە دابەشکرن لسەر موسلمانا) و دەینداریێ ، دێ چیتە بەهەشتێ. أخرجە الترمذي و ابن ماجە و ابن حبان و الحاکم و صححە الألباني في صحیح سنن الترمذي

35. عومەر خودێ ژێ رازی بیت گوت پێغەمبەری (ﷺ) گوت هوین دگەل جەماعەتێ بن و هشیار بن ژ ژێکڤەبوونێ چونکی شەیتان یێ دگەل مروڤێ بتنێ ، و ئەگەر دوو مروڤ بن شەیتان یێ دویرترە ، و ئەو کەسێ نیڤەکا بەهەشتێ بڤێت ، بلا دگەل جەماعەتێ بیت ئانکو بلا دگەل جەماعەتێ بیت و خو ژ پارتا دویربێخیت چ ئاینی بیت یان نەئاینی بیت. أخرجە الترمذي وقال هذا حدیث حسن صحیح غریب

36. عبداللە کورێ عمرو کورێ عاصی خودێ ژێ رازی بیت گوت پێغەمبەری (ﷺ) گوت ئەو کەسێ بڤێت ژ ئاگری خلاس بیت و بچیتە بەهەشتێ ، بلا مرن ب سەردا بهێت و ئەوی باوەری ب خودێ و روژا قیامەتێ هەبیت و هەروەسا ئەو خێرا وی بو خو دڤێت بلا بو خەلکی ژی بڤێت ، یان کا چەوا وی بڤێت خەلك دان و ستاندنێ دگەل وی بکەن بلا ئەوژی وەسا دان و ستاندنێ دگەل خەلکی بکەت. أخرجە مسلم

37. عوبادەی کورێ صامتی خودێ ژێ رازی بیت گوت پێغەمبەری (ﷺ) گوت زەمانێ بدەنە من ب شەش تشتا ژ نەفسا خو ، ئەز دێ زەمانێ دەمە هەوە بو بەهەشتێ: راستیێ بێژن ئەگەر هوین ئاخفتن ، و سوزا خو ب جهــ بینن ئەگەر هەوە سوز دا ، و ئێمانەتا بو خودانان بزڤرینن ، و عەورەتا خو بپارێزن ژ فاحیشێ و زنایێ ، و چاڤێت خو بپارێزن ژ بەرێ خو دانا حەرام ، و دەستێن خو ژ شەرا دویرکەن. أخرجە احمد و ابن حبان و الحاکم و حسنە الألباني في صحیح الجامع رقم 1018

38. بابێ هورەیرە خودێ ژێ رازی بیت گوت پێغەمبەری (ﷺ) گوت ئەو کەسێ سەرا نەخوشەکێ بدەت یان سەرا برایێ خو یێ موسلمان بدەت ، مەلائیکەتەك دێ گازی کەتێ چونا تە تەنا بیت و تەژی خێر بیت ، و تە بو خو جهەك ل بەهەشتێ هەلبژارت. أخرجە الترمذي و حسنە الألباني في صحیح سنن الترمذي

39. بابێ هورەیرە خودێ ژێ رازی بیت گوت پرسیار ژ پێغەمبەری (ﷺ) هاتەکرن کو تشتێ بارا پتر مروڤی ببیتە بەهەشتێ؟ پێغەمبەری (ﷺ) گوت تەقوا خودێ و رەوشتێ باش ، هەروەسا پرسیار ژ پێغەمبەری (ﷺ) هاتەکرن کو تشتێ بارا پتر مروڤی ببتە ئاگری؟ پێغەمبەری(ﷺ) گوت : دەڤ (مەرەم پێ ئەزمانە) و عەورەت(مەرەم پێ فاحیشە و زنایە). أخرجە الترمذي و حسنە الألباني في صحیح سنن الترمذي

40. بابێ هورەیرە خودێ ژێ رازی بیت گوت پێغەمبەری (ﷺ) گوت ئەو کەسێ بچیتە مزگەفتێ یان ژ مزگەفتێ بزڤریت خودێ دێ بو وی جهەکێ ل بەهەشتێ ئامادەکەت هەر گاڤەکا بچیتە مزگەفتێ یان ژ مزگەفتێ بزڤریت. أخرجە مسلم