جلکێ پێغەمبەری (ﷺ)
جلکێ پێغەمبەری (ﷺ)
1. دبێژن جلکێ پێغەمبەری (ﷺ)یێ ژ هەمیا پتر حەژێ دکر ناڤێ وی (قەمیس)بوو ،جلکەکێ بەرفرەهـ و درێژ بوو و مروڤی بێنفرەهییا خو تێدا ددیت و هچکێت ویژی ددرێژ بوون هەتا دویماهیا دەستی.
2. ئەبو سەعیدێ خودری دبێژیت : ئەگەر پێغەمبەری (ﷺ)جلکەکێ نوی کربایێ دا ناڤێ وی جلکی ئینیت و ئەڤ دوعایە دکر (اللهم لك الحمد كما كسوتنيه أسألك خيره و خير ما صنع له، و اعوذ بك من شره و شر ما صنع له) ئانکو : یا خودێ ئەز سوپاسیا تە دکەم تە ئەڤ جلکە کرە بەر من و ئەز پرسیارا خێرا وی ژ تە دکەم و ئەو خێرا ژبەر هاتییە چێکرن و ئەز خو ب تە دپارێزم ژ خرابیا وی و خرابیا ژبەر هاتییە چێکرن.
3. پێغەمبەری (ﷺ)بارا پتر حەژ جلکێ سپی دکر و جلکێن دی ژی دکرنێ .. سور،رەش، و یێن قەلەم کری(خەت خەت).. پێغەمبەری (ﷺ) دگوتە سەحابیان (هشیاربن جلکێ سپی بکەنە بەر خو دا ساخێت هەوە بکەنە بەر خو و دا مریێت هەوە تێدا بهێنە ڤەشارتن).
4. پێغەمبەری (ﷺ) شەحاتەک(نعال) دکرە پێ خو، یا وەسا بوو تبلا ئێکێ و دووێ دچونە تێدا و ب وێ دهاتە ئاسێکرن(زەبتکرن).
5. پێغەمبەر (ﷺ) گوستیرکەکا زیڤی دکرە تبلا دەستێ خۆ یێ راستێ و دبێژن ئەڤ گوستیرکە نەخشێ وێ وەکی یێ خەلکێ بەهەشتێ بوو و ڤێ گوستیرکێ سێ رێز لێ دنڤیسای بوون رێزا ئێکێ (محمد) بوو یا دووێ (رسول) ویاسیێ (الله) بوو ئانکو ( محمد رسول الله) وهەر گاڤا نامەك بو فورسێ و رومێ فرێکربا گوستیرکا وی مۆر(ختم) بوو دا مۆرا خو لێ کەت (محمد رسول الله )نڤێسینا وێ بڤی رەنگی بوو.. ناڤێ خودایێ مەزن لسەری ویێ وی ل بنی.. وەك تۆر وئەدەب دگەل خودایێ مەزن.
6. عەمامە و دەرسوکێت پێغەمبەری (ﷺ)دبێژن عەمامەکا رەش دکرێ و دەرسوکەک دکرێ وەسا دئینا خوارێ و دبەر ستویێ خو دا دبر و بارا پتر سەروچاڤێت وی دگرت و هەروەسا عەماما سپی ژی دکرێ.
7. پێغەمبەری (ﷺ)پێت خو دئینانە بەر سینگێ خو و دەستێت خو دئێخستنە پێت خو و حەژ درێژکرنێ نەدکر ب تایبەتی ئەگەر مروڤ ل وێرێ بان، سەحابیان دگوت گەلەک جاران پێغەمبەری (ﷺ) دگوتە مە (خو درێژ نەکەن و پێیەکێ دسەر پێیەکێ دا نەئاڤێژن ب تایبەتی ل دەمێ ئێک لدەف هەوە بیت ).
کومــێتــدان لسـه‌ر بابــه تـی