خوارنا پێغەمبەری (ﷺ)

خوارنا پێغەمبەری (ﷺ)

1. پێغەمبەری (ﷺ)خوارن ب تبلا بەرانی و یا شەهدێ و نیڤێ دخوار و پشتی دخوار دا ب ئەزمانێ خوە پاقژ کەت و دگوت :(دا چ بارا شەیتانی تێدا نەمینیت بکەڤیتە ئەردی یان بەلاش بچیت) و ئەگەر هندەک خوارن کەفتبا ئەردی دا ب دەستی پاقژ کەت و ئەگەر یا پیس با دا وی جهێ پیس ژێ ڤەکەت دا بارا شەیتانی تێدا نەمینیت.

 2. پێغەمبەری (ﷺ) دگوت : (ئەز چ جاران خوارن و ڤەخوارنان پالدای نە دخوم و نە ڤەدخوم)،و ئەگەر زاد هاتبا بەر سینگێ وی دا پێت خو دانیتە بن خو و پاشی دا خوت.

3. دبێژن چ جارا پێغەمبەری (ﷺ)خوارن لسەر مێزا نەخوارییە و چ ئامانێت تایبەت نەبوینە بو زادی ،گلدەک هەبوو خوارنا وی هەمی لسەر وێ بوون. 

4. عائیشا دبێژیت : ئەم بنەمالا پێغەمبەری(ﷺ) گەلەک جاران هەیڤەک دروست ب سەر مەدا دهات و مە ئاگر دمالدا بو زادی هەلنەدکر.

5. نەعمانێ کورێ بەشیری دبێژیت: خو قەسپێن بێ سەروبەرژی یێن ئەرزان ژی دمالا ویدا نەبوون پێ تێر ببیت.

6. عائیشا دبێژیت: مە مالا پێغەمبەری سلاڤێت خودێ لسەر بن چ جارا تێر نان نە خوارییە و ئەو نانێ مە خواری ژی ژبلی نانێ جهی مە چ یێ دی نەدیتیە و بیرا من نائێت دوو روژان ل دویف ئێک نان ب دەست مە کەفتی هەتا پێغەمبەر سلاڤێت خودێ لسەر بن چویە بەر دلوڤانیا خودێ.

7. ئەبو ئومامە دبێژیت :چ جارا زاد ژبەر پێغەمبەری سلاڤێت خودێ لسەر بن نەمایە. 

8. پرسیار ژ سەهلێ کورێ سەعەدی هاتە کرن و گوتێ: تە دیتیە پێغەمبەری سلاڤێت خودێ لسەر بن نانێ سپی خواری(نە یێ جهی)؟ گوت: نەخێر چ جارا من نەدیتیە نانێ سپی خواری هەتا چویە بەر دلوڤانیا خودێ.

9. پێغەمبەری سلاڤێت خودێ لسەر بن حەژ خوارنا هنگڤینی دکر و تشتێ شرین ئەگەر هەبا.