مافێن پێغەمبەری (ﷺ) لسەر ئوممەتا وی

مافێن پێغەمبەری (ﷺ) لسەر ئوممەتا وی

1. دانا سەلاواتان لسەر وی: حەسەنێ کورێ عەلی خودێ ژێ رازی بیت دبێژیت پێغەمبەری سلاڤێت خودێ لسەر بن گوت هوین ل چ جهـــ بن ئەو جهێن بنڤێژ سلاواتا بدەنە سەر من چونکی ئەو سلاوات دگەهنە من . 

2. دوعایا وەسیلێ بو وی: عبداللە کورێ عمرو کورێ عاصی خودێ ژ وی و بابێ وی رازی بیت دبێژیت پێغەمبەری سلاڤێت خودێ لسەر بن گوت ئەگەر هەوە گوهــ ل بانگی بوو هوین ژی وەکی وی بێژن و پاشی هوین سلاواتا بدەنە سەر من چونکی ئەو مروڤێ ئێک سلاوات بدەتە سەر من خودێ ژبەر وێ سلاواتێ دێ ١٠ سلاواتا دەتە سەر وی و پاشی هوین بو من دوعا ژ خودێ بکەن  وەسیلێ بدەتە من  چونکی ئەو جهەکە ل بەهەشتێ و ب تنێ ئەو جهــ دگەهیتە عەبدەکێ  ژ عەبدێن خودێ و ئەز حەز دکەم ئەو عەبد ئەز بم ڤێجا ئەو مروڤێ بو من دوعایا وەسیلێ بکەت دێ شەفاعەتا من ژ وی مروڤی گریت. تێبینی: بتنێ ل دەمێ ئەو بانگدەر دبێژیت : حی علی صلاة .. حى على الفلاح .. ئەو مروڤ دێ بێژیت لا حول ولا قوة الا بالله.

3. گەهاندنا ناما وی: عبداللە کورێ عمرو کورێ عاص خودێ ژێ رازی بیت دبێژیت پێغەمبەری سلاڤێت خودێ لسەر بن گوت هوین ناما من بگەهینن خو ئەگەر ئێک تشت ژی بیت . (ئێک گوتن،ئێک شیرەت، ئێک زانین، ئانکو هوین هەمی ببنە خودانێ گەهاندنا ناما ئیسلامێ ). 

4. چاڤلێکرنا وی: قال تعالي  أعوذ بالله من الشيطان الرجيم ( لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا) الاحزاب ٢١ ئانکو: ب ڕاستى بۆ هه‌وه‌ -گه‌لی خودان باوه‌ران- د گۆتن وكريار وسه‌روبه‌رێ پێغه‌مبه‌رێ خودێ دا -سلاڤ لێ بن- چاڤلێكرنه‌كا باش هه‌بوويه‌ هوين چاڤ لێ بكه‌ن، ڤێجا هوين پێگيرییێ ب ڕێبازا وى بكه‌ن، وهه‌ما ئه‌و پێگيرییێ ب سوننه‌تا وى دكه‌ت يێ ژ خودێ وڕۆژا دويماهییێ يێ ب هيڤى بت، وگه‌له‌ك زكرێ خودێ كربت وداخوازا ژێبرنا گونه‌هان ژێ كربت، وشوكرا وى ل سه‌ر هه‌مى حالان كربت. 

5. حەژێکرنا وی ژ هەمی مروڤان پتر: ئەنەس خودێ ژێ رازی بیت دبێژیت پێغەمبەری سلاڤێت خودێ لسەر بن گوت چ عەبدا ئیمانا وان تمام نابیت هەتا کو ئەو پتر حەژ من بکەت ژ پتر ژ کورێ خو و پتر ژ بابێ خو و پتر ژ هەمی خەلکی.