موسڵمان ئەڤــان خێــران ژ دەسـت خو نـەکـە

موسڵمان ئەڤــان خێــران ژ دەسـت خو نـەکـە

پێشەکی 

بسم اللە الرحمن الرحیم

الحمدللە وحدە والصلاة و السلام علی من لا نبي بعدە .. وبعد:

برایێ موسلمان گەلەك گوتنێن ب ساناهی یێت هەین دئاینێ ئیسلامێ دا بەلێ خێرا وان گوتنان گەلەکا مەزنە ، و مروڤ ب ڤان گوتنان خو نێزیکی خودێ دکەت پشتی عیبادەتێن فەرز و پلێن مروڤی پێ بلند دبن ، و گونەهێت مروڤی دهێنە ژێبرن و خودێ کێماسیێن مروڤی پێ ڤەدشێریت ، برایێ من یێ خوشتڤی من بوتە چەند گوتن و کریارێن ب ساناهی یێن کومکرین داکو تو ڤان خێران ژ دەستێن خو نەکی و بزانە برا چ تشتی ئەز پال نەدایمە بو کومکرن و وەرگێرانا ڤان گوتن و کریارێن بخێر ژ غەیری حەژێکرنا من بوتە بو خودێ چونکی من یا خێرێ بوتە دڤێت برایێ من یێ خوشتڤی ل دویماهیێ ئەز دوعا ژ خودێ دکەم کو ئیخلاسێ ب رزقێ مە بکەت دگوتن و کریارێت مەدا و مە بکەتە دەرگەهێ خێرێ بو خەلکەکێ . آمیـــــن

وصلی اللە وسلم وبارك علی نبینا محمد و علی آلە و صحبە أجمعین

1. گوتنا (لا إلـــــە إلا اللــــــە):

پێغەمبەری (ﷺ) گوت دەمێ نوح سلاڤ لێ بن مرن ب سەردا هاتی وەسیەتەك ل کورێ خو کر و دوێ وەسیەتێ دا گوتە کورێ خو : ئەز فەرمانێ بتە دکەم ب (لا إلــــە إلا اللــــە) پشتی هینگێ گوتێ: کورێ من ئەگەر هەر حەفت ئاسمان دگەل هەر حەفت ئەردان بکەنە درەخەکێ تەرازیێ دا و (لا إلــــە إلا اللــــە) بکەنە درەخێدیدا ، دێ (لا إلــــە إلا اللـــە) گرانتربیت. بنێرە پەرتوکا السلسلة الصحیحە 1/133 یا ئیمامێ ئەلبانی.

برایێ موسلمان تو ب خودێ کەی گوتنا پەیڤا (لا إلـــە إلا اللــــە) چەند دەم پێ دڤێت هەتا مروڤ جارەکێ ڤێ پەیڤێ بێژیت! برایێ موسلمان ئەگەر تو روژێ دەقەکێ نەگەلەك !! دەقەکێ ب تنێ تەرخان کەی بو گوتنا ڤێ پەیڤێ کێم کێم دێ سیهــ جاران بێژی ، دێ برا هزرا خو بکە خێرەك بوتە بهێتە نڤێسین روژانە و ئەڤ خێرە هندا مەزن بیت کو سیهــ جارا هندی هەر حەفت ئاسمان و هەر حەفت ئەردانە ، ما شاء اللە ئەز ب خودێ کەم مروڤ نەبیت کو خودێ ژێستاندبیت ئەڤێ خێرێ ژ دەستێ خو ناکەت ، برا دێ سوزێ بدە لسەر خو کو تو روژانە کێم کێم دەقیقەکێ تەرخان بکەی بو گوتنا پەیڤا (لا إلــــە إلا اللـــــە).

2.روژانە چوونا خوە بو بەهەشتێ زەمانکە:

پێغەمبەر (ﷺ) دبێژیت: سید الاستغفار أن یقول العبد: اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ. ئیمامێ بوخاری ئەڤ حەدیثە یا ڤەگوهاستی

ئانکو: یا خودێ تو رەبێ منی ، چ خودێ یێن ب حەق نینن یێن پەرستنێ ژبلی تە، وتە ئەز یێ چێکریم و ئەز عەبدێ تەمە، و ئەز یێ لسەر سوز و پەیمانێت تە ژ من وەرگرتین هندی بشێم، ئەز خو ب تە دپارێزم ژ وێ خرابیا من کری، ئەز دانپێدانێ(ئعتراف)ێ ب نیعمەتێن تە دکەم یێن تە دگەل من کرین و ئەز دانپێدانێ ب گونەهێن خو دکەم ، و تو گونەهێت من ب غەفرینە، چونکی کەسەك نینە گونەهێت من ب غەفرینیت تو ب تنێ نەبی. 

هەروەسا ئەو کەسێ سپێدێ هەر وێ بێژیت(اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ) ،  و باوەری ب دروستی هەبیت و بمریت بەری ببیتە شەڤ ئەو ژ ئەهلێ بەهەشتێ یە ، و هەر کەسەکێ ب شەڤ بێژیت و باوەری ب دروستی هەبیت و بمریت بەری ببیتە روژ ئەو ژ ئەهلێ بەهەشتێ یە.

3. چوونا بەهەشتێ ب هەر دەرگەهێ تە بڤێت:

پێغەمبەر  (ﷺ) دبێژیت ئەو کەسێ بێژیت: (اشهد أن لا إلە إلا اللە وحدە لا شریك لە وأن محمدا عبدە ورسولە وأن عیسی عبد اللە وابن أمتە وکلمتە ألقاها إلی مریم وروح منە وأن الجنة حق وأن النار حق أدخلە اللە من أي أبواب الجنة الثمانیة شاء )  ئیمامێ مسلم ئەڤ حەدیثە یا ڤەگوهاستی.

 ئەو کەسێ بێژیت: (اشهد أن لا إلە إلا اللە وحدە لا شریك لە وأن محمدا عبدە ورسولە وأن عیسی عبد اللە وابن أمتە وکلمتە ألقاها إلی مریم وروح منە وأن الجنة حق وأن النار حق)  خودێ دێ وی بەتە بەهەشتێ ب هەر دەرگەهەکێ وی بڤێت ژهەر هەشت دەرگەهێن بەهەشتێ.

4. خێرا زکرێ دەستنڤێژێ:

عومەرێ کورێ خەتابی خودێ ژێ رازی بیت گوت پێغەمبەری(ﷺ) گوت ( من توضأ فأحسن الوضوء ، ثم قال : أشْهَدُ أن لا إله إلا الله وحْدَهُ لا شريكَ لهُ ، وأشْهَدُ أنَّ محمداً عَبدُهُ ورسُولُه ، اللَّهُمَّ اجْعَلْني مِنَ التَّوَّابينَ واجْعَلْنِي من المُتَطَهِّرِينَ ، فتحت لە ثمانیة أبواب الجنة ، یدخل من أیها شاء). ئیمامێ مسلم و تورمزی ئەڤ حەدیثە یا ڤەگوهاستی.

هەر کەسەکێ باش دەستنڤێژێ بگریت و پشتی هینگێ بێژیت:( أشْهَدُ أن لا إله إلا الله وحْدَهُ لا شريكَ لهُ ، وأشْهَدُ أنَّ محمداً عَبدُهُ ورسُولُه ، اللَّهُمَّ اجْعَلْني مِنَ التَّوَّابينَ واجْعَلْنِي من المُتَطَهِّرِينَ). دێ هەشت دەرگەهێن بەهەشتێ بو وی ڤەبن و دێ دوی دەرگەهێ بەهەشتێ را چیت یێ وی بڤێت.

5. دەستڤەئینانا پتر ژ ملیار خێران ددەقیقێدا:

پێغەمبەر(ﷺ) دبێژیت:( من استغفر للمؤمنین والمؤمنات کتب اللە لە بکل مؤمن ومؤمنة حسنە) ئیمام الطبرانی ئەڤ حەدیثە یا ڤەگوهاستی و ئیمامێ ئەلبانی یا باش کری د صحیح الجامع دا ژمارە 6026

ئەو کەسێ داخوازا ژێبرنا گونەهان بو موسلمانان بکەت خودێ دێ پێش هەر موسلمانەکێ ڤە خێرەکێ بو نڤێسیت ، برا تو دزانی ئەڤرو چەند موسلمان ل سەر رویێ ئەردی دژین؟ 

ل دویڤ هەژمارێن نیف دەولەتی هژمارا موسلمانان لسەر رویێ ئەردی (1,500,000,000) ئانکو ملیارەك و پێنچ سەد ملیون موسلمانن! برا تو دزانی داخوازا ژێبرنا گونەهان بو موسلمانان ژ خودێ ب چ رەنگ!! برا ئەگەر تو ب دلەکێ تەژی ئیخلاس بێژی( اللهم أغفر للمؤمنین و المؤمنات) یان تو بێژی ( یارەب تو گونەهێت موسلمانا ب غەفرینی) و خودێ ژتە قەبویل بکەت دێ بوتە ملیارەك و پێنچ سەد ملیون خێر هێنە نڤێسین. 

6. دەستڤەئینانا خێرا ئازاکرنا دەهــ عەبدان و سەد خێران و ژێبرنا سەد گونەهان و.. :

پێغەمبەر(ﷺ) دبێژیت ئەو کەسێ سەد جاران دروژێ دا بێژیت ( لَا إلَه إلّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلُّ شَيْءِ قَدِيرِ) هەروەکو دەهــ عەبد ئازاکرین ، و سەد خێر دێ بو وی ئێنە نڤێسین و سەد گونەهێت وی دێ ئێنە ژێبرن و دێ بو وی بیتە پارێزگەر ژ شەیتانی دروژا ویدا هەتا شەڤ سەردا بهێت و کەس ناهێت کو تشتەکێ باشتر ژ یا وی ئیناتبیت ل روژا قیامەتێ ، ژبلی ئێکێ کو ژ وی پتر ئەڤ زکرە گوتبیت. ئیمامێ بوخاری و مسلم ئەڤ حەدیثە یا ڤەگوهاستی

7. دەستڤەئینانا هزار خێران:

پێغەمبەر(ﷺ) دبێژیت:(أیعجز أحدکم أن یکسب کل یوم ألف حسنة فسألە سائل من جلسائە کیف یکسب أحدنا ألف حسنة قال یسبح مائة تسبیحة فیکتب لە ألف حسنة أو یحط عنە ألف خطیئة) ئیمامێ مسلم ئەڤ حەدیثە یا ڤەگوهاستی.

ما ئێك ژهەوە نەشێت هەر روژ هزار خێران ب دەست خوڤە بینیت ، ئینا ئێکێ روینشتی لدەف پێغەمبەری(ﷺ) گوت دێ چاوا ئێك ژمە هزار خێران ب دەست خوڤە ئینیت ، پێغەمبەری  گوت بلا سەد تەسبیحان بکەت ، دێ هزار خێر بو وی ئێنە نڤێسین ،یان ژی هزار گونەهێت وی دێ ئێنە ژێبرن.

8. ڤی زکری بێژە ، خودێ دێ تە رازی کەت ل روژا قیامەتێ:

پێغەمبەر (ﷺ) دبێژیت:( ما من مسلم أو إنسان أو عبد یقول حین یمسي و حین یصبح  رضیت باللە ربا وبالإسلام دینا وبمحمد صلی اللە علیە وسلم نبیا  إلا کان حقا علی اللە أن یرضیە یوم القیامة).  ابن ماجە ئەڤ حەدیثە یا باش کری و هەروەسا ابن باز ژی ئەڤ حەدیثە یا باش کری.

نینە موسلمانەك یان مروڤەك یان عەبدەك بێژیت دەمێ سپێدە بسەردا بهێت یان ژی شەڤ بسەردا بهێت ( رضیت باللە ربا وبالإسلام دینا وبمحمد صلی اللە علیە وسلم نبیا) سێ جاران ، ئیلا خودێ دێ سوزا خو بجهــ ئینیت دگەل وی ، کو وی رازی کەت ل روژا قیامەتێ.

9. دەستڤەئینانا ملیون خێران و ژێبرنا ملیون گونەهان و بلندکرنا ملیون پلەیان ل بەهەشتێ:

پێغەمبەری(ﷺ) گوت:( من دخل السوق فقال لا إلهَ إلاّ اللّهُ وحْـدَهُ لا شريكَ لهُ، لهُ المُلكُ ولهُ الحَمْد، يُحيـي وَيُمـيتُ  وهو حي لا یموت بیدە الخیر  وَهُوَ عَلَى كُلُّ شَيْءِ قَدِير کتب اللە لە ألف ألف حسنة ومحا عنە ألف ألف سیئة ورفع لە ألف ألف درجةِ). ئیمامێ ترمذي ئەڤ حەدیثە یال ڤەگوهاستی و ئیمامێ ئەلبانی یا باش کری د صحیح الترغیب و الترهیب  دا  1694

ئەو کەسێ بچیتە دناڤ بازاری دا(سویکێ دا) و بێژیت (لا إلهَ إلاّ اللّهُ وحْـدَهُ لا شريكَ لهُ، لهُ المُلكُ ولهُ الحَمْد، يُحيـي وَيُمـيتُ  وهو حي لا یموت بیدە الخیر  وَهُوَ عَلَى كُلُّ شَيْءِ قَدِيرِ) دێ هزار هزار خێر بو وی هێنە نڤێسین و هزار هزار گونەهێن وی دێ ئێنە ژێبرن ، و هزار هزار پلان(درجە) دێ هێتە بلندکرن . (هزار هزار ئانکو ملیون)

10. خواندنا ئایەتا کورسی پشتی هەر نڤێژەکا فەرز زەمانە بوتە بو چونا بەهەشتێ:

قال رسول اللە صلی اللە علیە وسلم (من قرأ ایة الکرسي في دبر کل صلاة مکتوبة لم یمنعە من دخول الجنة الی أن یموت). ئیمامێ نەسائی ئەڤ حەدیثە یا ڤەگوهاستی و ئیمامێ ئەلبانی یا دروست کری د صحیح الجامع دا  6464

پٸغەمبەری (ﷺ) گوت ئەو کەسێ ئایەتا کورسی بخوینیت پشتی هەر نڤێژەکا فەرز چ ئاستەنگ دناڤبەرا وی و بەهەشتێ دا نینن ژبلی مرنێ ، ئانکو ئەگەر مرن ب سەردا هات دێ چیتە بەهەشتێ.

11. دەستڤەئینانا دەهـــ سەلەواتێن خودێ ددەقیقێدا:

تو دشێی ددەقیقێدا دەهــ سلاڤێن خودێ ب دەست خوڤە بینی و سلاڤێن خودێ دلوڤانیە پێغەمبەر(ﷺ) دبێژیت (من صلی علي صلاة صلی اللە علیە بها عشرا). ئیمامێ مسلم ئەڤ حەدیثە یا ڤەگوهاستی

هەر کەسەکێ جارەکێ سلاڤان ل من بکەت خودێ دێ دەهــ جاران سلاڤا لێ کەت . زکرەکێ ب ساناهی و خێرەکا مەزن کو خودێ ب مەزناهیا خوڤە (جل جلالە) سلاڤان ل مروڤی بکەت ونە جارەکێ ژی دەهــ جاران!! دەهــ جاران دلوڤانیا خودێ ل مروڤی بهێتەکرن!! برا تو دزانی سلاڤا لسەر پیغەمبەری(ﷺ) چەندا ب ساناهی یە ، هندەك صەحابیان گوتە پێغەمبەری(ﷺ) ئەم چاوا سلاڤان ل تە بکەن ئەی پێغەمبەرێ خودێ ، پێغەمبەری (ﷺ) گوت بێژن ( اللهم صل علی محمد و علی آل محمد کما صلیت علی آل ابراهیم  إنك حمید مجید ، اللهم بارك علی محمد و علی آل محمد کما بارکت علی آل ابراهیم إنك حمید مجید). ئیمامێ بوخاری و مسلم ئەڤ حەدیثە یا ڤەگوهاستی

12. ژێبرنا گونەهان ب بەرسڤ دانا موئەزنی:

پێغەمبەر(ﷺ) دبێژیت:(من قال حین یسمع المؤذن: أشهد أن لا إلە إلا اللە وحدە لا شریك لە ، وأن محمد عبدە ورسولە ، رضیت باللە ربا وبمحمد رسولا وبالإسلام دینا ، غفر لە ذنبە). ئیمامێ مسلم ئەڤ حەدیثە یا ڤەگوهاستی

هەر کەسەکێ دەمێ دەنگێ بانگی گوهــ لێ دبیت بێژیت:( أشهد أن لا إلە إلا اللە وحدە لا شریك لە ، وأن محمد عبدە ورسولە ، رضیت باللە ربا وبمحمد رسولا وبالإسلام دینا ) گونەهێت وی دێ هێنە ژێبرن.

13. خواندنا سێکا قورئانێ ددەقیقێدا:

مروڤ ددەقیقێدا دشێت سێکا قورئانێ بخوینیت ، پێغەمبەر(ﷺ) دبێژیت:( قل هو اللە أحد تعدل ثلث القرآن). رواە مسلم

خواندنا سورەتا (قل هو اللە أحد) جارەکێ بەرامبەر سێکا قورئانێ یە ئانکو قورئانێ بکە سێ پشك ، و سورەتا (قل هو اللە أحد) خێرا وێ هندی ئێك ژوان پشکانە.

14. خزینا خێرێن مەزن :

پێغەمبەر(ﷺ) دبێژیت:( من قرأ حرفا من کتاب اللە فلە حسنة ، والحسنة بعشر أمثالها ، لا اقول (الم) حرف ولکن ألف حرف و لام حرف و میم حرف ) ئیمامێ ترمذی ئەڤ حەدیثە یا ڤەگوهاستی و ئیمامێ ئەلبانی یا دروست کری د السلسلة الصحیحة دا ژمارە 3327

هەر کەسەکێ پیتەکێ ژ قورئانا پیرۆز بخوینیت بو وی ب خێرەکێ یە و هەر خێرەك ب دەهــ خێرانە و ئەز نابێژمە هەوە کو (الم) ئێك پیتە ، بەلکو (ألف)پیتەکە و (لام )پیتەکە و (میم)پیتەکە ، ئانکو خوندنا (ألم) بتنێ ب سیهــ خێرانە. 

برایێ موسلمان تو دزانی کو (بسم اللە الرحمن الرحیم) ئەوا دهێتە هژمارتن ئێك ژ ئایەتێن سورەتا فاتیحێ ژ (23) پیتان پێك دهێت ، ئانکو خواندنا وێ ب تنێ ب (230) خێرانە و سورەتا فاتحە ژ( 158) پیتا پێك دهێت ئانکو خواندنا وێ بتنێ ب (1580) خێرانە ، برا تو دبینی چەند خێر یێن ژمە چوین ولا حول ولا قوة إلا باللــــە.

15. خێرا هەر پێنگاڤەکێ هندی خێرا کارێ سالەکێ یە ب روژیگرتنا روژێن وێ ڤە و ب رابونا شەڤێن وێ یێن عیبادەتی ڤە:

پێغەمبەر(ﷺ) دبێژیت:( من غسل یوم الجمعة واغتسل ، ثم بکر وابتکر ومشی ولم یرکب ، ودنا من الإمام فاستمع ولم یلغ ، کان لە بکل خطوة عمل سنة ، أجر صیامها وقیامها). ئیمامێ احمد د الفتح الرباني دا و ترمذي و ابو داود و ابن ماجە و دارەمی و حاکم و ابن خوزیمە و ئیمامێ ئەلبانی یا دروست کری د الصحیح الجامع دا ژمارە 6405

ئەو کەسێ روژا خوتبێ سەرێ خو بشوت و پشتی هینگێ زوی بچیتە مزگەفتێ و ب پێن خو بچیتە مزگەفتێ نەکو ب سیارێ بچیت و خو نێزیکی ئیمامی بکەت و گوهێ خو بدەتە خوتبێ و نەئاخڤیت ، هەر پێنگاڤەکا ئەوی بو مزگەفتێ ئاڤێتی هندی خێرا کارێ سالەکێ یە ب روژیگرتنا روژێن وێ ڤە و ب رابوونا شەڤێن وێ یێن عیبادەت ڤە .

تشتێ گەلەك گرنگ ئەوە کو مروڤێ موسلمان بزانیت ئەوە کو (لغو) ئەوا پێغەمبەری سلاڤ لێ بن ،ئەوا  پێغەمبەری(ﷺ) ئەم ژێ داینە پاش خوتبا مروڤی بەتال دکەت ، و ئەڤ (لغو)ە هەر ئاخفتنەکێ ب خوڤە دگریت ئانکو ئەگەر تو بێژیە هەڤالێ خو نەئاخڤە و ئیمامێ خوتبێ دخوینیت ، تو لەغویێ دکەی و ئەو کەسێ لەغوێ بکەت خوتبا وی ناهێتە هژمارتن وەکو پێغەمبەری (ﷺ) گوتی:( ومن قال یوم الجمعة لصاحبە صە فقد لغا ومن لغا فلیس لە في جمعتە تلك شيء).  ابو داود ئەڤ حەدیثە یا ڤەگوهاستی و بیهقی د السنن الکبری دا .

هەروەسا چێنابیت تو خو ب تزبیان یان موبایلا خوڤە مژویل بکەی و ئیمامێ خوتبێ دخوینیت ، و ئەو کەسێ ڤی کاری بکەت خوتبا وی ناهێتە هژمارتن وەکو پێغەمبەری(ﷺ) گوتی:(من توضأ فأحسن الوضوء ثم أتی الجمعة فاستمع وأنصت غفر لە ما بینە و بین الجمعة وزیادة ثلاثة أیام ومن مس الحصی فقد لغا). ئیمام مسلم ئەڤ حەدیثە یا ڤەگوهاستی.

دڤێت مروڤێ موسلمان ئەڤێ چەندێ ب خەمڤە وەربگریت داکو ژ ڤێ خێرا مەزن نەهێتە بێ بارکرن.

16. خێرا رابوونا شەڤێ ب دەستخوڤە بینە و تو یێ نڤستی:

پێغەمبەر (ﷺ) دبێژیت:( من صلی العشاء في جماعة کان کقیام نصف لیلة ، ومن صلی العشاء والفجر في جماعة کان کقیام لیلة ). ئەڤ حەدیثە یا هاتیە ڤەگوهاستن ژلایێ ئیمام مالك و ئیمام احمد د الفتح الرباني دا  و مسلم و ترمذي و ابو داود و دارەمی.

ئەو کەسێ نڤێژا عەیشا ب جەماعەت بکەت هەر وەکو ئەوی نیڤەکا شەڤێ ب عیبادەتی ڤە بوراندی ، و ئەو کەسێ نڤێژا عەیشا و سپێدێ ب جەماعەت بکەت هەر وەکو ئەوی هەمی شەڤ ب عیبادەتی ڤە بوراندی.

17.روژانە خێرا پێنچ حەجان ب دەست خوڤە بینە:

برا تو دزانی ئەگەر ئەگەر تە گوهــ ل بانگی بوو و تو ئێکسەر دەستنڤێژێ بگری و بچیە مزگەفتێ و نڤێژا خو یا فەرز ب جەماعەت بکەی خێرا تە وەکی خێرا حەجەکێ یە ، پێغەمبەر (ﷺ) دبێژیت:( من خرج من بیتە متطهرا الی صلاة مکتوبة فأجرە أجر الحاج المحرم). ئیمامێ ئەلبانی ئەڤ حەدیثە یا دروستکری. 

و هەروەسا ئەڤ چەندە بو ژنکێ ژی دهێت ئەگەر نڤێژا خوە ل مالێ ژی بکەت بەلێ ئنیەتا وێ ئەڤ خێرە بیت. 

18.ب ڤێ گوتنێ گونەهێن تە دێ هێنە ژێبرن:

پێغەمبەر(ﷺ) دبێژیت:( من قال: أستغفراللە العظیم الذي لا إلە إلا هو الحي القیوم وأتوب إلیە غفر اللە ذنوبە و إن کان فر من الزحف). ئیمامێ ترمذي ئەڤ حەدیثە یا ڤەگوهاستی و ئیمامێ ئەلبانی یا دروستکری.

ئەو کەسێ بێژیت:( أستغفراللە العظیم الذي لا إلە إلا هو الحي القیوم وأتوب إلیە ) خودێ دێ گونەهێت وی غەفرینیت هەتا ئەگەر ژ جیهادێ رەڤیبیت. 

19. ب گوتنا چەند پەیڤەکان چوونا بەهەشتێ موکم بکە:

پێغەمبەر (ﷺ) دبێژیت:( من قال: رضیت باللە ربا و بالإسلام دینا و بمحمد صلی اللە علیە وسلم رسولا وجبت لە الجنة). ئیمامێ ئەبو داود ئەڤ حەدیثە یا ڤەگوهاستی و ئیمانێ ئەلبانی یا دروستکری.

ئەو کەسێ بێژیت:(رضیت باللە ربا و بالإسلام دینا و بمحمد صلی اللە علیە وسلم رسولا ) چوونا وی بو بەهەشتێ دێ موکم بیت.

20. پشتی هەر نڤێژەکێ گونەهێت خوە هەمیان ژێ ببە:

پێغەمبەر(ﷺ) دبێژیت:( من قال بعد کل صلاة: سبحان اللە ثلاث و ثلاثین ، و الحمدللە ثلاث و ثلاثین ، و اللە أکبر ثلاث و ثلاثین ، وقال تمام المائة : لا إلە إلا اللە وحدە لا شریك لە ، لە الملك و لە الحمد وهو علی کل شيء قدیر غفرت ذنوبە وإن کانت مثل ذبد البحر). ئیمامێ بوخاری ئەڤ حەدیثە یا ڤەگوهاستی.

ئەو کەسێ پشتی هەر نڤێژەکێ (سیهــ و سێ جاران بێژیت سبحان اللە) و (سیهــ و سێ جاران بێژیت الحمدللە) و (سیهــ و سێ جاران بێژیت اللە أکبر) و جارا سەدێ بێژیت:(لا إلە إلا اللە وحدە لا شریك لە ، لە الملك و لە الحمد وهو علی کل شيء قدیر )گونەهێت وی دێ هێنە ژێبرن هەتا ئەگەر هندی کەفا دەریایی بن.

21. سەد جاران ئەڤێ پەیڤێ بێژە و گونەهێت خوە هەمیان ژێ ببە:

پێغەمبەر(ﷺ) دبێژیت:( من قال: سبحان اللە و بحمدە في یوم مائة مرة حطت خطایاە ولو کانت مثل ذبد البحر ). ئیمامێ مسلم ئەڤ حەدیثە یا ڤەگوهاستی.

ئەو کەسێ سەد جاران ئەڤێ پەیڤێ بێژیت:(سبحان اللە و بحمدە) گونەهێت وی دێ هێنە ژێبرن هەتا ئەگەر هندی کەفا دەریایی بن.

22. ب گوتنا پەیڤەکێ دێ گونەهێت تە هەمی هێنە غەفراندن:

پێغەمبەر (ﷺ) دبێژیت:( إذا أمن الإمام فأمنوا فإنە من وافق تأمینە تأمین الملائکة غفر لە ما تقدم من ذنبە). ئیمامێ بوخاری و مسلم ئەڤ حەدیثە یا ڤەگوهاستی.

ئەگەر ئیمامی گوت (آمیـــن) هوین ژی بێژن (آمیـــن) چونکی ئەو کەسێ گوتنا وی بو پەیڤا (آمیـــن) بکەڤیتە دگەل گوتنا مەلائیکەتان بو پەیڤا (آمیـــن) دێ گونەهێت وی هێنە غەفراندن.

دڤێت نڤێژکەر پەیڤا (آمیــن) نەبێژیت هەتا ئیمام بێژیت (آمیـــن) نەوەکی وی شێوەی یێ ئەم نوکە ل دەڤ بارا پتر ژ نڤێژکەرا دبینن هێشتا ئیمامی پەیڤا ( والضالین) ب تەمامی نەگوتی نڤێژکەر هەمی دێ بێژن (آمیـــن) گەلی موسلمانا ئەڤ چەندە یا خەلەتە و ئەو کەسێ ڤێ چەندێ پێگیریێ پێ نەکەت دێ هێتە بێ بارکرن ژڤێ مزگینیێ.

23. ب گوتنا سێ پەیڤان دێ گونەهێت تە هەمی هێنە غەفراندن:

پێغەمبەر (ﷺ) دبێژیت:( إذا قال الإمام سمع اللە لمن حمدە ، فقولوا: اللهم ربنا لك الحمد ، فإنە من وافق قولە قول الملائکة غفر لە ما تقدم من ذنبە). ئیمامێ بوخاری و مسلم ئەڤ حەدیثە یا ڤەگوهاستی

ئەگەر ئیمامی گوت (سمع اللە لمن حمدە) هوین ژی بێژن(اللهم ربنا لك الحمد ) چونکی ئەو کەسێ گوتنا وی (اللهم ربنا لك الحمد) بکەڤیتە دگەل گوتنا مەلائیکەتان (اللهم ربنا لك الحمد) دێ گونەهێت وی هێنە غەفراندن.

24. بەهایێ گوتنا دوعایێ پشتی خوارنێ و لبەرخو کرنا جل و بەرگان:

پێغەمبەر (ﷺ) دبێژیت:( من أکل طعاما ثم قال: الحمدللە الذي أطعمني هذا الطعام ، ورزقنیە من غیر حول مني ولا قوة غفر لە ما تقدم من ذنبە. و من لبس ثوبا فقال: الحمدللە الذي کساني هذا ، ورزقنیە من غیر حول مني ولا قوة غفر لە ما تقدم من ذنبە وما تأخر). ئیمامێ ابن ماجەی ئەڤ حەدیثە یا ڤەگوهاستی و ئیمامێ ئەلبانی یا باش کری.

ئەو کەسێ خوارنەکێ بخوت و بێژیت:(الحمدللە الذي أطعمني هذا الطعام ، ورزقنیە من غیر حول مني ولا قوة) دێ گونەهێت وی هێنە غەفراندن ، و ئەو کەسێ دەمێ جل و بەرگەکێ بکەتە بەرخو و بێژیت:(الحمدللە الذي کساني هذا ، ورزقنیە من غیر حول مني ولا قوة ) دێ گونەهێت وی یێن چوین و یێن بهێن هێنە غەفراندن.

25. تە دڤێت تو ڤان خێران هەمیان ب دەست خوڤە بینی!!

برا تو دشێی ئەڤان خێران هەمیان ب دەست خوڤە بینی ب رێکا بەرێ دانا خەلکی بو ئەڤان گوتنێن دگەل مەدا بورین ، ئەوژی ب رێکا کوپیکرنا ئەڤێ پەرتوکێ ، چونکی ئەو مروڤێ بەرێ خەلکی بدەتە خێرێ ئەوژی هەڤپشکێ (شریك)ێ وی خەلکی یە دوێ خێرێ دا ، پێغەمبەر سلاڤێن خودێ لسەر بن دبێژیت:( من دل علی خیر فلە مثل أجر فاعلە). ئەڤ حەدیثە ابو داود  و ترمذي و ئیمام احمد یا ڤەگوهاستی.

برایێ موسلمان تو ببە دەرگەهێ خێرێ و ئەڤان پێزانینان بەلاڤ بکە و چەند مروڤەك ئەڤان پێزانینان بزانیت و کاری پێ بکەت تو هەڤپشکێ خێرا وی.

اللهم اجعل هذا الجهد المقل خالصا لوجهك الکریم وصلی اللە علی نبینا محمد و علی آلە و صحبە وسلم

وآخر دعوانا أن الحمدللە رب العالمین