بابه‌تێن بێپەردە ژیانا من یا وێرانکری...
بابه‌تێن بێپەردە ژیانا من یا وێرانکری، من دڤێت خۆ ژ ڤان کاران ڕزگار بکەم دا خۆشییێ ب سەرکەڤتنێ و خۆجهی و ئارامییا هزرێ ببەم ".
پترییا جاران ئه‌و كه‌سێن گازندا ژ بابه‌تێن بێپه‌رده دكه‌ن، ب ڤان په‌یڤان ده‌ربڕینێ ژ ڕه‌وشا خۆ د گه‌ل بابه‌تێن بێپه‌رده دكه‌ن.
ب ڕاستی بێپەردەییی هەمی ڕامانێن جوان وێران دکەت، هەتا خۆشییا سێكسی ب خۆ ژی ئەوا خودێ پێ قه‌نجی د گه‌ل مرۆڤان كری، بێپه‌رده‌ییی ب بۆرینا ده‌می ڤێ خۆشییێ ژی وێران دكه‌ت، حەز و هێز و شیان ژی لاواز دبن. پەیوەندییان ژی تێکددەت، و ل سەری و دەستپێکێ پەیوەندییا تە د گەل خودایێ تە و د گەل هەڤژینا تە و د گەل هەمی کەسێن دەوروبەرێن تە دێ تێکددەت، و دبیت ژبەر ڤێ چەندێ تو کارێ خۆ ژی ژ دەست بدەی، و د خواندنا خۆ ژیدا ڤەبمینی.
بێپەردەییی دبیتە ئەگەرێ ئیدمانێ و ڕاهاتنێ ل سەر ڤان دیمەنان، ئەڤ چەندە ژی کارتێکرنەکا نەرێنی ل سەر مێشکێ وی کەسی پەیدا دکەت یێ ئیدمان ل سەر ڤان دیمەنان بۆ چێبووی و نەشێت بهێلیت، ب تەمامی وەکی وێ کارتێکرنێ یا ماددەیێن بێهۆشکەر ل دویڤ خۆ دهێلن وەکی هیرویینی، و ئەڤ چەندا مە گۆتی ئەوە یا ڤەکولینێن نوی و سەردەم دووپات و بنەجهــ دکەن و ئەڤ بێپەردەییە کوکایینێ ڤی سەردەمییە هەروەکی شاڕەزایێن ڤی بیاڤی ناڤ لێ دکەن.
بابەتێن بێپەردە دهێنە بکارئینان بۆ سڤککرنا خەمۆکییێ و ڕەڤینا ژ ئاریشەیان، ڤێجا ئەرێ ئەوان بابەتان ئەڤ چەندە بۆ تە بجهـئینایە؟! ئەرێ باشە دوو دلی و خەمۆکییا تە ل سەر تە سڤککرینە یان زێدەتر لێ کرینە و ژبەر وان بابەتێن بێپەردە ئاریشەیێن تە زێدەتر لێ هاتینە!!!
خۆ ژ بێپەردەییێ ئازاد بکە و دلسەر ژ نوی دەست ب ژیانەکا پاقژ بکە.
کومــێتــدان لسـه‌ر بابــه تـی