بەلگەیێن عەقلی یێن پێغەمبەرینیا محمدی

خەلەکا ئێکێ : 

ژ بەلگەیێن_عەقلی_یێن_پێغەمبەرینیا_محمدی

سلاف لێ بن.

ـــــــــــــ

بەلگەیێ ئێکێ : 

سەحکە قورئانێ : ئەرێ کا بەحس کرنا کەسایەتیا وی بخو دقورئانێ دا ، ئەگەر قورئان ژ چێکرنا وی با، یا بەرعەقل بوو بەحسا خو و زاروکینیا خو جحێلینیا خو بکەت، یان بەحسکرنا نێزیکترین هەڤالێ خو کو ابوبکرە ئەگەر خو بوو جارەکێ ژی با ناڤێ وی ئینابا.

ئەرێ لکیش جهی ناڤێ خەدیجایێ ئینایە؟ و ئەو ئەو  بوو یا دتەنگافترین دەم دەستێ وی گرتی و خو لبەر ترس و برسا گرتی، بوچی خو بوو ئێک جار ژی ناڤێ وێ نە دکرە دقورئانێ دا، ئەگەر وی نڤیسابا؟

لکیڤە بەحسا کچێن خو کریە؟ لکیش ئایەتێ ناڤێ کورێن خو ئینایە؟ لکیڤە ناڤێ دەیکا خو ئینایە ئەوا شیر دایێ و مەزن کری؟

توو دبینی سورەتەکا کامل بناڤێ مریم یا هەی کو دەیکا عیسی پێغەمبەرە سلاڤ ل بن، بەلێ تو نابینی سورەتەک بناڤێ خديجة یان عائیشة یان فا‌طمة تشتێ سەرنج ڕاکێشتر ئەوە یا مەعقولتر بوو نێزیکترین پێغەمبەر ژلایێ دەمی ڤە کو عیسی یە، ژبیرا خەلکی بربا، بەلێ پا ناڤێ وی ۲٥ جارا یێ دقورئانێ دا، و ناڤێ محمد بتنێ ٤ جارا.

دکتور غاری میلر خودانێ پەرتوکا ( القران المذهل ) دبێژیت : 

( دەمێ من دەستپێکێ قورئان خواندی من هزر کر دێ ئاخفتنێ لدور بیابانێ و داب ونەریتێن وێ بینم د ژینگەهەکا بیابانی دا ! من هزر دکر دێ چەند مەوقفا خوینم یێن کو لسەر محمدی دا دەرباز بوین وەکی هەر نڤیسەرەکی، وەکی مرنا هەڤژینا وی و یان یا کچ و کورێن وی، بەلێ پا خو من تشتەکێ هوسا نەدیت ! بەلێ یا بوو من سەیر ئەوبوو دەمێ من سورەتەکا کامل دیتی بنافێ مریم و تێدا گەلەک بها و قەدرێ وێ دگریت ! ویێن وەکی وێ، نە دئنجیلێ بخو دا و نە د پەرتوکێن دیکەفتیێن عیسی دا نینە، و ددەمەکی دا چ سورەت بناڤێ عائشة و فاطمة نینن. و ناڤێ عیسی من دیت ۲٥ جارا وددەمەکی دا ناڤێ محمد ٤ جارا و احمد بتنێ جارەکێ ! ئەڤێ ئەز پتر مەندەهوشکرم). 

ئاخفتنا میلەری بدوماهیک هات.

و ژڤێ ژی پتر، ناڤێ موسی پتر ژ ۱۳۰ جارا دقورئانێ دا هەیە، ڤێجا ئەی ئەو کەسێ ب گومان ژ محمدی، ئەرێ چ کارێ زەلامەکێ ل بیابانەکێ ب موسایەکی هەیە بەری وی ب دوو هزار ساڵا ژیابیت و ناڤێ وی هند جارا بینیت؟ جارەک یان دووجار بەس بوو ناڤێ وی بینیت ویا دی بەحسا عومەری و ابوبکری کربا و هەڤاڵێن خو و ماڵا خۆ، یان مێژوویا مەکەهێ و شعرێن عیملاقێن امروالقیس ی عنترەی و موعەلەقاتێن وان ! 

ژ سروشتێ مروڤی یە دێ بەحسا تشتێن هەی و پێشچاڤ کەت، بەلێ خو ئیشارەتەک ژی نینە بوو معلقات و خودانێن وان و کو تایبەتمەندیەک هەبوو بکەعبا پیروز ڤە..

ـــــــــــــــــــ

وليد خالد مزيري