ئیمام بوخاری چەوا شیایە 600 هزار حەدیسا ڤەگێرت؟

ئیمام بوخاری چەوا شیایە 600 هزار حەدیسا ڤەگێرت؟

.
ئەو کەسێن دڤێن دژایەتیا گوتنێن پێغەمبەری ﷺ بکن وکار پێ نەکن بێ گومانا لسەر وان پەرتۆکا دروست دکەن ئەوێن گوتن و کریارێن وی بومە ڤەگێڕاین بتایبەت ئەوێ پەرتۆکا ژ هەمیا بهێزتر کو سەحیحا ئیمامێ بوخاری یە.
.
گومانکەر دبێژت: ـ بخاری : ل سالا ۱۹٤هـ ل خوراسانێ یێ ژ دایک بووی ، پشتی مرنا پێغەمبە  ب ۱۸۳ سالا دناڤبەرا بخاری و پێغەمبەری  پێنچ ڤەگوهێزەر هەبوون بخاری ٦٠٠٠٠٠ فەرموودە یێن ڤەگوهاستین ۳۷٥٠٠ فەرموودە د سالێدا یێن ڤەگوهاستین ۳۱۲٥ فەرموودە د هەیڤێدا ۱٠٤ فەرموودە د رۆژێدا ٤ فەرموودە د دەمژمێرەکێدا ل ڤێرێ تو هزرا خو بکە  ئەگەر ب حێشترێ  وەلاتێن عەرەبی بگەرم دێ چەند دەم پێڤە چیت؟
.
بەرسڤ:
ئەگەر گومانکەری پچەک ژ زانستێ فەرموودەناسیێ زانیبا ئەڤ گوتنێن بێ ڕامان نە دگوتن کو بەلگەیە لسەر جەهلا وی چونکی:
.
1- دەسپێکێ 600 هزار ئەو حەدیسەنە ئەوێن بوخاری کومکرین و ژبەرکرین چ صەحیح بن یان ضعيف و ژ ڤان حەدیسا د پەرتۆکا الصحيح دا بتنێ 7397 نڤیسینە ئەوێن ژ هەمیا سەحیحتر و یێن دی د پەرتۆکێن دیدا نڤیسینە و قوتابیێن وی ژێ ڤەگێراینە.
.
2- د فەرموودەناسیێ دا حەدیس ب چەند رێکا هاتبتە ڤەگوهاستن حساب دبت حەدیسەکا جدا بو نمونە حەدیسا ( انما الاعمال بالنيات ) دووسەد زانایا ژ یحیی بن سعید ڤەگێرایە حساب دبیت 200 حەدیس، هەروسا د سەحیحا ئیمام بوخاری دا ب رێکا 7 زانایا هاتیە ڤەگوهاستن حساب بویە 7 حەدیس. لەوا یا سەیر نینە کەسەکی 600 هزار حەدیس ڤەگوهاستبن بەلکو کەسەکێ وەک ئیمام ئەحمەدێ کورێ حەنبەلی ملیون حەدیس ڤەگوهاستینە وەک ابو زرعة دبێژت.
قال أبو زرعة لعبد الله بن أحمد : كان أبوك يحفظ ألف ألف حديث.
.
3- ئیمام بوخاری بتنێ حەدیس نە ڤەگێراینە ونڤیسینە بەلکو سەدەها زانایێن بەری وی و پشتی وی ژی بهەمان رێک ئەو حەدیسە ڤەگێراینە کو دبنە شاهد و متابعە بو وان حەدیسا ، و پەرتۆکێن وان ژی نوکە لبەردەستن.
.
4 - دابشەکرنا حەدیسا لسەر عەمری یا خەلەتە چونکی ئیمام بوخاری ژمالەکا بیانی نە هاتیە و چوبت کتیبەک ئینابت دەست ب ژبەرکرنا حەدیسا کربت! بەلکو کەسەکە دناڤ زانایا دا مەزن بویە و لبن چاڤدێری و ئیجازەدان و تەزکیا وان فەرموودە ڤەگێراینە و ئەوان زانایا ژی هەروسا ژ زانایێن بەری خو وەرگتیە و وانا ژی ژ تابعیا و تابعیا ژی ژ ئەسحابەیا ئەڤ پروسێسە کو دبێژنێ " علم الرجال "  هەمی یا هاتیە نڤیسین د پەرتوکێن تایبەت دا ئیمام بوخاری پەرتۆک لسەر ڤێ چەندێ ژی نڤیسینە کا ژ کی وەرگرتیە و ژ کی نەوەرگرتیە و بوچی و هەمی زانایا و هەمی وان کەسێن پەرتۆک ڤەگێراین ئەڤ چەندە کریە ..  دهندەک حەدیسا دا دناڤبەرا پێغەمبەری ﷺ و ئیمام بوخاری دا بتنێ سێ کەس هەنە.
.
ئەڤجا هەرکەسێ ڤیا وەکی ڤان گومانکەرا جاهل نەبت بلا ژیانناما زانایا و ئیمامێ بوخاری بخوینت و کورتیەکێ دەربارەی ڤەگێرانا حەدیسێ بخوینت دا بزانت چ زانستەکێ بهێزە بو پاراستن و گەهاندنا گوتن و کریارێن پێغەمبەری ﷺ بومە و د چ ئاینا دا ئەڤ زانستێ هوسا بهێز نەبویە دین پاراستبت بتنێ ئیسلام مایە پاراستی برێکا ڤی علمی .. هەروسا دا بزانت ڤان زانایا چەند زەحمەت دیتیە و عەمرەکێ بوراندی د رێکا خزمەتکرنا ڤێ رێبازێ و ڤی دینی .. نەوەک وان کەسێن گومانکەر پالدای لمال چ خزمەتا دینی نەکری د ڤێن حەدیسا پشت گوهێ خو پاڤێن دا دین ببتە یاری ددەستێ واندا کەسێن هوسا مستهتر تاوانە بەحسا ئەهلێ علمی و دینی بکن ودژایەتیا گوتن و کریارێن پێغەمبەری ﷺ بکن.