ترساندنا ب ئاگری د قورئان و سوننەتێ دا
ترساندنا ب ئاگری د قورئان و سوننەتێ دا
بەری نوکە مە گوت: خودێ و پێغەمبەرێ وی سلاڤ لێ بن دگەلەك گوتنێن خو دا ئەم ژ ئاگرێ جەهنەمێ ترساندینە، بو هندێ دا تەقوا ل نك مە پەیدا ببت ، و ئەڤ ترسا هە مە بکەتە مروڤێن خێرخواز و قەنجیکار ، و ل ڤێرێ مە دڤێت چەند ئایەت و حەدیسان بو نموونە دڤێ دەلیڤەیێ دا ڤەگێرین.
ژ ئایەتێن قورئانێ:
(قال تعالى: يَاأَيُّهَا الّذِينَ آمَنُوا قُوا أَنفُسَكُمْ وَأَهْلِيكُمْ نَاراً وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللّهَ مَا أَمَرَهُمْ وَيَفْعَلُونَ مَا يُؤْمَرُونَ ) ئهى ئهوێن باوهرى ب خودێ ئيناى ودويكهفتنا پێغهمبهرێ وى كرى، هوين خۆ وعهيالێ خۆ ب گوهدانا فهرمانا خودێ ژ وى ئاگرى بپارێزن يێ ب مرۆڤ وبهران دئێته هلكرن، هندهك ملياكهتێن ب هێز وزڤر خهلكێ وى ئاگرى عهزاب ددهن، وئهو بێ ئهمرییا خودێ ناكهن، ووى تشتى دكهن يێ فهرمان پێ ل وان دئێتهكرن.(التحريم6)
و ل جهەکێ دی دبێژت : ( فَاتَّقُوا النَّارَ الّتِي وَقُودُهَا النَّاسُ وَالْحِجَارَةُ أُعِدَّتْ لِلْكَافِرِينَ )ڤێجا هوين ب بـاوهرى ئينانا ب پێغهمبهرى -سلاڤ لێ بن- و ب گوهدارییا خودێ خۆ ژ ئاگرى بپارێزن. ئهو ئاگرێ ب مرۆڤ وبهران دئێته خۆشكرن، ئهوێ بۆ كافران هاتییه ئامادهكرن.(البقرة24)
ودبێژت : (وَاتَّقُوا النَّارَ الَّتِي أُعِدَّتْ لِلْكَافِرِينَ )
وهوين پهرژانهكى بۆ خۆ د ناڤبهرا خۆ ووى ئاگرى دا بدانن يێ بۆ كافران هـاتییه ئامادهكرن.(آل عمران131).
و دبێژت: ( لَهُمْ مِنْ فَوْقِهِمْ ظُلَلٌ مِنْ النَّارِ وَمِنْ تَحْتِهِمْ ظلَلٌ ذَلِكَ يُخَوِّفُ اللّهُ بِهِ عِبَادَهُ يَاعِبَادِ فَاتَّقُونِ).
ڕۆژا قيامهتێ بۆ وان زيانكاران د جههنهمێ دا هندهك پارچهيێن عهزابێ ژ ئاگرى د سهر وان دا ههنه وهكى عهورێن ل سهرێك، و د بن وان ژى دا هندهك پارچه ههنه. ب ڤێ عهزابا ژێگۆتى خودێ بهنییێن خۆ دترسينت؛ دا ئـهو هشيار ببن. ئهى بهنییێن من ڤێجا هوين تهقوا من بكهن و گوهدارییا فەرمانێن من بکەن.(الزمر16)
و دبێژت : (وَمَا هِيَ إِلا ذِكْرَى لِلْبَشَرِ . كَلا وَالْقَمَرِ . وَاللّيْلِ إِذْ أَدْبَرَ . وَالصُّبْحِ إِذَا أَسْفَرَ . إِنَّهَا لإِحْدَى الْكُبَرِ . نَذِيراً لِلْبَشَرِ . لِمَنْ شَاءَ مِنْكُمْ أَنْ يَتَقَدَّمَ أَوْ يَتَأَخَّرَ ).
وههما ئاگر شيرهت وبيرئينانهكه بۆ مرۆڤان. مهسهله نه يا وهسايه وهكى وان گۆتى، خودێ ب ههيڤێ سويند دخۆت.و ب شهڤێ دهمێ دچت ودبۆرت. و ب سپێدێ دهمێ گهش وئاشكهرا دبت.هندى جههنهمه تشتهكێ مهزنه.
دا خهلك بترسن. بۆ ههر كهسهكێ بڤێت ژ ههوه كو ب كرنا باشییان خۆ نێزيكى خودێ بكهت، يان ب كرنا گونههان پاش بكهڤت.(المدثر 31-37).
و ژ حەدیسێن پێغەمبەری سلاڤ لێ بن:
(ئیمام ئەحمەد) ژ(نوعمانێ کورێ بەشیری) ڤەدگوهێزت دبێژت: من گوهــ ل پێغەمبەری بوو سلاڤ لێ بن خوتبە دخواند و دگوت: (ئەز هەوە ب ئاگری دترسینم، ئەز هەوە ب ئاگری دترسینم) و دەنگێ خو هند بلند کر حەتا ئەگەر زەلامەك ل بازارێ با دا گوهــ ل دەنگێ وی بت.
و بوخاری و موسلم ژ عەدییێ کورێ حاتەمی ڤەدگوهێزن و دبێژت : پێغەمبەری سلاڤ لێ بن گوت: خو ژ ئاگری بپارێزن (پاشی رویێ خو وەرگێرا، سێ جاران ، حەتا مە هزر کر ئەو یێ بەرێ خو ددەتێ ، پاشی گوت:(اتقوا النار ولو بشق تمرة فمن لم يجد فبكلمة طيبة) خو ژ ئاگری بپارێزن ئەگەر خو ب پرتەکا قەسپێ بت ، و هەچییێ ئەو ژی نەبت بلا ب گوتنا خوش خو ژ جەهنەمێ بپارێزت.
مەعنا: دانا خێرا ئەگەر خو دکێم ژی بن مروڤی ژ ئاگرێ جەهنەمێ دپارێزت ، و هەچییێ چو تشت نەبن بکەتە خێر ، بلا ب ئاخفتنا خوش دگەل خەلکی باخڤت ، ئەو ژی دێ وی پارێزت.
و ( بوخاری و موسلم ) ژ ( ئەبوو هورەیرەی ) ڤەدگوهێزن، دبێژت: پێغەمبەری سلاڤ لێ بن دبێژت : (إنما مثلي ومثل أمتي كمثل رجل استوقد نارا فجعلت الدواب والفراش يقعن فيها ، فأنا آخذ بحجزكم عن النار ، وأنتم تقتحمون فيها ) مەتەلا من و مەتەلا ئوممەتا من وەکی مەتەلا وی زەلامییە یێ ئاگرەکی هلکەت، ڤێجا پێشك و بەلاتینك بێن و بکەڤنێ ، ئەز هەوە دگرم دا هوین نەکەڤنێ، و هوین خو دهاڤێنێ.
کومــێتــدان لسـهر بابــه تـی